មានមិត្តភ័ក្ដិ ៤ ប្រភេទនេះ ជីវិតអ្នកនឹងធ្លាក់ចូលទៅក្នុងភាពក្រីក្រ

2017-10-16 01:00:00
ចំនួនមតិ 0 | ចំនួនចែករំលែក 0

មានមិត្តភ័ក្ដិច្រើនជាការល្អណាស់ តែបើមានមិត្តរបៀបៗនេះវិញជីវិតអ្នកនឹងរលាយហិនហោចអស់ជាក់ជាមិនខាន ព្រោះពួកគេនឹងជាមូលហេតុដែលនាំឲ្យចំណាយប្រាក់ឥតប្រយោជន៍។ តើមិត្តភ័ក្ដិបែបណាទៅដែលនាំឲ្យក្រនោះ? ចម្លើយមាននៅខាងក្រោមនេះ៖

១.មិត្តដែលតែងតែបបួលអ្នកចេញក្រៅគ្រប់ពេល

មិនថាចុងសប្ដាហ៍ ឬមិនចុងសប្ដាហ៍ឡើយពួកគេតែងបបួលអ្នកទៅដើរផ្សារទិញនេះទិញនោះមិនចេះអស់ ពួកគេធ្វើយ៉ាងនេះគឺចង់ឲ្យអស់ប្រាក់តាមគេប៉ុណ្ណោះ ខណៈដែលជីវភាពអ្នកក៏មិនសូវធូរធារទៀត។ ប្រសិនបើមានមិត្តបែបនេះច្រើន អ្នកគួររកវិធីដោះខ្លួនខ្លះ បើមិនដូចនោះទេ គ្មានឡើយប្រាក់សេសសល់ សម្រាប់សន្សំទុក។ គួរតែនិយាយជាមួយគេថា ក្នុងមួយខែអ្នកអាចទិញរបស់បានតែម្ដងប៉ុណ្ណោះ ទើបអាចសល់ប្រាក់ខ្លះ។

២.ពួកគេជាមនុស្ស High

ត្រូវចាំថា បើសេពគប់នឹងក្រុមមនុស្សចូលចិត្តហ៊ឺហារ ពួកគេប្រាកដជាទាមទារឲ្យអ្នកធ្វើខ្លួនឲ្យដូចពួកគេដែរ។ បើមិនធ្វើតាម ប្រាកដណាស់ថាអ្នកនឹងមិនអាចចូលចុះជាមួយពួកគេបានទេ។ តែអ្នកមានខ្លះគេក៏ចេះយោគយល់ពីអ្នកមធ្យមដែរ ដោយគេអាចសម្របខ្លួនបាន ដើម្បីមិត្តភាព។

រូបតំណាង

**៣.មិត្តភ័ក្ដិដែលចាំតែខ្ចីលុយ តែមិនសង់**

បើអ្នកចេះតែបណ្ដោយឲ្យគេខ្ចីរហូត នោះអាចនឹងអស់ពីខ្លួនដោយសារពួកគេ។ មិត្តខ្លះមិនចេះសន្សំទេ មានប៉ុណ្ណាចាយប៉ុណ្ណឹង ហើយខ្លះទៀតចាយហួសមាឌដោយមិនមើលពីសមត្ថភាពរបស់ខ្លួន។ មិត្តបែបនេះជួនការគេចូលចិត្តទិញរបស់របរ ឬចូលហាងទំនើបៗ ហើយថតបង្ហោះក្នុងបណ្ដាញសង្គម តែពាក់កណ្ដាលខែមិនទាន់ទេ ដើរខ្ចីលុយគេរហូត។ មានមិត្តរបៀបនេះ គួរតែចេះវិធីការពារទើបប្រសើរ ដូចជាពេលខ្ចីប្រាប់ថាគ្មាន ឬផ្ញើឲ្យអ្នកផ្ទះ...។

៤.មិត្ដដែលចាំកេញចំណេញពីអ្នក

អ្នកមានមិត្តរបៀបនេះ គឺគ្មានថ្ងៃសល់អ្វីជាប់ខ្លួនឡើយបើបន្តជួយគេរហូតនោះ។ អ្នកខ្លះធ្វើការវិនិយោគ ហើយចាញ់បោកគេ តែបែរជាមកបោកអ្នកបន្តទៀត៕

ចុចអាន៖របស់ ៤ យ៉ាងស្រីៗចូលចិត្តចំណាយលុយខ្ជះខ្ជាយទៅលើវាខ្លាំងបំផុត

ប្រភព៖ Shape ប្រែសម្រួល៖ ទ្រី រ៉ាវី