ក្រោយ​លេច​ឮ​ដំណឹង​បែក​បាក់​ជាមួយ​សង្សារ​ថ្មី​​ តារា​ចម្រៀង​អាមេរិក Selena Gomez ​បាន​ប្រកាស​ទាក់​ទង​ជាមួយ​ Justin​ Bieber ​វិញ​ ហើយ​ថែម​ទាំង​បើក​ជំហ​ទំនាក់ទំនង​ជា​សាធារណៈ​យ៉ាង​រំភើយ​ទៀត​ផង​។

យ៉ាង​មិញការ​ជួប​ជុំ​របស់​អ្នក​ទាំង​ពីរ​នេះ​ធ្វើ​ឱ្យ​ហ្វេន​គ្រប់​គ្នា​នឹក​ឃើញ​ដល់​អនុស្សាវរីយ៍​ចាស់​ៗ​ កាល​ពី​ ៧ ​ឆ្នាំ​មុន​ឡើង​វិញ​។

១. ខែ​ធ្នូ ​២០១០​៖ ពួក​គេ​បាន​ស្គាល់​គ្នា​កាល​ពី​ឆ្នាំ ​២០០៩​ មួយ​ឆ្នាំ​ក្រោយ​មក ​Justin ​មាន​អាយុ​ ១៦ ចំណែក​ Selena ​មាន​អាយុ​ ១៨​ ឆ្នាំ​។​ ទំនាក់​ទំនង​អ្នក​ទាំង​ពីរ​ចាប់​ផ្តើម​ស្អិត​ល្មួត​ព្រោះ​តែការ​បញ្ចុក​នំ​ Pancake ឱ្យ​គ្នា ​ហើយ​មួយ​សប្តាហ៍​ក្រោយ​មក​គេ​បាន​ប្រទះ​ឃើញ​អ្នក​ទាំង​ពីរ​កៀក​កើយ​គ្នា​ក្រោយ​ការ​ប្រគំ​តន្ត្រី​របស់​Justin​។

២. ខែ​មករា ​២០១១​៖ គេ​ប្រទះ​ឃើញ​អ្នក​ទាំង​ពីរ​ថើប​គ្នា​នៅ​កោះ ​Caribbean​។ មួយ​ខែ​ក្រោយ​មក ​អ្នក​ទាំង​ពីរ​បាន​បណ្តើរ​គ្នា​លើ​កម្រាល​ព្រំ​ក្រហម​ និង​បង្ហាញ​ភាព​ស្និទ្ធ​ស្នាល​ក្នុង​កម្មវិធី​ទទួល​ពាន​រង្វាន់​អូស្កា​ទៀត​ផង​។

នៅ​ក្នុង​ខែ​មីនា ​នា​ង​បាន​ទទួល​កាដូ​ខ្នើយ​កើយ​ដែល​មាន​រូប​ Justin ពី​កម្មវិធី​ទូរទស្សន៍ ​Ellen ​show ​ហើយ​ថែម​ទាំង​និយាយ​ទៅ​កាន់​ទស្សនិកជន​ទៀត​ថា​៖ «កាដូ​នេះ​នឹង​ធ្វើ​ឱ្យ​ខ្ញុំ​គេង​លក់​រាល់​យប់​ហើយ​មើល​ទៅ​»។

៣. ខែ​កុម្ភៈ ​២០១២​៖ Selena​ បាន​បង្ហោះ​រូប​ចិញ្ចៀន​នៅ​លើ ​Twitter​ របស់​ខ្លួន​ ហើយ​នៅ​លើ​ចិញ្ចៀន​នោះ​មាន​ឆ្លាក់​ត្បូង​ពេជ្រ​ជា​រាង​អក្ស​រ J​។ វា​ត្រូវ​គេ​សង្ស័យ​ថា​ជា​កាដូ​ដែល​ Justin ជូន​នាង​ក្នុង​ថ្ងៃ​បុណ្យ​នៃ​សេចក្តី​ស្រលាញ់ ​ចំណែក​​អក្សរ​ J ​នោះ​គឺ​តំណាង​ឱ្យ​ឈ្មោះ ​Justin ​។

