ល្បែងចិត្តសាស្ត្រ៖ គិតថាទ្វារមួយណាអាចនាំអ្នកទៅរកសុភមង្គល? រើសរួចមើលចម្លើយ

2017-11-10 02:16:02
ចំនួនមតិ 0 | ចំនួនចែករំលែក 0

បន្ទាប់ពីចំណាយពេល១នាទី ក្រឡេកមើលទ្វាទាំង៤ខាងក្រោម តើអ្នកគិតថាទ្វាមួយណាអាចឲ្យអ្នករកឃើញសុភមង្គល? ចូរសង្កេតឲ្យលំអិតទៅលើ រូបរាង ពណ៌ និងការតុបតែងលំអតូចៗរបស់ទ្វាទាំងនោះ។ ប្រសិនបើអ្នកជ្រើសរើស៖

១. បើកទ្វារពណ៌ខៀវ

អ្នកជាមនុស្សជួយយកអាសាអ្នកដទៃ ជាអ្នកជួយសង្គ្រោះ និងជាមនុស្សដែលតែងតែនៅក្បែរពេលគេត្រូវការ។ អ្នកមានមិត្តភ័ក្ដិតិច ប៉ុន្តែសុទ្ធតែជាមិត្តដែលស្និទ្ធស្នាលខ្លាំងបំផុត។ អ្នកឲ្យតម្លៃខ្លាំងចំពោះទំនាក់ទំនង ដូច្នេះអ្នកនឹងទទួលរងការឈឺចាប់ខ្លាំងប្រសិនបើគេក្បត់អ្នក។ ទ្វានេះបង្ហាញពីសុវត្ថិភាព និងការជឿជាក់ខាងក្នុងដែលមនុស្សខ្លះមិនអាចមើលឃើញ។ អ្នកជាមនុស្សដែលស្មោះត្រង់ និងគួរឲ្យទុកចិត្តបំផុត។ អ្នកស្អប់ជម្លោះ និងស្រឡាញ់សន្តិភាពណាស់។ ពេលខ្លះអ្នកព្យាយាមធ្វើខ្លួនរឹងមាំ លាក់បាំងការឈឺចាប់ ទាំងដែរការពិតក្នុងខ្លួនកំពុងស្រែករកក្តីស្រឡាញ់ និងសុភមង្គលពីអ្នកជុំវិញ។

២. បើកទ្វារពណ៌ស្វាយ

អ្នកជាមនុស្សដែលត្រូវការជ័យជម្នះ និងអំណាចខ្លាំង។ ចិត្តមោះមុត ម៉ឺងម៉ាត់ ចង់ឲ្យអ្វីៗស្ថិតក្រោមការគ្រប់គ្រងរបស់អ្នក ជាអត្តចរិតពិសេសរបស់អ្នក។ អ្នកជាមនុស្សពូកែ ឆ្លាតវៃ ហើយមិនងាយចិត្តទន់ទេ ដូច្នេះហើយទើបអ្នកដែលមានសមត្ថភាពក្រោមអ្នក ខ្លាចអ្នកជាខ្លាំង។ អ្នកត្រូវការតែមនុស្សស្និទ្ធស្នាល ២ឬ៣នាក់ក្បែរខ្លួន ដែលអ្នកគិតថាសមនឹងទទួលបានក្តីស្រឡាញ់ពីអ្នក។ អ្នកជាមនុស្សរឹងមាំ អាថ៌កំបាំង និងទាក់ទាញបំផុត។ ចំពោះរឿងជីវិត អ្នកជាមនុស្សមានចិត្តតស៊ូ មានៈ ជឿជាក់ និងមិនងាយចុះចាញ់ឧបសគ្គឡើយ។ ដរាបណាអ្នកទទួលបានអ្វីដែលអ្នកប្រាថ្នា ទើបអ្នកអាចស្ងប់ចិត្តបាន។

៣. បើកទ្វារពណ៌ក្រហម

អ្នកជាមនុស្សស្វាហាប់ រស់រវើក និង មានប្រជាប្រិយភាពខ្លាំង។ អ្នកចូលចិត្តការប្រកួតប្រជែង និងចង់បានការសរសើរពីអ្នកជុំវិញ។ ទោះបីពេលខ្លះអ្នកជាមនុស្សចិត្តក្តៅ តែអ្នកក៏ចេះដាក់ខ្លួន និងឲ្យតម្លៃខ្លាំងចំពោះការគោរព និងជួយអ្នកដទៃផងដែរ។ អត្តចរិតរួសរាយរាក់ទាក់ កំប្លុកកំប្លែង ធ្វើឲ្យអ្នកជុំវិញចូលចិត្ត ដូច្នេះហើយទើបអ្នកសំបូរមិត្តភ័ក្ដិ។ អ្នកជាមនុស្សកក់ក្តៅ និងជាទីពឹងពំនាក់សម្រាប់មិត្តភ័ក្ដិ ព្រមទាំងគ្រួសារ។ ពណ៌ក្រហមតំណាងឲ្យថាមពល ដូច្នេះហើយទើបអ្នកជាមនុស្សលេចធ្លោ តែទោះជាយ៉ាងណាភាពលេចធ្លោ និងការលះបង់របស់អ្នកពេលខ្លះ ក៏ធ្វើឲ្យអ្នកមានអារម្មណ៍ហត់នឿយខ្លាំងណាស់ដែរ។

៤. បើកទ្វាររូបទីទុយ

អ្នកមានចំណុចពិសេសខុសប្លែកពីគេ ពូកែឆ្ងល់ ចង់ដឹងឬចេះអ្វីដែលថ្មីៗប្លែកៗ ដូច្នេះហើយទើបទ្វាទាំង៣ខាងលើមិនអាចទាក់ទាញចិត្តអ្នកបាន។ មនុស្សម្នាស្គាល់ថាអ្នកជាមនុស្សស្វាហាប់ ឯករាជ្យ និងសុទិដ្ឋិនិយមខ្លាំង។ អ្នកស្រឡាញ់គ្រួសារ មិត្តភ័ក្ដិ និងយកចិត្តទុកដាក់ខ្លាំងចំពោះមនុស្សជុំវិញខ្លួន ដូច្នេះហើយទើបពួកគេត្រូវការអ្នកខ្លាំងដូចគ្នា។ ទឹកចិត្តល្អ និងចរិតគួរឲ្យស្រឡាញ់របស់អ្នកទាក់ទាញមនុស្សផ្ទុយភេទខ្លាំងណាស់។ វីរភាព ព្រមទាំងភាពមិនអាត្មានិយមរបស់អ្នកពិតជាអាចឲ្យអ្នកទទួលបានជីវភាពធូរធារនៅថ្ងៃអនាគត។ ពេលខ្លះការប្រឹងប្រែង និងលះបង់របស់អ្នកក៏ធ្វើឲ្យអ្នកហត់នឿយខ្លាំងណាស់ដែរ ៕

ប្រភព៖ IFAI ប្រែសម្រួល៖ អូន បញ្ញា