សញ្ញាទាំង ៣បង្ហាញថាអ្នកគួរតែសុំសង្សារចាស់ត្រូវគ្នាវិញទៅ

2017-11-16 04:21:00
ចំនួនមតិ 0 | ចំនួនចែករំលែក 0

អាចថាវាជារឿងគួរឱ្យអាម៉ាស់ខ្លះដែរ ក្រោយពេលដែលអ្នកបែកគ្នាជាមួយសង្សារហើយស្រាប់តែចង់វិលត្រលប់ទៅរកគេវិញ។ ប៉ុន្តែក្តីស្រឡាញ់ពិតជាគ្មានកំហុសឡើយ ប្រសិនបើអ្នកសង្កេតឃើញខ្លួនឯងមានចំនុចទាំង ៣ យ៉ាងខាងក្រោមនេះបន្ទាប់ពីបែកគ្នារួច អ្នកគួរតែប្រញាប់ទៅសុំផ្សះផ្សាជាមួយសង្សារចាស់វិញទៅ។

១. មានលេសសើរើកំហុសគ្រប់យ៉ាងឡើងវិញ៖ ពេលខ្លះហេតុផលនៃការបែកគ្នាអាចបណ្តាលមកពីរឿងតិចតួច តែដោយសារអារម្មណ៍របស់ភាគីទាំងសងខាង ទាំងអន់ចិត្ត ទាំងខឹងនិងប្រច័ណ្ឌ ទើបធ្វើឱ្យគ្រប់យ៉ាងថ្លោះធ្លោយត្រឹមមួយរំពេច។ យ៉ាងណាក្តី ប្រសិនបើក្រោយពេលបែកគ្នាអ្នកស្រាប់តែនឹកឃើញដល់រឿងរ៉ាវចាស់ៗវិញ ហើយពិនិត្យឃើញថាអ្នកមានលេសដើម្បីកែប្រែកំហុសនោះម្តងទៀតអ្នកគួរតែប្រថុយទៅសម្របសម្រួលជាមួយគេចុះ។

រូបតំណាង

**២. តែងតែយកអ្នកចាស់ទៅប្រៀបធៀបអ្នកថ្មី៖** នេះសំដៅលើអ្នកដែលកំពុងមានស្នេហាថ្មី។ ប្រសិនអ្នកតែងតែគិតដល់អ្នកចាស់ហើយចេះតែគិតថាអ្នកថ្មីខុសពីអ្នកចាស់បែបនេះឬបែបនោះ មានន័យថាអ្នកនៅសល់ចិត្តស្រឡាញ់ជាមួយអ្នកចាស់ហើយ។ កុំបណ្តោយយូរហើយក៏កុំព្យាយាមកុហកខ្លួនឯងដែរ ត្រូវគិតថាបើមនុស្សពិតជាអស់ចិត្តមែនគេនឹងមិននឹករឮកអតីតកាលទេ។

រូបតំណាង

៣. នឹកតែរឿងល្អៗ៖ ទំនាក់ទំនងប្រៀបដូចជាចានក្នុងរាវ គឺតែងតែមានពេលប៉ះទង្គិចគ្នា តែយ៉ាងណាអ្នកមិនបានគិតដល់ភាពល្អក់កករទាំងនោះទេ ផ្ទុយទៅវិញអ្នកបែរជាអាល័យដល់អនុស្សាវរីយ៍ល្អៗជាមួយអ្នកចាស់។ នេះហើយវាជាសញ្ញាដែលបញ្ជាក់ថាអ្នកគួរត្រលប់ទៅរកគេវិញទៅ៕

ចុចអាន៖សញ្ញាមួយចំនួនកំពុងប្រាប់អ្នកថា គួរតែដកឃ្លាពីរឿងស្នេហាខ្លះហើយ!

ប្រភព៖ Businessinsider ប្រែសម្រួល៖ អ៊ុង រ័ត្នបញ្ញា