ផ្លែឈើពីរប្រភេទដែលធ្វើឲ្យសក់ និងស្បែកស្អាតអស្ចារ្យនឹកស្មានមិនដល់

2017-11-01 01:00:00
ចំនួនមតិ 0 | ចំនួនចែករំលែក 0

គ្រប់ផ្លែឈើទាំងអស់សុទ្ធតែសម្បូរទៅដោយវីតាមីន ដែលជួយទ្រទ្រង់សម្រស់សុខភាព និងរាងកាយ។ តែមានផ្លែឈើខ្លះមានលក្ខណៈពិសេសក្នុងការជួយគាំពារ និងទ្រទ្រង់ផ្នែកនិមួយៗនៃរាងកាយ តួយ៉ាងដូចជាផ្លែមង្ឃុត និងផ្លែកន្ទួតព្រៃជាដើម ដែលជួយខ្លាំងក្នុងការថែរក្សាស្បែកតឹងណែនក្មេងជាងវ័យនិងសក់ឲ្យភ្លឺរលោងហើយឆាប់លូតលាស់វែងផងដែរ។

១.ផ្លែមង្ឃុត

នៅប្រទេសកម្ពុជាយើង មង្ឃុតជាផ្លែឈើ ដែលមានរសជាតិផ្អែមឆ្ងាញ់ តម្លៃថោកសមរម្យ ព្រមទាំងងាយស្រួលក្នុងការរកទៀតផងដែរ។ ថ្មីៗនេះគេបានស្រាវជ្រាវឃើញថា វាមានប្រសិទ្ធភាពក្នុងការជួយដល់សុខភាពសក់ និងស្បែកស្អាត។ មង្ឃុតជួយសម្រួលដំណើរឈាម ធ្វើឲ្យឈាមរត់ស្រួល ដែលជាហេតុជំរុញឲ្យសក់ឆាប់ដុះព្រមទាំងស្បែកភ្លឺរលោងទៀតផង។ ក្នុងនោះដែរវាមានសារធាតុប្រឆាំងការរលាកស្បែកក្បាល និងស្បែកស្ងួតផងដែរ។

២.ផ្លែកន្ទួតព្រៃ

ផ្លែកន្ទួតព្រៃផ្ទុកជាតិវីតាមីនC ច្រើនជាងក្រូច២០ដង។ នោះបានន័យថា គ្រាន់តែញ៉ាំវាមួយថ្ងៃមួយក្ដាប់អាចជួយឲ្យសក់ត្រង់ស្អាតបែបធម្មជាតិ និងជួយបំបាត់អាចមរុយលើមុខយ៉ាងមានប្រសិទ្ធភាព។ វាក៏អាចជួយស្បែកដងខ្លួនឲ្យទន់រលោងជាងមុននិងជួយការពារសក់ជ្រុះផងដែរ៕

ចុចអាន៖បើអ្នកកំពុងមានបញ្ហាមុខឡើងខ្លាញ់ អាចសាកវិធីនេះបាន!

ប្រភព៖ Careergirldaily ប្រែសម្រួល៖ Pencharm