សញ្ញា ៦ យ៉ាងបង្ហាញថា មនុស្សស្រីមានសុភមង្គលពិតៗ ពេលបានក្បែរមនុស្សខ្លួនស្រលាញ់

2017-10-16 05:00:00
ចំនួនមតិ 0 | ចំនួនចែករំលែក 0

មនុស្សស្រី ភាគច្រើនគឺបែបនេះ ឲ្យតែបាននៅក្បែរអ្នកដែលខ្លួនស្រលាញ់ហើយនោះ តែងបង្ហាញសេចក្ដីសុខតាមរយៈទឹកមុខជានិច្ច។ សញ្ញា ៦ យ៉ាងនេះបញ្ជាក់ថា នារីពិតជាមានសុភមង្គលខ្លាំងណាស់ពេលនៅជិត មនុស្សខ្លួនស្រលាញ់ ទោះគ្មានអ្វីសោះក៏ដោយ៖

១.សើចសប្បាយគ្រប់ពេល

មនុស្សស្រី ពេលបាននៅជិតបុរសដែលខ្លួនស្រលាញ់ ហើយគេក៏ស្រលាញ់នាងវិញនោះ គឺតែងតែញញឹមពោរពេញដោយក្ដីសុខអស់ពីចិត្ត។ នាងមិនគិតពីសម្ភារៈនិយម ឬទ្រព្យសម្បត្តិអ្វីឡើយ តែនាងចង់បានជីវភាពសោយសុខតែពីរនាក់បែបនេះ។

រូបតំណាង

**២.ឲ្យតែបាននៅក្បែរ គឺស្កប់ស្កល់ក្នុងចិត្តហើយ**

ពេលខ្លះអ្នកទាំងពីរមានការងារធ្វើផ្សេងពីគ្នាមែន តែខាងស្រីព្យាយាមស្កាត់ទៅជួបមុខមនុស្សដែលខ្លួនស្រលាញ់ឲ្យបានមួយភ្លែតដែរ ដើម្បីឲ្យអស់ចិត្ត។ ព្រោះមនុស្សស្រីមិនបានគិតពីភាពហត់នឿយឡើយ តែសំខាន់បានឃើញមុខគេ។

៣.ពេញចិត្តគ្រប់យ៉ាងដែលបុរសធ្វើឲ្យ

ទោះជាគ្មានអ្វីឲ្យសោះ ឬមានត្រឹមកាដូបន្តិចបន្តួច ក៏នាងញញឹមទទួលយកទាំងពេញចិត្តដែរ ព្រោះនោះជាអ្វីដែលមនុស្សខ្លួនស្រលាញ់ទិញ។ តែបើមិនស្រលាញ់ហើយ ទោះជាពេជ្រប៉ុនដូងទុំ ក៏មិនចូលចិត្ត ហើយធ្វើមុខមិនរីកដាក់ទៀត។

៤.បិទមាត់បើកមាត់និយាយពីបុរសនោះរហូត

នោះបញ្ជាក់ថានាងមានសេចក្ដីសុខ និងស្រលញ់ខ្លាំងណាស់ហើយ បានជានាងហ៊ាននិយាយពីបុរសម្នាក់នោះគ្រប់ពេល ពេលខ្លះធ្វើឲ្យអ្នកដទៃច្រណែន។ ព្រោះអ្នកមានសេចក្ដីសុខផ្លូវចិត្តហើយ សុភាពល្អក៏មកតាមក្រោយដែរ។

៥.ខាងប្រុសធ្វើយ៉ាងណា ក៏នាងសើចបាន

មនុស្សស្រីដែលអាចសើចញញឹមញញែមបាន ទោះជាបុរសម្នាក់នោះមិនសូវចេះធ្វើកំប្លុកកំប្លែងក៏ដោយ តែនាងអាចបញ្ចេញទឹកមុខសប្បាយបាន។ ព្រោះចង់បញ្ជាក់ថា ទោះមនុស្សប្រុសម្នាក់នោះធ្វើបែបណា ក៏នាងពេញចិត្ត។