ពាក្យ ៤ឃ្លាដែលអ្នកគួរតែឈប់ប្រើនៅក្នុងជីវិតដើម្បីឲ្យខ្លួនឯងកាន់រឹងមាំ!

2017-10-25 08:15:39
ចំនួនមតិ 0 | ចំនួនចែករំលែក 0

ពេលខ្លះអ្នកមិនត្រឹមតែកុហកខ្លួនឯងតែ អ្នកកុហកទាំងអ្នកដទៃទៀតផង ហើយពាក្យខ្លះវាអាចមានឥទ្ធិពលទៅលើជីវិតយើង។ ជាមនុស្សដែលរឹងមាំពិត គឺគេមិនកុហកខ្លួនឯងទេ ហើយក៏មិនយកភាពក្លែងក្លាយមកដាក់មុខដែរ។ ខាងក្រោមនេះជាពាក្យដែលអ្នកគួរតែឈប់ប្រើ ដើម្បីឲ្យខ្លួនឯងរឹងមាំ

១. ខ្ញុំមិនអីទេ

មនុស្សយើងចូលចិត្តកុហកខ្លួនឯង និងគេណាស់ បើមិនសប្បាយចិត្តថាមិនសប្បាយចិត្តទៅ បើហត់នឿយថាហត់នឿយទៅ ហេតុអីចាំបាច់ក្បត់ការពិត? គិតថាកុហកអីចឹងអ្នកក្លាយជាមនុស្សរឹងមាំមែនទេ? មិនមែនទេ មនុស្សរឹងមាំគឺហ៊ានទទួលការពិត និងមិនកុហកខ្លួនឯង។

រូបតំណាង

**២. ខ្ញុំអត់ខ្វល់**

ពេលខ្លះនិយាយថាអត់ខ្វល់ទេ តែចិត្តវិញអន្ទះអន្ទែងជាងស្អីទៅទៀត។ ចិត្តខ្លួនឯងមិនស្ងប់ផង តើឈប់ខ្វល់បានទេ? អ្វីក៏ដោយឲ្យតែជាប់ទាក់ទងគ្នា ទោះតិចឬច្រើនក៏អ្នកត្រូវតែគិតដែរ ដូច្នេះបើខ្វល់អ្នកគួរតែរកវិធីដោះស្រាយ មិនមែននិយាយថាអត់ខ្វល់រួចខ្លួននោះទេ ព្រោះរឿងខ្លះអ្នកមិនអាចគេចយករួចខ្លួនឡើយ។

៣. ខ្ញុំអត់ដឹង

ពេលខ្លះអ្នកដឹង តែអ្នកធ្វើមិនដឹង ឬ ក៏ពេលខ្លះអ្នកសុខចិត្តបិទភ្នែកដើរចេញតែម្ដង។ កុំយកពាក្យអត់ដឹងដើម្បីគេចពីបញ្ហា ឬកុហកដើម្បីមិនបញ្ចប់រឿងរ៉ាវទាំងអស់។

រូបតំណាង

៤. ខ្ញុំឈប់ហើយ

ប្រាកដអត់ថាអ្នកឈប់? បើអ្នកគ្រាន់តែមានអារម្មណ៍ថាហត់ ឬក៏ខឹងអ្នកមិនគួរប្រើពាក្យនេះមកកុហកខ្លួនឯងទេ ព្រោះប្រហែលពេលអ្នកប្រសើរឡើងវិញអ្នកអាចនឹងចង់បន្តទៀត។ ពេលខ្លះគ្រាន់តែយើងចង់សម្រាកបន្តិចប៉ុណ្ណោះដូច្នេះកុំប្រើពាក្យនេះអី។

ប្រភព៖ familyshare ប្រែសម្រួល៖ ផេង ផលធិតា