ចង់ឲ្យជីវិតស្នេហាមានភាពចុះសម្រុង មិនបែកបាក់អ្នកគួរតែមើលចំណុចនេះ!
- 2017-10-20 05:34:55
- ចំនួនមតិ 0 | ចំនួនចែករំលែក 0
ចង់ឲ្យជីវិតស្នេហាមានភាពចុះសម្រុង មិនបែកបាក់អ្នកគួរតែមើលចំណុចនេះ!
ពេលខ្លះក៏ឈ្លោះ ពេលខ្លះក៏មិនចុះសម្រុងគ្នា ពេលខ្លះក៏ផ្អែម នេះហើយជាជីវិតគូដែលគ្មានអ្នកណាថាមិនធ្លាប់ឆ្លងកាត់នោះទេ តែអ្វីដែលសំខាន់គឺអ្នកចេះរៀបចំ និង មានគន្លឹះដើម្បីថែរក្សាគ្នា ដូច្នេះដើម្បីឲ្យជីវិតស្នេហាមានភាពចុះសម្រុងគ្នា និង មិនបែកបាក់នោះ អ្នកគួរតែរក្សានូវចំណុចទាំងនេះ ៖
១. កុំចូលគេងទាំងខឹង ៖ មិនគួរធ្វើឲ្យដំណេករបស់យើងពោរពេញ ដោយកំហឹង និង មិនសប្បាយចិត្តនោះទេ បើមានរឿងអីគួរតែដោះស្រាយគ្នាហើយសឹមចូលគេង កុំព្យាយាមដើរចេញហើយមកសម្ងំយំរៀងខ្លួននោះ។
**២. ប្រើពាក្យសម្ដីឲ្យបានស្រទន់ ៖** មនុស្សរស់នៅជាមួយគ្នាមិនគួរប្រើពាក្យសម្ដីអាក្រក់ មិនល្អនោះទេ គួរតែនិយាយឲ្យបានពីរោះ ស្រទន់ ដើម្បីកុំឲ្យមានអារម្មណ៍មិនល្អដាក់គ្នា ហើយពេលខ្លះទៀតមនុស្សកំពុងតែមានបញ្ហា បើអ្នកនិយាយមិនល្អទៀតនោះរឿងកាន់តែធំ។
៣. រក្សាការទំនាក់ទំនង ៖ ការជជែកគ្នា ការពិភាក្សាគ្នា នៅតែជារឿងសំខាន់មួយដែលគូស្នេហ៍មិនអាចខ្វះបាន ព្រោះបើអ្នកនៅស្ងៀមរៀងខ្លួន ភាពសោះកក្រោះនៅកើតឡើងជាមិនខាន ដូច្នេះអ្នកត្រូវតែចេះនិយាយគ្នា សួរពីគ្នាទៅវិញតៅមកកុំឲ្យខាន។
៤.រក្សាភាពផ្អែមល្ហែម និង គុណភាពនៃជីវិត ៖ ទោះបីជារស់នៅជាមួយគ្នារាល់ថ្ងៃក៏ដោយក៏ជីវិតស្នេហានៅតែត្រូវការភាពផ្អែមល្ហែម ការរំភើប និង ការរស់នៅដោយការផ្ដល់តម្លៃលើស្នេហាទៅវិគទៅមក ដូច្នេះអ្នកមិនគួរព្រងើយកន្តើយនោះឡើយ។
៥. កាត់បន្ថយការគិតអ្វីតែឯង ៖ រឿងខ្លះមិនបាននឹងកើតឡើងផងតែអ្នកបែរជាគិតអីតែម្នាក់ឯង មិនបានទាំងសួរម្នាក់ទៀតឲ្យបានច្បាស់ ហើយក៏មិនសប្បាយចិត្តរហូតដល់មានរឿងឈ្លោះគ្នាកើតឡើង ដូច្នេះបើមានអីមិនច្បាស់គួរតែនិយាយគ្នាមិនគួរគិតអីផ្ដេសផ្ដាសតែខ្លួនឯងនោះទេ។
មានរឿងអីក៏គួរតែនិយាយគ្នាដែរ មិនគួរធ្វើអីទាំងមិនទាន់ស្រួលចិត្តនោះទេ៕
ចុចអាន៖នេះគឺជាហេតុផលធ្វើឲ្យមនុស្សប្រុសស្រឡាញ់មនុស្សស្រីរឹងមាំ!