ប្រភេទនៃពណ៌លាមក អាចប្រាប់ពីស្ថានភាពសុខភាពអ្នកនាពេលបច្ចុប្បន្ន
- 2017-10-20 02:47:16
- ចំនួនមតិ 0 | ចំនួនចែករំលែក 0
ប្រភេទនៃពណ៌លាមក អាចប្រាប់ពីស្ថានភាពសុខភាពអ្នកនាពេលបច្ចុប្បន្ន
បើសិនជាអ្នកយល់ថាវាជាអត្ថបទដែលគួរឲ្យខ្ពើមរអើម អ្នកយល់ខុសហើយ។ ការយល់ដឹងពីពណ៌លាមកអាចជួយឲ្យអ្នកវាយតម្លៃពីសុខភាពរបស់អ្នកបាន ហើយទៅជួបពេទ្យពិគ្រោះព្យាបាលទាន់ពេលវេលា។ លាមកពណ៌អ្វីខ្លះទៅដែលមានបញ្ហា បើចង់ដឹងសូមបន្តអានអត្ថបទខាងក្រោម៖
១.លាមកពណ៌ក្រហម
បើអ្នកបន្ទោបង់ចេញមកពណ៌ក្រហមនោះមានន័យថា ពោះវៀនតូចធំ និងទ្វាលាមកអាចមានអាការៈចេញឈាម បែបនេះគួរទៅមន្ទីរពេទ្យដើម្បីពិនិត្យភ្លាមៗ។ តែមានពេលខ្លះលាមកពណ៌ក្រហមនេះក៏អាចមកពីរអ្នកញ៉ាំអាហារ ឬផ្លែឈើពណ៌ក្រហមក៏ថាបាន ដូចនេះអ្នកគួរសង្កេតមើលពណ៌អាហារដែលបរិភោគជាមុនសិន ២ទៅ៣ ថ្ងៃក្រោយចាំវាយតម្លៃ។
**២.លាមកពណ៌ខ្មៅ**
ប្រសិនលាមកអ្នកពណ៌ខ្មៅ វាអាចឲ្យសញ្ញាថា អ្នកអាចកើតមហារីកពោះវៀនធំ ឬរលាកពោះវៀនកម្រិតធ្ងន់ដែលចាំចាប់ត្រូវប្រញាប់ទៅមន្ទីរពេទ្យបំផុត។ លាមកពណ៌ខ្មៅ ឬឈាមជ្រូកក្រមៅ បណ្ដាលមកពីការដាច់ជាលិកាក្នុងពោះវៀនដែលធ្វើឲ្យមានឈាមហូរ ហើយកកជាប់នឹងលាមក។
៣.លាមកស្លេក
លាមកស្លេកអាចបណ្ដាលមកពីអាហារដែលអ្នកបានញ៉ាំ, ប៉ុន្តែបើអ្នកសង្កេតថាវាឧស្សាហ៍ឡើងពណ៌ស្លេកដូច្នេះ ប្រហែលជាមានបញ្ហាស្ទះបំពង់ប្រមាត់។ ទឹកប្រមាត់ដែលហូរចេញពីថ្លើមស្តុកក្នុងថង់ទឹកប្រមាត់ ហើយហូរចូលទៅក្នុងពោះវៀនរបស់អ្នក មាននាទីចូលទៅរំលាយខ្លាញ់ក្នុងពោះវៀនរបស់អ្នក។ បើសិនជាបំពង់ប្រមាត់ស្ទះនោះវាធ្វើឲ្យពោះវៀនដំណើរការមិនបានល្អឡើយ៕
ចុចអាន៖ប្រភេទឈាមអាចបង្ហាញពីស្ថានភាពសុខភាព និង អត្តចរិតរបស់មនុស្សផ្សេងៗគ្នា!