៧ចំណុចខុសគ្នារវាងមនុស្សប្រុស “ស្រឡាញ់លេងៗ” និង “ស្រឡាញ់មែនទែន”
- 2017-10-21 08:34:40
- ចំនួនមតិ 0 | ចំនួនចែករំលែក 0
៧ចំណុចខុសគ្នារវាងមនុស្សប្រុស “ស្រឡាញ់លេងៗ” និង “ស្រឡាញ់មែនទែន”
សម័យនេះក៏នៅមានដែរមនុស្សប្រុសមួយចំនួនដែលមកញ៉ែ ឬស្រឡាញ់មនុស្សស្រីបែបលេងសើចរួចហើយក៏ដោះដៃ ខណៈខាងស្រីកំពុងលង់ចិត្តព្រោះគិតថាគេស្រឡាញ់ខ្លួនមែនទែន។ ដូច្នេះថ្ងៃនេះ កញ្ញា នឹងបង្ហាញពីចំណុចខុសគ្នាមួយចំនួនរវាងមនុស្សប្រុសដែលមកស្រឡាញ់អ្នកលេងៗ និងមនុស្សប្រុសដែលមានបំណងស្រឡាញ់អ្នកពិតប្រាកដ។ សូមប្រាប់ជាមុនថាអាចមិនដូច្នេះគ្រប់គ្នានោះទេ គ្រាន់តែភាគច្រើនអាចមានទង្វើបែបនេះ៖
១. នៅពេលឃើញមនុស្សស្រីដើរកាត់
មនុស្សប្រុសស្រឡាញ់លេងៗ៖ មើលឲ្យគេដឹងថាខ្លួនមើល ញញឹមដាក់ ហើយអ្នកខ្លះក៏លាន់មាត់លែបខាយឲ្យមនុស្សស្រីអៀន។
មនុស្សប្រុសស្រឡាញ់មែនទែន៖ និយាយអ្វីមិនចេញ បានត្រឹមតែមើល ហើយក៏មករង់ចាំមើលកន្លែងដើមដែលនាងដើររាល់ដង។
២. ពេលសុំហ្វេសប៊ុក ឬលេខទូរសព្ទ
មនុស្សប្រុសស្រឡាញ់លេងៗ៖ ហ៊ានហាមាត់និយាយថានាងគួរឲ្យស្រឡាញ់ ហើយក៏សុំលេខតែម្ដង។
មនុស្សប្រុសស្រឡាញ់មែនទែន៖ មិនហ៊ានសុំត្រង់ៗ តែអាចផ្ញើមិត្តភ័ក្ដិឲ្យសុំជំនួស ឬពុំដូច្នោះក៏ព្យាយាមស៊ើបដោយខ្លួនឯង។
៣. ពេលជិតបិទទូរសព្ទ
មនុស្សប្រុសស្រឡាញ់លេងៗ៖ និយាយដដែលៗថានឹក ស្រឡាញ់អូនបំផុត ស្រឡាញ់អូនតែម្នាក់ក្នុងលោក…។
មនុស្សប្រុសស្រឡាញ់មែនទែន៖ នៅពេលអ្នកចង់បិទទូរសព្ទ គេនឹងយល់ ហើយនិយាយត្រឹម OK bye។
៤. ពេលបបួលមនុស្សស្រីទៅញ៉ាំអី
មនុស្សប្រុសស្រឡាញ់លេងៗ៖ បបួលត្រង់ៗតែម្ដងថា “មិនដឹងអ្នកប្រកាន់ឬអត់ទេ បើខ្ញុំសុំប៉ាវបាយល្ងាចនៅថ្ងៃស្អែក”។
មនុស្សប្រុសស្រឡាញ់មែនទែន៖ សំឡឹងមើលទៅហាងអាហារ ហើយសួរថា ចង់ញ៉ាំអីអត់?
៥. ពេលបបួលមនុស្សស្រីដើរលេង
មនុស្សប្រុសស្រឡាញ់លេងៗ៖ “ប្រកាន់ឬអត់ទេ បើខ្ញុំបបួលទៅដើរលេងជាមួយគ្នា ចាំខ្ញុំអ្នកចេញលុយ”
មនុស្សប្រុសស្រឡាញ់មែនទែន៖ មិនហ៊ានបបួលត្រង់ៗ អាចសួរថាស្អែកនេះទំនេរឬអត់ ចង់បបួលទៅធ្វើលំហាត់ ឬកិច្ចការអ្វីមួយជាមួយគ្នា។
៦. ពេលឆាតជាមួយគ្នា
មនុស្សប្រុសស្រឡាញ់លេងៗ៖ តបខ្លះ មិនតបខ្លះ ចូលចិត្តឲ្យរង់ចាំយូរៗ តែពេលតបម្ដងៗនឹងប្រើពាក្យផ្អែមរហូតយើងបាត់ខឹង។
មនុស្សប្រុសស្រឡាញ់មែនទែន៖ និយាយឆ្លើយឆ្លងគ្នាធម្មតាៗ មិនញឹកញាប់តែមិនដែលបាត់មុខទៅណាទេ។
៧. ពេលមនុស្សស្រីសួរពីឋានៈទំនាក់ទំនង
មនុស្សប្រុសស្រឡាញ់លេងៗ៖ មិនច្បាស់លាស់ ហើយអាចនឹងសួរតបមកវិញថា នៅបែបនេះក៏ល្អដែរមែនអត់?
មនុស្សប្រុសស្រឡាញ់មែនទែន៖ គេនឹងសួរតែមួយសំណួរថា ព្រមធ្វើសង្សារគេឬអត់ ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
