អុំទូកអត់ដឹងទៅណាមែនសាកវិធីទាំង ៦ នេះមើល៍ឈប់ប៉ុន្មានថ្ងៃដឹងតែស្រកគីឡូហ្មង!
- 2017-11-04 00:00:00
- ចំនួនមតិ 0 | ចំនួនចែករំលែក 0
អុំទូកអត់ដឹងទៅណាមែនសាកវិធីទាំង ៦ នេះមើល៍ឈប់ប៉ុន្មានថ្ងៃដឹងតែស្រកគីឡូហ្មង!
អ្នកណាខ្លះមានគម្រោងដើរលេងថ្ងៃបុណ្យអុំទូក? ច្បាស់ជាសប្បាយហើយបានដើរលេងអ៊ីចឹង ចុះអ្នកអត់គម្រោងនៅផ្ទះវិញប្រហែលជា sad ហើយមើលទៅ។ កុំភ័យអី អ្នកទាំងអស់គ្នាអាចចំណាយពេលឈប់ប៉ុន្មានថ្ងៃនេះ ថែរក្សាសម្រស់នៅផ្ទះវិញក៏បាន។ វិធីទាំង ៥ ខាងក្រោម នឹងជួយឱ្យអ្នកសម្រកទម្ងន់បានខ្លះក្នុងថ្ងៃឈប់សម្រាកបុណ្យអុំទូក៖
១. ញ៉ាំគ្រាប់ធញ្ញជាតិ៖ ទំនេរនៅផ្ទះគ្មានអីធ្វើអ៊ីចឹងច្បាស់ជាឃ្លានរហូតហើយ តែអ្នកមិនគួរញ៉ាំតាមចិត្តរហូតទេ។ បើទំនេរមាត់គួរញ៉ាំគ្រាប់ធញ្ញជាតិជំនួសវិញ មើលទូរទស្សន៍ ចុចទូរស័ព្ទ អានសៀវភៅបណ្តើរញ៉ាំបណ្តើរ។
២. មុនពេលគេង៖ បើថ្ងៃធ្វើការធម្មតាអ្នកច្បាស់ជារវល់ហើយអាចនៅដល់យប់ជ្រៅទម្រាំចូលគេង តែសម្រាប់ថ្ងៃឈប់ដូច្នេះវិញ គួរគេងយកកម្លាំងឱ្យបានច្រើន។ ពេលយប់មុនពេលគេងមួយម៉ោង ត្រូវបិទទូរស័ព្ទ ឬកុំព្យូទ័រ ព្រោះពន្លឺដែលបានមកពីសម្ភារៈទាំងនោះអាចបំផ្លាញអ័រម៉ុន មេឡាតូនីន ដែលមាននាទីធ្វើឱ្យអ្នកងងុយគេង។ ការគេងមិនគ្រប់គ្រាន់ជាដើមចមដែលងាយធ្វើឱ្យអ្នកឡើងទម្ងន់។
៣. ត្រាំជើងក្នុងទឹកក្តៅឧណ្ហៗ៖ វិធីនេះជួយឱ្យអ្នកកាត់បន្ថយភាពតានតឹង ព្រមទាំងធ្វើឱ្យគេងលក់ស្រួល។
៤. ផឹកទឹកដោះគោក្តៅ៖ មុនចូលគេងអ្នកគួរផឹកទឹកដោះគោក្តៅមួយកែវសិន ព្រោះថាវាជួយបង្កើនអ័រម៉ុន Serotonin ដែលមាននាទីធ្វើឱ្យគេងលក់ស្រួល។ បើថ្ងៃធម្មតាគេងមិនសូវឆ្អែតហើយ គួរចំណាយពេលឈប់គេងឱ្យគ្រប់គ្រាន់ទៅ។
៥. ញ៉ាំអាហារដែលមានម្រេច៖ ម្រេចធ្វើឱ្យរាងកាយរបស់អ្នករំលាយអាហារលឿន ព្រមទាំងជួយសម្រកទម្ងន់។
៦. អានសៀវភៅ៖ សម្រាប់ថ្ងៃធម្មតា អ្នកច្បាស់ជាមិនសូវមានពេលមើលសៀវភៅស្រាវជ្រាវទេព្រោះរវល់ជាមួយការងារប្រចាំថ្ងៃ។ ក្រៅពីស្វែងយល់នូវចំណេះដឹងថ្មីៗហើយ ការអានសៀវភៅក៏ធ្វើឱ្យអារម្មណ៍របស់អ្នកស្ងប់ផងដែរ៕
រីករាយថ្ងៃសម្រាកបុណ្យអុំទុក សង្ឃឹមថាអ្នកទាំងអស់គ្នាដែលអត់មានគម្រោងទៅណាអាចអនុវត្តដូចអ្វីដែល កញ្ញា បានរៀបរាប់ខាងលើនេះ!
ចុចអាន៖ស្អាតគ្មានពីរ! កន្លែងមើលកាំជ្រួច ថ្ងៃបុណ្យអុំទូកសែនរ៉ូមែនទិចមិនគួររំលង