បរាជ័យលើស្នេហាដដែលៗពេក គួរតែរៀនធ្វើចិត្តឲ្យរឹងមាំតាមវិធីនេះ

2017-11-12 04:20:23
ចំនួនមតិ 0 | ចំនួនចែករំលែក 0

ស្នេហាគឺជារឿងធម្មជាតិមួយដែលមនុស្សយើងគេចមិនផុត តែពេលខ្លះវាមិនបានសមបំណងយើងឡើយ។ បើអ្នកបរាជ័យលើរឿងស្នេហាដដែលៗពេក អ្នកគួរតែរៀនធ្វើចិត្តឲ្យរឹងមាំតាមវិធីនេះ ៖

១. ដកខ្លួនពីស្នេហាមួយរយះ

គួរតែកុំព្យាយាមបន្តរកស្នេហាទៀតអី អ្នកគួរតែសម្រាកមួយរយះសិនដើម្បីឲ្យបេះដូងអ្នករឹងមាំសាជាថ្មីដោយមិនបាច់មានស្នេហាមកនៅក្បែរ។

២. កុំងាយដាក់ចិត្តស្រឡាញ់គេ

កុំឆាប់ស្រឡាញ់អ្នកណាម្នាក់លឿនពេកអី ព្រោះវាអាចឲ្យអ្នកឈឺចាប់ម្ដងហើយម្ដងទៀត ដូច្នេះមុននឹងអ្នកចង់ចាប់ផ្ដើមស្នេហាថ្មីទៀតអ្នកគួរចំណាយពេលឲ្យច្រើនដើម្បីមើលពីគេសិនថាតើអាចបន្តជាមួយគ្នាដល់អនាគតទេ មិនមែនចេះតែស្រឡាញ់ហើយចេះតែបែកទេ។

៣. ប្រឡូករឿងការងារឲ្យបានច្រើន

អ្នកគួរតែដកឃ្លារឿងស្នេហាសិន ហើយផ្ដោតសំខាន់លើរឿងការងារវិញ ព្រោះវាអាចឲ្យអ្នកធូរស្រាលនូវរឿងដែលអាក្រក់ៗកើតឡើងក្នុងជីវិតស្នេហាអ្នក។ ធ្វើការឲ្យបានច្រើន ដកពិសោធន៍រឿងការងារវក៏ជួយឲ្យអនាគតអ្នកល្អ ជាជាងដេកយំដោយសារស្នេហា។

រូបតំណាង

៤. ថែរក្សាខ្លួនចាំទទួលគូជីវិតពិត

មានន័យថាអ្នកត្រូវស្រឡាញ់ខ្លួនឯង និងថែទាំខ្លួនឲ្យបានស្អាតរង់ចាំទទួលមនុស្សដែលសក្ដិសមជាមួយយើង ព្រោះថ្ងៃណាមួយម្នាក់នោះនឹងមកដល់ គ្រាន់តែយូរ ឬក៏ឆាប់ប៉ុណ្ណោះ។ អ្នកគួរតែឈប់ប្រឡូកជាមួយស្នេហាដែលគ្មានប្រយោជន៍ទៀតទៅ គួរតែចាំទទួលមនុស្សដែលពិតប្រាកដម្នាក់វិញ។

៥. ជំរុញខ្លួនឯងដើរចូលក្នុងសង្គមឲ្យបានច្រើន

ប្រហែលអ្នកមិនមែនក្មេងទៀតទេ ដូច្នេះក៏មិនគួរគិតតែពីរឿងស្នេហាច្រើនពេកដែរ។ បើអ្នកជួបស្នេហាមិនសមបំណងហើយក៏បណ្ដោយឲ្យវាទៅ ហើយសាកយកពេលធ្វើការជាមួយសង្គមឲ្យបានច្រើន ស្គាល់មនុស្សឲ្យបានច្រើន រីករាយជាមួយអ្នកជុំវិញខ្លួនឲ្យបានច្រើន នោះអ្នកនឹងមានអារម្មណ៍ថានៅមានអ្វីល្អជាងស្នេហាច្រើនណាស់។