អានមូលហេតុទាំងនេះហើយ ទើបដឹងថានារីងាយក្លាយជាជនរងគ្រោះ ដោយសារបុរសបោកបំផុត
- 2017-10-22 02:00:00
- ចំនួនមតិ 0 | ចំនួនចែករំលែក 0
អានមូលហេតុទាំងនេះហើយ ទើបដឹងថានារីងាយក្លាយជាជនរងគ្រោះ ដោយសារបុរសបោកបំផុត
មនុស្សស្រីងាយនឹងចាញ់បោកគេខ្លាំងណាស់ ហើយសម្រាប់មូលហេតុវិញ គឺពិតជាមានច្រើន។ ខាងក្រោមនេះ កញ្ញា នឹងបង្ហាញពីហេតុផល ៨ យ៉ាងដែលបញ្ជាក់ថា នារីៗត្រូវបានមនុស្សប្រុសបោកស្រួលបំផុត៖
១.មនុស្សស្រីចាប់ធ្លាក់ក្នុងអន្លង់ស្នេហ៍៖ បុរសអាចនឹងយកក្ដីស្រលាញ់មកធ្វើជានុយ ដើម្បីបញ្ឆោតឲ្យមនុស្សស្រីធ្លាក់ក្នុងអន្លង់ស្នេហ៍ ព្រោះតែនារីៗឆាប់ចិត្តទន់ ចាញ់បោកពាក្យផ្អែម និងពាក្យលួងលោម។
២.នារីឆាប់ជឿទុកចិត្ត៖ ពិតប្រាកដណាស់ដែលគេនិយាយថាមនុស្សស្រីមាត់រឹង តែចិត្តវិញទន់ជាងសំឡីទៅទៀត។ ពេលឃើញបុរសអង្វរហើយអង្វរទៀតនោះ តាមហើយតាមទៀតនោះ គឺចាប់ផ្ដើុមជឿចិត្តគេហើយ។
**៣.ស្ត្រីចង់បានការសរសើរ**៖ គ្មាននារីណាម្នាក់ដែលមិនចូលចិត្តពាក្យនេះពីបុរសនោះទេ គ្រាន់តែនារីចិត្តរឹងខ្លាំង មិនងាយបង្ហាញចេញឲ្យគេឃើញភ្លាមៗប៉ុណ្ណោះ។ ពេលឮគេថា អ្នកកមានរូបរាងស្អាត មុខស្រស់មានមន្ដស្នេហ៍ …. គឺតែងលួចញញឹមមិនខាន។
៤.ឆាប់រំភើប៖ ចិត្តមនុស្សស្រីទន់ជាងសំឡីទៅទៀត ដូចនេះបើឮគេនិយាយពាក្យផ្អែមល្ហែមដាក់ហើយនោះ គឺបេះដូងលោតញាប់ខុសពីធម្មតា។
៥.ស្ត្រីមិនបានមើលពីកំហុសខ្លួនឯង៖ ជាទូទៅស្ត្រីបានពិនិត្យមើលកំហុសឆ្គងរបស់ខ្លួនឯង ទើបធ្វើឲ្យពួកគេងាយនឹងធ្លាក់ចូលទៅក្នុងភាពទាក់ទាញពីខាងក្រៅរបស់បុរស។ ដូចនេះគួរមើលខ្លួនឯងឲ្យច្បាស់សិនថា អ្វីដែលគេនិយាយខ្លួនពិតជាមានមែន ឬគ្រាន់តែជាពាក្យបញ្ជោរ។
៦.មនុស្សស្រីងាយនឹងមានសម្ពាធ៖ ពេលមានអាការៈតានតឹង ឬពិបាកចិត្តខ្លាំង ហើយមានបុរសណាម្នាក់ចូលខ្លួនមកចែករំលែកបញ្ហាទាំងនោះ មនុស្សស្រីពិតជាហុចដៃទៅឲ្យគេជួយជាមិនខាន។ ដោយមិនដឹងថា ពេលខ្លះគេគ្រាន់តែឆ្លៀតឱកាសយកចិត្តយកថ្លើមប៉ុណ្ណោះ ដើម្បីកេងចំណេញអ្វីមួយប៉ុណ្ណោះ។
៧.យល់ច្រឡំពីអារម្មណ៍ខ្លួនឯង៖ ពេលខ្លះមនុស្សស្រីគ្រាន់តែបែងចែកអារម្មណ៍មិនដាច់ពីគ្នារវាងការស្រលាញ់ និងការអាណិត ឬអារម្មណ៍ចូលចិត្តបែបធម្មតា ទើបធ្វើឲ្យបុរសក្ដោបស្ថានការណ៍លើចិត្តគំនិតអ្នកបានទាំងអស់។
៨.នារីអាចទុកចិត្តគេឆាប់រហ័ស៖ មនុស្សស្រីតែងយល់ថា គេនឹងស្មោះត្រង់ជាមួយខ្លួនវិញដូចដែលខ្លួនមានចំពោះគេ ទើបព្រមប្រគល់ក្ដីស្រលាញ់អស់ពីខ្លួន។
មិនមែនមកពីមនុស្សស្រីមិនមានភាពរឹងមាំគ្រប់គ្រាន់ឡើយ តែមកពីស្រ្តីមានភាពស្មោះត្រង់ និងគ្មានកលល្បិចក្នុងរឿងស្នេហា ទើបបណ្ដាលឲ្យពួកគេក្លាយជាជនរងគ្រោះបែបនេះ៕
ចុចអាន៖៧ចំណុចខុសគ្នារវាងមនុស្សប្រុស “ស្រឡាញ់លេងៗ” និង “ស្រឡាញ់មែនទែន”