រកឃើញបុគ្គលមានឥទ្ធិពលដែលជូនកងដៃ ហង្សនាគឲ្យប្ដីប្រពន្ធ Song Hye Kyo-Song Joong Ki
- 2017-11-12 04:37:23
- ចំនួនមតិ 0 | ចំនួនចែករំលែក 0
រកឃើញបុគ្គលមានឥទ្ធិពលដែលជូនកងដៃ ហង្សនាគឲ្យប្ដីប្រពន្ធ Song Hye Kyo-Song Joong Ki
គូស្វាមីភរិយាថ្មីតារាសម្ដែង Song Hye Kyo និង Song Joong Ki បានទទួលកាដូកងដៃហង្សនាគមួយគូ ហើយអ្នកគាំទ្រកំពុងតែមានចម្ងល់ថាអ្នកណាជាអ្នកជូនដល់ពួកគេ។
កាលពីថ្ងៃទី៩ខែវិច្ឆិកាមុននេះ គូស្នេហ៍តារាសម្ដែងលំដាប់ A កូរ៉េ Song Hye Kyo និង Song Joong Ki បានបង្ហាញខ្លួនដោយនៅលើដៃបានពាក់កងដៃហង្សនាគយ៉ាងធំ បង្កការចាប់អារម្មណ៍យ៉ាងខ្លាំង។ កងដៃនេះដើមឡើយគឺជាកាដូដែលមិនអាចខ្វះបានក្នុងអាពាហ៍ពិពាហ៍របស់ប្រជាជនចិន តំណាងឲ្យស្នេហាមួយដែលមានអចិន្ត្រៃយ៍។ គេមិនដឹងថាហេតុអ្វីស្រីស្រស់ប្រុសស្អាតកូរ៉េនេះ ម៉េចក៏ពាក់កងដៃនេះដែរ។
តាមនោះដែរ អ្នកដែលជូនកាដូនេះឲ្យគូស្នេហ៍ត្រកូល Song គឺអ្នកដឹកនាំរឿងល្បីឈ្មោះ John Woo ផលិតករភាពយន្តល្បីឈ្មោះចិនដែលធ្លាប់អញ្ជើញ Song Hye Kyo លេងក្នុងរឿង "The Crossing” របស់លោក។ តាមការពិត លោកត្រូវបានអញ្ជើញមកចូលរួមក្នុងមង្គលការដែរ តែដោយសារតែរៀបចំពេលវេលាមិនបាន ក៏បានត្រឹមតែជូនកាដូឲ្យគូស្វាមីភរិយាថ្មីតែប៉ុណ្ណោះ៕