ចង់ឲ្យប្ដីរឹតតែបាក់ចិត្តស្រលាញ់ស្រឹបៗ ប្រពន្ធគួរមាន ៤ ចំណុចនេះ

2017-11-15 07:49:55
ចំនួនមតិ 0 | ចំនួនចែករំលែក 0

ស្វាមីដែលមានសំណាងគឺជាស្វាមីដែលបានភរិយាប្រកបដោយចរិយាសម្បត្តិ ចេះលើកដាក់ គោរពនិងស្រលាញ់ស្វាមី។ ប៉ុន្តែ បើភរិយានោះចេះប៉ុន្មានចំណុចនេះបន្ថែមពីលើចរិយាសម្បត្តិនេះទៀតវាកាន់តែ រឹតចំណងស្នេហាប្ដីប្រពន្ធឲ្យកាន់តែមានសុភមង្គលទៀតជាក់ជាមិនខាន។ ម៉្យាងវិញទៀត ចំណុចទាំងនោះជាអាថ៌កំបាំងដែលធ្វើឲ្យប្តីបាក់ចិត្តនឹងព្រមធ្វើអ្វីៗ គ្រប់យ៉ាងដែលអ្នកសុំ។

១.ចេះយល់ចិត្ត

មិនត្រឹមតែយល់ក្នុងជម្រៅចិត្តនោះទេ តែយល់គ្រប់ផ្នែក ដូចជា បម្រើទឹកក្ដៅត្រជាក់ ម៉ាស្សាបន្ថយភាពតានតឹងឲ្យប្ដី និងរឿងលើគ្រែជាដើម។ និយាយឲ្យចំគឺធ្វើឲ្យប្ដីមានអារម្មណ៍កក់ក្ដៅ ធូរស្រាល និងសប្បាយចិត្ត។

រូបតំណាង

**២.ចេះតែងខ្លួនឲ្យស្អាត**

ដូចពាក្យស្លោកក្នុងរឿងភាគចិនបានលើកឡើងថា "អ្នកក្លាហានឆ្លងមិនផុតពីដំណាក់ស្រីស្អា"។ ជាការពិតណាស់ស្រីស្អាតរមែងធ្វើឲ្យបុរសចិត្តទន់បាន និងព្រមធ្វើរឿងអ្វីគ្រប់យ៉ាងដែលនាងទទូចសុំ។

៣.ពូកែធ្វើម្ហូបឆ្ងាញ់ៗ

ការពិតណាស់ គ្មានអ្នកណាមានលទ្ធភាពចូលហាងរាល់ថ្ងៃទេ។ ម្យ៉ាងទៀតបើចង់ចងចិត្តប្ដីកុំឲ្យចូលចិត្តហូបរបស់ខាងក្រៅ ប្រពន្ធគូរចេះចម្អិនម្ហូបដោយផ្ទាល់ដៃ។ពេលទំនេរអ្នកអាចបបួលប្ដីដើរទិញបន្លែ សាច់ មកចម្អិនម្ហូបដែលគាត់ចូលចិត្តនៅផ្ទះជាមួយគ្នា។ ធ្វើដូចនេះអ្នកទាំងពីរ នឹងកាន់តែស្និទ្ធស្នាល ហើយប្តីអ្នកនឹងរឹតតែស្រលាញ់អ្នកទ្វេដង។

៤.ចេះនិយាយលើកដាក់សំឡេង

ចង់បានន័យថា ចេះនិយាយលួងប្ដី ពេលប្ដីស្មុគស្មាញ និយាយឲ្យរឿងធំក្លាយទៅជារឿងតូច ឯរឿងតូចក្លាយទៅជាគ្មានរឿង។ មិនត្រូវនាំភ្លើងឡើយ គួរចេះរក្សាសន្តិភាពក្នុងចិត្ត ទើបគ្រួសារមានសុភមង្គល ហើយសំឡេងទៀតសោតគឺថ្នមៗ ទើបគេសប្បាយចិត្តនឹងស្ដាប់៕