សញ្ញាទាំង៦បង្ហាញថា គេចាប់ផ្ដើមអស់ចិត្តពីអ្នកហើយ

2017-10-26 04:14:21
ចំនួនមតិ 0 | ចំនួនចែករំលែក 0

បើរឿងមនោសញ្ចេតនារបស់អ្នកកំពុងនៅសុខៗហើយជួបសញ្ញាទាំងនេះ មានន័យថាគេចាប់ផ្ដើមបែកចិត្តពីអ្នកហើយ។

១. ផ្ញើសារ និងទូរសព្ទតិចជាងមុន

ធ្លាប់តែផ្ញើសារអរុណសួស្ដីអ្នករាល់ព្រឹក តែនៅពេលនេះមួយថ្ងៃមិនឃើញសារមួយផង។ ធ្លាប់តែនិយាយទូរសព្ទជាមួយគ្នារាប់ម៉ោងនោះ នៅពេលនេះ គេនិយាយកំបុតៗស្ទើរតែមិនចង់និយាយជាមួយយើងផង។

២. មិនចង់ឲ្យគ្រួសារ ឪពុកម្ដាយគេស្គាល់អ្នក

បើទោះបីជាអ្នកទាំង២ស្រលាញ់គ្នាបានយូរហើយក៏ដោយ តែគេនៅតែមិនចង់ណែនាំអ្នកឲ្យគ្រួសារគេស្គាល់ រឹតតែគ្មានបំណងចង់ឲ្យប៉ាម៉ាក់របស់គេស្គាល់អ្នកទៅទៀត។

៣. ឧស្សាហ៍ប្រៀបធៀបអ្នកជាមួយស្រីផ្សេង

ពេលអស់ចិត្តនឹងអ្នកហើយ គេនឹងយកអ្នកមកប្រៀបធៀបជាមួយស្រីផ្សេង ធ្វើឲ្យអ្នកកើតទុក្ខ។

៤. លែងចង់ស្ដាប់អ្នកនិយាយ

នៅពេលដែលបុរសម្នាក់លែងស្រលាញ់អ្នកទៀតហើយ គេមិនមែនជាគោលដៅដែលអ្នកចង់ជួបពេលអ្នកជួបរឿងពិបាកចិត្តនោះឡើយ ព្រោះគេមិនចង់ស្ដាប់រឿងរបស់អ្នកឡើយ ជាពិសេសរឿងទុក្ខសោកបែបនេះទៀតនោះ។

៥. លែងប្រចណ្ឌ

គេតែនិយាយថា ប្រចណ្ឌព្រោះស្រលាញ់ ឈឺចាប់ក៏ព្រោះស្រលាញ់ ដូចនេះប្រសិនបើគេចាប់ផ្ដើមអស់ចិត្តហើយ ចង់អ្នកទៅស្និទ្ធស្នាលជាមួយអ្នកណា ក៏គេលែងប្រចណ្ឌដែរ។

៦. តែងកាន់ទូរសព្ទជាប់ដៃ

បើទោះបីជានៅក្បែរអ្នកក៏ដោយ តែអ្វីដែលគេចាប់អារម្មណ៍នោះគឺទូរសព្ទទៅវិញទេ មិនមែនអ្នកឡើយ ព្រោះនៅក្នុងទូរសព្ទនោះ មានអ្នកដែលគេចាប់អារម្មណ៍ជាងអ្នក ៕