ហេតុផលដែលអ្នកគួរតែមានដំណើរកម្សាន្តច្រើនពេលនៅជាយុវវ័យ
- 2017-11-16 08:50:33
- ចំនួនមតិ 0 | ចំនួនចែករំលែក 0
ហេតុផលដែលអ្នកគួរតែមានដំណើរកម្សាន្តច្រើនពេលនៅជាយុវវ័យ
ការដើរកម្សាន្តគឺមានន័យបំផុតសម្រាប់យុវវ័យ ព្រោះវ័យនេះគឺតែងតែចង់សប្បាយ ចង់ស្គាល់អ្វីដែល ប្លែកៗ និង ថ្មីៗ ដូច្នេះហើយទើបបានជាវ័យនេះគឺសក្ដិសមបំផុតសម្រាប់ការដើរកម្សាន្តព្រោះ ៖
១. ហ្វឹកហាត់ខួរក្បាល
ពេលដែលយើងស្ថិតក្នុងវ័យនេះគឺខួរក្បាលមានភាពរហ័សរហួន ឆ្លាតវ័យ និងឆាប់ចាប់បានអ្វីដែលថ្មី អ្វីដែលប្លែក ដូច្នេះហេតុអីត្រូវចាំទាល់តែខកវ័យដ៏ល្អនេះ។ អ្នកគួរតែបើកចិត្ត និង ខួរក្បាលដ៏ល្អរបស់អ្នកមើលពីពិភពលោកដែលអ្នករស់នៅ។
**២. មានកម្លាំងខ្លាំង**
យុវវ័យជាជាវ័យដែលពេញកម្លាំង និង មានរាងកាយមាំមួន បែបនេះហើយទើបអ្នកគួរតែដើរកម្សាន្ត ព្រោះមិនដូចពេលដែលអ្នកចាស់ មានកម្លាំងខ្សោយ រាងកាយមិនរឹងមាំ ងាយឈឺ អីចឹងហើយគឺពិបាកដើរណាស់។
៣. មិនសូវខ្វល់ពីតម្លៃថោក ឬក៏ថ្លៃ
នៅវ័យហ្នឹងមិនសូវជាប្រកាន់ច្រើននោះទេ សំខាន់គឺសប្បាយ ស្គាល់អ្វីដែលថ្មីៗ តែបើអ្នកមានវ័យចំណាស់បន្តិច គឺអ្នកនឹងគិតពីភាពថ្លៃថ្នូរ សុខស្រួល និងមុខមាត់។
៤. ភ្ជាប់ទំនាក់ទំនងសង្គម
ការដើរកម្សាន្តមិនត្រឹមតែឲ្យអ្នករីករាយប៉ុណ្ណោះទេ វា ថែមទាំងឲ្យអ្នកបានស្គាល់មនុស្សថ្មីៗ និងមានការភ្ជាប់ទំនាក់ទំនងគ្នាបានយ៉ាងល្អ ព្រោះជាវ័យដែលមានការទំនាក់ទំនងខ្លាំង ហើយ ក៏រីករាយនឹងមានមិត្តថ្មីៗដែរ។
៥. ស្វែងយល់ពីខ្លួនឯង
ពេលដែលអ្នកនៅមួយកន្លែងអ្នកមិនដឹងថាអ្នកជាមនុស្សយ៉ាងម៉េចឲ្យអស់នោះទេ តែពេលដែលអ្នកបានដើរហើរទៅក្រៅជាមួយមនុស្សផ្សេងពីអ្នក គឺអ្នកអាចស្វែងយល់ពីខ្លួនឯងបន្ថែមទៀត ថាតើអ្នកនៅខ្សោយកន្លែងណា នៅមានអីមិនទាន់ចេះ ហើយ គួរតែរៀនអ្វីបន្ថែមទៀត។
សប្បាយគឺត្រូវតែសប្បាយ តែសំខាន់យើងមិនភ្លេចកាតព្វកិច្ចក្នុងវ័យរបស់យើង៕