ហេតុផល ៧ យ៉ាងធ្វើឲ្យមនុស្សពិបាកបំភ្លេចស្នេហាដំបូង!

2017-10-18 09:07:12
ចំនួនមតិ 0 | ចំនួនចែករំលែក 0

ស្នេហាដំបូងសម្រាប់មនុស្សមួយចំនួនប្រហែលនៅតែសំខាន់ ហើយពេលខ្លះក៏ពិបាកនឹងភ្លេចដែរ ទោះបីជាវាមិនបានជោគជ័យក៏ដោយ។ ប៉ុន្តែអ្វីដែលសំខាន់នោះគឺពាក្យថា «ស្នេហាដំបូង»វាស្ដាប់ទៅនៅតែពិសេស ហើយមានមនុស្សមួយចំនួននៅតែចងចាំវា ក៏ព្រោះតែ៖

១. ស្នេហាដំបូងគឺមានឥទ្ធិពលខ្លាំង ៖ អារម្មណ៍ដែលអ្នកស្រឡាញ់មនុស្សម្នាក់ដំបូង គឺជាអារម្មណ៍ដែលមានកម្លាំងខ្លាំងបំផុត ព្រោះវាជាពេលដែលអ្នកស្គាល់ពាក្យថាស្រឡាញ់លើកទី១ ដូច្នេះហើយពេលនោះគឺជាពេលដែលពិសេសបំផុតសម្រាប់អ្នក។

រូបតំណាង

**២. ពេលបែកបាក់អ្នកមានអារម្មណ៍ថាឈឺចាប់ខ្លាំង ៖** ស្នេហាទីមួយគឺគ្របដណ្ដប់លើអារម្មណ៍ និងទឹកចិត្តអ្នកខ្លាំង ដូច្នេះពេលដែលបែកគ្នាប្រាកដជាអាចមានការប៉ះពាល់ខ្លាំងលើទឹកចិត្តអ្នក ហើយក៏ពិបាកនឹងបំភ្លេចដែរ។

៣. ស្នេហាដំបូងគឺមានការចងចាំច្រើន ៖ មិនប្រាកដថាវាជាការចងចាំល្អឬអាក្រក់នោះទេ តែវាប្រាកដជាដកជាប់ក្នុងខួរក្បាលរបស់អ្នក ភាពផ្អែមល្ហែម អារម្មណ៍រំភើប ការខកចិត្ត ការឈឺចាប់ដែលមាននៅពេលនោះសុទ្ធតែជាអារម្មណ៍ដំបូងដែលអ្នកទទួលបាន ដូច្នេះវាពិតជាពិបាកនឹងបំភ្លេចណាស់។

រួបតំណាង

៤. ស្នេហាដំបូងគឺជាស្នេហាដ៏ស្លូតត្រង់មួយ ៖ ភាគច្រើនស្នេហាដំបូងគឺជាការស្រឡាញ់ដោយស្មោះត្រង់ និងជាអារម្មណ៍ពិត កើតចេញពីចិត្ត មិនមែនកើតឡើងដោយការការស្អប់ ការខឹង ឬក៏មានចិត្តចង់ធ្វើបាបនោះទេ។ ជាអារម្មណ៍មួយដែលទើបតែទទួលបានស្នេហាដបូង ដូច្នេះអាចនិយាយបានជាស្នេហាដែលដ៏ស្លូតត្រង់មួួយ។

៥. ស្នេហាដំបូងបានផ្លាស់ប្ដូរអ្នក ៖ ស្នេហាដំបូងបានផ្លាស់ប្ដូរអ្នក ពេលខ្លះវាអាចផ្លាស់ប្ដូរអ្នកពីអាក្រក់ទៅល្អ ហើយខ្លះទៀតពីល្អទៅអាក្រក់ ទៅតាមទំហំដែលវាមានមកលើអ្នក។ វាបានបង្រៀនអ្នកឲ្យស្គាល់រឿងជាច្រើន ហើយកែប្រែអ្នកឲ្យទៅជាមនុស្សម្នាក់ផ្សេងទៀត។

៦. ស្នេហាដំបូងគឺតំណាងឲ្យភាពយុវវ័យរបស់អ្នក ៖ សួរខ្លួនឯងមើលថាពេលដែលមានស្នេហ៍គ្រាដំបូងនៅពេលណា? ភាគច្រើនទៅហើយដែលមានស្នេហាទី១នៅពេលដែលខ្លួនជាយុវវ័យ មិនទាន់មានគំនិតចាស់ទុំ។

រូបតំណាង

៧. ស្នេហាដំបូងគឺជាជាស្នេហាដែលមានតែម្ដងប៉ុណ្ណោះ ៖ អ្នកមិនអាចនិយាយថាស្នេហាដំបូងអ្នកមានលើកទី២នោះទេ ដូច្នេះហើយទើបពាក្យថាស្នេហ៍ដំបូងនៅតែពិសេស ហើយគ្រប់គ្នាសុទ្ធតែមានស្នេហាដំបូង។

អាចនិយាយបានថាអ្នកអាចនឹងចងចាំស្នេហាដំបូងរបស់អ្នក ប៉ុន្តែមិនអាចនិយាយថាអ្នកនៅតែត្រូវការវានោះទេ ព្រោះវាគ្រាន់តែជាអតីតកាលមួយប៉ុណ្ណោះ៕

ប្រភព៖ lifehack ប្រែសម្រួល៖ ផេង ផលធិតា