ទិន ហ្វីនឹងសម្ដែងរឿង "ក្បាច់គុនពូថៅហោះ" វគ្គ២ ជាមួយ Jack Ma
- 2017-10-22 07:00:00
- ចំនួនមតិ 0 | ចំនួនចែករំលែក 0
ទិន ហ្វីនឹងសម្ដែងរឿង "ក្បាច់គុនពូថៅហោះ" វគ្គ២ ជាមួយ Jack Ma
បណ្ដាញព័ត៌មានចិនជាច្រើនបានឲ្យដឹងថា កំពូលតារាសម្ដែង Stephen Chow នឹងផលិតភាពយន្ត "The Mermaid” និង "Kungfu Hustle” វគ្គ២ ធ្វើឲ្យអ្នកគាំទ្រអន្ទះសារយ៉ាងខ្លាំង។
កាលពីព្រឹកថ្ងៃទី១៩ខែតុលាកន្លងទៅនេះ បណ្ដាញព័ត៌មាន Xinhua បានឲ្យដឹងថាស្ដេចកំប្លែងទិនហ្វីកំពុងរើសតួសម្ដែងឲ្យភាពយន្ត "The Mermaid” វគ្គ២។ រឿងនេះនឹងត្រូវបានថតនៅដើមឆ្នាំ២០១៨។ តារាសម្ដែងត្រកូល Chow កំពុងស្ទាក់ស្ទើរមិនដឹងថាគួរទុកក្រុមការងារចាស់ឬប្ដូរតួថ្មី។
ក្នុងពេលតែមួយបណ្ដាញព័ត៌មាន Sina បានបញ្ជាក់ថាតារាអាយុ៥៥ឆ្នាំក៏នឹងថតរឿង "ក្បាច់គុនពូថៅហោះ" វគ្គ២ក្រោយពេលវគ្គ១ដាក់បញ្ចាំង១៣ឆ្នាំ។ អ្វីដែលអស្ចារ្យនោះគឺមហាសេដ្ឋី Jack Ma ក៏នឹងចូលរួមក្នុងភាពយន្តនេះដែរ។
“ទិន ហ្វីលាបសក់ខ្មៅដើម្បីថតរឿងថ្មី។ ចូលថតរឿងមែន តែគាត់មិនសម្ដែងច្រើនឡើយ។ រឿងនឹងត្រូវបានបញ្ចាំងនៅឆ្នាំ២០២០" Sina បន្ថែម។ ក្រោយមានជម្លោះជាមួយគ្នាជាច្រើនឆ្នាំ ពូតាតដែលជាតួដៃគូដ៏ស៊ីសង្វាក់គ្នាជាមួយទិនហ្វីជាច្រើនឆ្នាំនោះក៏ត្រលប់មកវិញនៅក្នុងស្នាដៃលើកនេះដែរ៕