តារាស្រីម្នាក់បានបង្ខំក្រុមការងារឲ្យចាក់ទឹកបរិសុទ្ធ ឲ្យខ្លួនងូតទឹកនៅតំបន់រាំងស្ងួត!
- 2017-10-23 04:32:25
- ចំនួនមតិ 0 | ចំនួនចែករំលែក 0
តារាស្រីម្នាក់បានបង្ខំក្រុមការងារឲ្យចាក់ទឹកបរិសុទ្ធ ឲ្យខ្លួនងូតទឹកនៅតំបន់រាំងស្ងួត!
អ្នកប្រើបណ្ដាញសង្គមចិនកំពុងសម្ដែងការខឹងយ៉ាងខ្លាំងនៅពេល តារាស្រីម្នាក់បានប្រើឲ្យក្រុមការងារចាក់ទឹកសុទ្ធឲ្យខ្លួនថតឈុតងូតទឹកនៅតំបន់រាំងស្ងួត។
មុននេះបន្តិច វីដេអូឃ្លីបមួយបានល្បីពេញបណ្ដាញសង្គមចិន។ នៅក្នុងឃ្លីបនេះ គេសង្កេតឃើញថាក្រុមការងារកំពុងចាក់ទឹកសុទ្ធចូលអណ្ដូងក្លែងក្លាយដើម្បីត្រៀមថតឈុតងូតទឹក។ អ្វីដែលគូរឲ្យចាប់អារម្មណ៍នោះគឺ តួស្រីដែលថតឈុតនេះហាក់មានអារម្មណ៍សប្បាយខ្លាំងណាស់។
ក្រោយនោះ ពិធីការិនីល្បីឈ្មោះ Jin Xing បានទម្លាយថាមានតារាស្រីម្នាក់នៅពេលទៅថតរឿងនៅតំបន់រាំងស្ងួត Shaanxi បានបញ្ជាឲ្យក្រុមការងារប្រើទឹកសុទ្ធដើម្បីថតឈុតងូតទឹកព្រោះមិនទុកចិត្តប្រភពទឹកនៅទីនេះ បើទោះបីជាប្រជាជននៅទីនេះកំពុងរង់ចាំភ្លៀងមកជារឿងរាល់ថ្ងៃដើម្បីមានទឹកផឹកក៏ដោយ។
នៅពេលនេះ ស្រីស្អាតកំពុងតែត្រូវគេសង្ស័យនោះគឺ កូនសិស្សរបស់ Yang Mi តារាសម្ដែងទើបរះ Dilraba ដោយសារនាងកំពុងថតរឿងនៅតំបន់ដែលគេនិយាយខាងលើ៕