៤. ខែ​វិច្ឆិកា​ ២០១២​៖ Selena​ និង​ Justin ​បាន​បែក​គ្នា​ដោយ​សម្អាង​លើ​ហេតុផល​ថា​ ទំនាក់​ទំនង​លែង​ផ្អែម​ល្អែម​ដូច​មុន ​និង​គ្មាន​ពេល​វេលា​គ្រប់​គ្រាន់​សម្រាប់​គ្នា​។

៥. ខែ​ឧសភា ​២០១៣​៖ ក្នុង​អំឡុង​ពេល​បែក​គ្នា ​Selena ​បែរ​ជា​ទៅ​បន្លំ​ថើប​ Justin ក្នុង​ចំណោម​ហ្វូង​មនុស្ស​ជា​ច្រើន​ក្រោយ​ឆាក ​ហើយ​ត្រូវ​បាន​មិត្តភក្តិ​ជិត​ស្និទ្ធ​របស់​នាង​គឺ ​Taylor ​Swift ​មើល​ឃើញ​។

៦. ខែ​មករា ​២០១៤​៖ សភាព​ការណ៍​ហាក់​ដូច​ជា​ស្ងប់​ស្ងាត់​បន្តិច​ អ្នក​ទាំង​ពីរ​ត្រូវ​គេ​ឃើញ​បណ្តើរ​គ្នា​ជិះ​ឧបករណ៍​ segway ​ហើយ​ Jusin ​ស្រាប់​តែ​បង្ហោះ​រូប​ថត​លើ​ Instagram​ដោយ​ភ្ជាប់​ជាមួយ​ប្រយោគ​ថា​ «ពេញ​ចិត្ត​នៅ​ពេល​ដែល​អ្នក​សម្លឹង​មក​ខ្ញុំ​»។

៧. ដើម​ខែ​វិច្ឆិកា ​២០១៤​៖ Selena​ បញ្ចេញ​បទ​ចម្រៀង​ផ្លូវ​ការ​មួយ​ដែល​មាន​ចំណង​ជើង​ថា​ The ​Heart Wants ​What ​It ​Wants​។ ប្រយោគ​ប៉ុន្មាន​ឃ្លា​ក្នុង​ចម្រៀង​នេះ​អាច​នឹង​រៀប​រាប់​ទៅ​កាន់​ Justin «អ្នក​ស្ទើរ​តែ​ធ្វើ​ឱ្យ​ខ្ញុំ​ឆ្កួត​ អ្នក​ធ្វើ​ឱ្យ​ខ្ញុំ​គិត​ថា​វា​ជា​កំហុសរ​បស់​ខ្ញុំ ​អ្នក​ធ្វើ​ឱ្យ​ខ្ញុំ​ឈឺ​ចាប់​»។

៨. ចុង​ឆ្នាំ ​២០១៥​៖ Justin ​ហាក់​ដូច​ជា​ដឹង​កំហុស​ហើយ​ចង់​សារភាព​កំហុស​ខ្លួន​ទៅ​កាន់​ Selena​ វិញ តាម​រយៈ​អាល់​ប៊ុម​ចម្រៀង​របស់​ខ្លួន​។

៩. ខែ​កុម្ភៈ ​២០១៦​៖ ពួក​គេ​ចាប់​ផ្តើម​ទាក់​ទង​គ្នា​បណ្តើរ​ៗ​ឡើង​វិញ​ ហើយ​ Justin តែង​តែ​បង្ហោះ​រូប​ផ្អែម​ល្អែម​របស់​គេ​កាល​ពី​មុន​ជា​រឿយ​ៗ​។

១០. ខែ​តុលា​២០១៧៖ Selena ​ប្រកាស​បែក​គ្នា​ជាមួយ​សង្សារ​The ​Weekend​ ហើយ​មក​បណ្តើរ ​Justin ទៅ​វិហារ​និង​ញ៉ាំ​អាហារ​ពេល​ព្រឹក​ស្ទើរ​រាល់ថ្ងៃ​៕

ចុចអាន៖តូចចិត្តព្រោះគេមើលងាយថាស្គមពេក Angelina Jolie ធ្លាប់អារដៃសម្លាប់ខ្លួន