បើបុរសចង់រស់នៅយ៉ាងពិតប្រាកដជាមួយអ្នក គេនឹងបង្ហាញសញ្ញា ៦ នេះឡើង

2017-11-13 11:00:00
ចំនួនមតិ 0 | ចំនួនចែករំលែក 0

មនុស្សប្រុសខ្លះស្រលាញ់នារីតែមួយឆាវៗ ដោយមិនបានគិតចង់យកជាគូអនាគតឡើយ។ តែបុរសខ្លះគេក៏ស្រលាញ់ និងចង់បានជាគូជីវិតផងដែរ ដោយបង្ហាញសញ្ញា ៨ យ៉ាងដូចខាងក្រោមនេះ៖

១.ម៉ត់ចត់ចំពោះអ្នក៖ ទាល់តែបុរសគេចង់សាងគ្រួសារ ទើបបង្ហាញអាការៈយកចិត្តទុកដាក់ស្ដាប់អ្នកនិយាយគ្រប់ម៉ាត់។ ទង្វើបែបនេះគេហៅថា ភាពហ្មត់ចត់ ព្រោះចង់ឲ្យអ្នកដឹងថា គេបានត្រៀមខ្លួនរួចរាល់សម្រាប់មានគ្រួសារ។

២.មានភាពចាស់ទុំ៖ ពេលចាប់ផ្ដើមចង់មានគ្រួសារ អាកប្បកិរិយាគេក៏ចាប់ផ្ដើមចាស់ទុំជាងមុន ចេះគិតគូរបានវែងឆ្ងាយ ហើយថែមចេះសន្សំលុយលាក់ ទុកចាត់ចែងពិធីដោយខ្លួនឯងទៀតផង។

៣.ចាប់ផ្ដើមនិយាយរឿងរៀបការ៖ ទោះជាគេមិននិយាយចំៗ តែយ៉ាងហោចណាស់ក៏ពោលពាក្យបញ្ឆិតបញ្ឆៀងពីរឿងនេះដែរ ពេលឃើញគេរៀបការ ឬទៅការពួកម៉ាកម្ដងៗ។ ឧទាហរណ៍៖ បើពួកយើងរៀបការគួររៀបចំបែបណាទៅណ៎? ពេលមានកូនគួរដាក់ឈ្មោះអី...ជាដើម ដែលនេះជាការបង្ហើបប្រាប់មុនរបស់ដៃគូ។

៤.កាន់តែមានទំនួលខុសត្រូវ៖ កាន់តែចង់បង្កើតគ្រួសារពេលណា មនុស្សប្រុសរឹតតែបង្ហាញទំនួលខុសត្រូវច្រើនឡើងៗ ដើម្បីឲ្យដៃគូទុកចិត្តថា អាចផ្ញើជីវិតលើគេបាន។

៥.រៀនពីមនុស្សមានគ្រួសារហើយ៖ គេចាប់ផ្ដើមទៅសួរដេញដោលអ្នកមានគ្រួសារហើយ ពីបញ្ហានិងដំណោះស្រាយផ្សេងៗ ដើម្បីត្រៀមខ្លួនឲ្យបានត្រូវពេលខ្លួនក្លាយជាមេគ្រួសារ។

៦.រៀបគម្រោងអនាគតបានច្បាស់លាស់ ៖ បុរសពេលចង់ក្លាយជាទីពឹងរបស់ស្ត្រី គេនឹងចេះរៀបចំផែនការទៅថ្ងៃអនាគតឲ្យបានវែងឆ្ងាយ ដើម្បីមិនឲ្យពេលមានគ្រួសារទៅពិបាក៕

ចុចអាន៖រឿងសាមញ្ញ ៦យ៉ាងដែលជះឥទ្ធិពលអាក្រក់ដល់ជីវិតអាពាហ៍ពិពាហ៍របស់អ្នក

អត្ថបទ៖ ទ្រី រ៉ាវី