៥ យ៉ាងដែលអ្នកគួរដឹងបើចង់កាត់បន្ថយទម្លាប់អាក្រក់ឆេវឆាវ
- 2017-11-10 03:01:07
- ចំនួនមតិ 0 | ចំនួនចែករំលែក 0
៥ យ៉ាងដែលអ្នកគួរដឹងបើចង់កាត់បន្ថយទម្លាប់អាក្រក់ឆេវឆាវ
ធម្មជាតិរបស់មនុស្សមិនដូចជាទេវតា អ្នកណាក៏ចេះខឹង មិនថាក្មេងឬចាស់សុទ្ធតែចេះខឹងដូចគ្នា។ ទម្លាប់ធម្មជាតិដែលធ្វើឱ្យយើងចេះខឹងបែបនេះហើយ ដែលកែប្រែយើងឱ្យទៅជាមានទម្លាប់អាក្រក់ ម្យ៉ាងទៀតដោយមិនដឹងខ្លួន នោះគឺភាពឆេវឆាវ។ ៥ ចំនុចខាងក្រោមនេះ ជាគន្លឹះខ្លះៗដែលអ្នកគួរដឹងដើម្បីកែប្រែទម្លាប់ឆេវឆាវ៖
១. កុំព្យាយាមរំពឹងខ្ពស់និងផ្តាច់ការពេក៖ ឬសគល់នៃការខឹងសម្បារគឺបណ្តាលមកពីស្ថានភាពដែលនៅជុំវិញខ្លួន ខុសពីអ្វីដែលជាការគិតរបស់អ្នក។ នៅពេលដែលអ្នករំពឹងខ្ពស់ពេក ហើយគ្រប់យ៉ាងបែរជាមិនបានដូចចិត្ត នោះអ្នកនឹងមានអារម្មណ៍ឆេវឆាវ។ មួយវិញទៀត បើអ្នកសង្កេតឃើញថាវាខុសពីអ្វីដែលបានរំពឹងទៅហើយ អ្នកគួររៀនពីវិធីបណ្តែតបណ្តោយតាមយថាកម្មខ្លះដោយសារថាមនុស្សពិតជាមិនអាចក្តោបក្តាប់លើរឿងគ្រប់យ៉ាងទាំងស្រុងឡើយ។
**២. ប្រើសតិប្រឈមនឹងអ្វីដែលមិនអាចប្រកែកបាន៖** ករណីដែលអ្នកកំពុងជួបបញ្ហា ពិតណាស់អ្នកមិនអាចគេចវេះដើរចេញដោយមិនដោះស្រាយទេ នោះជាស្ថានភាពជីវិតដែលមិនអាចប្រកែកបាន។ ដូចនេះមិនគួរព្យាយាមទប់ទល់ជាមួយការរអ៊ូរទាំ ឬវាយបកដោយកំរោលទាំងទទឹងទិសទេ តែត្រូវរកគន្លឹះប្រឆាំងជាមួយវាវិញដោយការគិតពិចារណាឱ្យបានត្រឹមត្រូវវិញ។
៣. ផ្តោតលើសុខភាពខ្លួនឯង៖ ធ្លាប់លឺអត់ មានអ្នកខ្លះខឹងគេរហូតដល់គាំងបេះដូងស្លាប់ខ្លួនឯង។ ភាពឆេវឆាវមិនល្អចំពោះសុខភាពប៉ុន្មានទេ ក្រៅពីធ្វើឱ្យអារម្មណ៍ស្មុគវាក៏ធ្វើឱ្យកម្លាំងរាងកាយឆាប់ខ្សោយផងដែរ។
៤. ករណីបើមានការឈ្លោះទាស់សម្តី៖ បើរឿងប្រភេទនេះកើតឡើង យើងក៏មិនអាចឃាត់ខ្លួនឯងមិនឱ្យតឹងសរសៃកបានដែរ តែយល់ល្អបើនិយាយគ្នាស្តាប់មិនបានហើយគួរតែដើរចេញតែម្តងទៅ។
៥. ព្យាយាមស្វែងយល់ហេតុនិងផល៖ បើគ្មានភ្លើងក៏គ្មានផ្សែងដែរ គួរព្យាយាមស្វែងរកមូលហេតុដែលនាំឱ្យមានជម្លោះនិងការទាស់ទែង ហើយទទួលយកការពិត។ លើកឧទាហរណ៍ចំពោះមនុស្សពីរនាក់ដែលមានការទាស់សម្តីគ្នា ពួកគេប្រហែលជាមានចំនុចណាមួយដែលមិនយល់ពីគ្នា ដូច្នេះកុំព្យាយាមទៅកែប្រែគេអី យោបល់ល្អអ្នកគួរតែស្វែងយល់ពីធាតុពិតរបស់គេវិញ ហើយប្រើវិធីសាស្ត្រណាមួយទប់ទល់ឱ្យត្រូវនឹងលក្ខណៈរបស់គេ៕
ចុចអាន៖ជីវិតកាន់តែស្មុគស្មាញ កុំបន្ទោសព្រហ្មលិខិត បើអ្នកធ្វើរឿង ៥យ៉ាងនេះ