បញ្ឈប់ចរិតមនុស្សស្រីរឡិករឡក់ ឲ្យក្លាយជានារីចាស់ទុំម្នាក់ តាមវិធីទាំងនេះ
- 2017-11-03 04:00:00
- ចំនួនមតិ 0 | ចំនួនចែករំលែក 0
បញ្ឈប់ចរិតមនុស្សស្រីរឡិករឡក់ ឲ្យក្លាយជានារីចាស់ទុំម្នាក់ តាមវិធីទាំងនេះ
នារីៗគួរចាប់ផ្ដើមធ្វើខ្លួនជាមនុស្សចាស់ទុំ កុំបណ្ដោយឲ្យខ្លួននៅតែជាកូនក្មេងមិនដឹងខ្យល់អីទៀត ដើម្បីឲ្យអ្នកដទៃមើលមកអ្នក ថាសមល្មមដែលអាចធ្វើការងារធំបាន។ ១៣ វិធីនេះអាចបង្រៀនមនុស្សស្រីរឡិករឡក់ម្នាក់ ឲ្យក្លាយជាមនុស្សចាស់ទុំបាន៖
១.ចាប់ផ្ដើមពីការបញ្ឈប់ឫកពារដូចក្មេង ងរង៉ក់ រករឿងខុសរបៀប ទើបអ្នកអាចចូលទៅដំណាក់កាលបន្ទាប់បាន។
**២**.រៀនរកមើលពីអំណាចធម្មជាតិរបស់ខ្លួនឯង ថាអាចបញ្ចេញទៅមានឥទ្ធិពលអ្វីខ្លះ ឬប៉ះពាល់ដល់នរណាខ្លះ។
៣.ធ្វើអ្វីមួយឲ្យបានចប់ចុងចប់ដើម ទើបធ្វើឲ្យអ្នកមើលទៅមានអំណាច និងគួរឲ្យគោរព។
៤.ចាប់ផ្ដើមបង្ហាញតាមរយៈទឹកមុខ កុំរលៀម ធ្វើអ្វីឲ្យម៉ត់ចត់ ទើបអ្នកដទៃមិនហ៊ានលេងសើចជាមួយ។
៥.រៀនធ្វើអ្វីដែលត្រូវសម្រាប់ខ្លួនឯងជាមុន ទើបអ្នកមិនមានអារម្មណ៍សោកស្ដាយ និងអាចធ្វើអ្វីបានត្រូវរហូត។
៦.បញ្ឈប់ការចំណាយពេលឥតប្រយោជន៍ ហើយចាប់ផ្ដើមធ្វើអ្វីៗតាមដែលអាចធ្វើទៅបាន ដើម្បីកុំឲ្យវេលាកន្លងហួស ទាំងមិនបានស្អីសោះ។
៧.បោះបង់ចោលគំនិតដែលថាជីវិត គួរតែត្រូវបានផ្សារភ្ជាប់ជាមួយនឹងអ្វីដែលមានភាពល្អឥតខ្ចោះ ព្រោះគ្មានឡើយពាក្យថា «ឥតខ្ចោះ» នៅលើលោកនេះ។
៨.បែងចែកការលេងសើច និងការពិត ដើម្បីកុំឲ្យអ្នកដទៃថាអ្នកជាមនុស្សមិនច្បាស់លាស់ លេងបន្លំមែន មែនបន្លំលេង។
៩.ទទួលយកអ្វីដែលខ្លួនបានធ្វើ ទោះជាលទ្ធផលចេញមកបែបណាក៏ដោយ។
១០.កុំទម្លាក់កំហុស ឲ្យអ្នកអ្នកក្រោមបង្គាប់ ព្រោះនោះជាចរិតមនុស្សក្មេងខ្ចី មិនចេះទទួលខុសត្រូវ។
១១.រៀនរស់នៅដោយគ្មានការរំពឹងទុក ព្រោះការរំពឹងទុកនាំមកនូវការខកចិត្តតែប៉ុណ្ណោះ។
១២.ឈប់សុំជំនួយ ព្រោះនោះជាទម្លាប់កូនក្មេង មិនចេះធ្វើអ្វី។
១៣.រៀបចំធ្វើផែនការអនាគត ដើម្បីមានពេលកែសម្រួលឲ្យល្អបំផុត៕
ចុចអាន៖ផលលំបាក ៣យ៉ាងដែលមនុស្សមិនសូវចេះមាត់ជួបច្រើនក្នុងការរស់នៅក្នុងសង្គម