ចង់ឲ្យមិត្តប្រុសគោរពនិងឲ្យតម្លៃ ស្រីៗត្រូវជៀសវាងទង្វើទាំងនេះ

2017-10-21 04:35:23
ចំនួនមតិ 0 | ចំនួនចែករំលែក 0

មនោសញ្ចេតនាមួយមិនអាចដើរដល់ផ្លូវបញ្ចប់រួមគ្នានោះឡើយប្រសិនជាគ្មានការគោរពគ្នាទៅវិញទៅមក។ ដូចនេះដើម្បីទទួលបានការគោរព និងឲ្យតម្លៃពីគេ ស្រីៗយើងត្រូវជៀសវាងទង្វើទាំងនេះ។

១. កុំបំភ្លេចខ្លួនឯង

កុំដោយសារតែរឿងអ្វីមួយជាពិសេសគឺស្នេហា ហើយបាត់បង់ចំណូលចិត្តរបស់ខ្លួនឲ្យសោះ។ ត្រូវធ្វើខ្លួនជាមនុស្សឯករាជ្យ និងមិនពឹងពាក់លើអ្នកណា។ នៅពេលយើងគោរពខ្លួនឯង ទើបអ្នកឯទៀតគេគោរពយើង។

២. កុំត្រួតជីវិតគេដោយការសង្ស័យរបស់ខ្លួន

នៅក្នុងមនោសញ្ចេតនារបស់អ្នក និងគេ បើសិនជាមានការសង្ស័យនោះស្នេហានេះនឹងមិនគង់នោះឡើយ។ នៅពេលដែលគេលែងមានសេរីភាព គេនឹងចាប់ផ្ដើមធុញទ្រាន់នឹងអ្វីដែលហៅថាស្នេហាមួយនេះ ហើយគេក៏នឹងអស់អារម្មណ៍ដែរ។

៣. សូមទុកឲ្យអតីតកាលសម្រាកចុះ

អតីតកាលគឺជាផ្នែកមួយដ៏សំខាន់ដែលធ្វើឲ្យយើងក្លាយជាមនុស្សដូចបច្ចុប្បន្ន។ ទោះបីជាអតីតកាលរបស់គេអាចមានអ្វីមិនល្អយ៉ាងណាក៏ដោយ ក៏អ្នកត្រូវគោរពវាដែរ។

៤. ទោះមានរឿងអីក៏ដោយក៏កុំស្រែក និងបាត់ការគ្រប់គ្រងខ្លួនឯង

នៅពេលខឹងខ្លាំង យើងនឹងពិបាកទប់អារម្មណ៍ខ្លាំងណាស់ តែបើអ្នកចាប់ផ្ដើមស្រែកកំហកដាក់គ្នា នោះរឿងរឹតតែស្មុគស្មាញជាងមុន។ មានតែការនិយាយគ្នាតាមសម្រួលនោះទេដែលអាចដោះស្រាយបញ្ហាបាន។

៥. បើសិនជាគេចង់ចាកចេញ កុំអូសទាញ

នៅពេលមនុស្សម្នាក់ដែលចង់ចាកចេញហើយ មានន័យថាគេអស់ចិត្តស្រលាញ់យើងហើយ ទោះបីជាយើងអូសទាញបានសម្រេចមែននោះក៏បានតែកាយគេដែរ មិនអាចបានចិត្តគេឡើយ។ បើនៅតែប្រឹងទៀត គេនឹងគិតថាយើងរស់ខ្វះគេមិនបាន បាត់តម្លៃរបស់ខ្លួនឯងអស់៕