បុរសដែលបានប្រពន្ធមាន ១១ ចំណុចនេះចាត់ទុកសំណាងខ្លាំងក្នុងជាតិនេះ!
- 2017-10-14 03:46:12
- ចំនួនមតិ 0 | ចំនួនចែករំលែក 0
បុរសដែលបានប្រពន្ធមាន ១១ ចំណុចនេះចាត់ទុកសំណាងខ្លាំងក្នុងជាតិនេះ!
ជីវិតគ្រួសារមិនមែនងាយស្រួលដូចពេលដែលយើងនៅខ្លួនមួយនោះទេ ដូច្នេះការជ្រើសរើសគូជីវិតក៏ត្រូវច្បាស់លាស់ដែរ។ សម្រាប់មនុស្សប្រុសដែលអាចស្វែងរកប្រពន្ធបាន ១០ ចំណុចខាងក្រោមនេះ អាចចាត់ទុកថាសំណាងខ្លាំងក្នុងជាតិនេះហើយ ៖
១. រួសរាយរាក់ទាក់ ៖ អ្នកនឹងមានមោទនភាពដែលមានគាត់ជាប្រពន្ធ ព្រោះនៅពេលទៅណាមកណាមានគេចូលចិត្ត និង ស្រឡាញ់ច្រើន ដោយសារតែគាត់មិនចេះប្រកាន់ឫកពា មិនឆ្មើងឆ្មៃ ហើយរួសរាយជាមនុស្សញាតិជិតខាងទៀតផង។
**២. គោរពស្រឡាញ់អ្នក និង គ្រួសារអ្នក ៖** គាត់មានការគោរពស្រឡាញ់ ដឹងខ្ពស់ ដឹងទាប ហើយស្រឡាញ់គ្រួសារអ្នកក៏ដូចគ្រួសារគាត់។ ការគោរពរបស់គាត់ ក៏បានបង្ហាញពីសីលធម៌ដែលគាត់មាន និងចំណេះដឹងដែលគាត់ទទួលបានផងដែរ។
៣. មានទំនាក់ទំនងល្អក្នុងគ្រួសារ ៖ ក្នុងជីវិតគ្រួសារអ្នកត្រូវតែមានទំនាក់ទំនងគ្នាជាចាំបាច់ ទាំងគ្រួសារអ្នក ក៏ដូចជាគ្រួសារគាត់ ព្រោះបើគាត់ និង អ្នកចេះតែស្ងៀមស្ងាត់រៀងខ្លួននោះ វានឹងធ្វើឲ្យអ្នកមានគម្លាតឆ្ងាយទៅៗ។ ដូច្នេះបើអ្នកមានប្រពន្ធម្នាក់ដែលមានទំនាក់ទំនងល្អ នោះអ្នកពិតជាសំណាងព្រោះមិនសូវធុញទ្រាន់ ហើយស្ងាត់ផ្ទះ។
៤. គាំទ្រអ្នកជានិច្ច ៖ គាត់អាចធ្វើជាទីប្រឹក្សាល្អមួយសម្រាប់អ្នក និងលើកទឹកចិត្តអ្នកពេលដែលអ្នកមានបញ្ហា។ ប្រពន្ធបែបនេះអាចថាមិនងាយរកទេ ព្រោះពេលខ្លះមិនបានគាំទ្រ មិនបានលួងលោមអីទេ មានតែស្ដីថាឲ្យថែម។
៥. មិនមែនចរិតខ្លា ៖ មិនមែនជាមួយមនុស្សស្រីដែលចេញស្រែក ចូលស្រែក ចះកំហឹងទាំងគ្មានដឹងក្បាល ដឹងកន្ទុយ។ គាត់បានធ្វើឲ្យអ្នកគោរពគាត់មិនមែនឲ្យអ្នកខ្លាចគាត់នោះទេ។ គាត់ជាមនុស្សស្រីមានហេតុផល ចេះទប់កំហឹថ ស្ដាប់ហេតុផល និង មិនប្រើពាក្យអាក្រក់ៗលើអ្នក។
៦. ឲ្យពេលវេលាអ្នក ៖ គាត់យល់ពីអ្នក ឲ្យពេលវេលាអ្នកជាមួយការងារ ជាមួយគ្រួសារ និងមិត្តភ័ក្ដិអ្នក បែបនេះខ្លះទើបជាការប្រសើរ ព្រោះអ្នកក៏ត្រូវការពេលផ្ទាល់ខ្លួនដែរ។ ម្យ៉ាងទៀតគាត់ក៏គួរតែមានពេលផ្ទាល់ខ្លួនសម្រាប់ជីវិតគាត់់ដូចគ្នា មិនមែនឱបក្រសោបជាប់ទ្រូង ២៤ ម៉ោងទេ។
៧.យល់ពីរឿងលើគ្រែ ៖ ការរួមភេទជារឿងសំខាន់មួយដែលជីវិតប្ដីប្រពន្ធមិនអាចខ្វះបាន ព្រោះវាជាតម្រូវការធម្មជាតិដែលមិនអាចប្រកែកបាន។ ពេលខ្លះដោយសារតែមិនចុះសម្រុងគ្នាក្នុងរឿងនេះក៏អាចឲ្យគ្រួសារគ្មាន
៨. ស្មោះត្រង់ ៖ គាត់ជាប្រពន្ធម្នាក់ដែលស្មោះត្រង់ចំពោះអ្នក មិនក្បត់ មិនចេះលួចលាក់ធ្វើរឿងមិនសមរម្យ ហើយតែងតែរក្សាការស្រឡាញ់ចំពោះអ្នកតែម្នាក់គត់។
៩. ស្រឡាញ់សុខភាព និងរូបរាងខ្លួនឯង ៖ បើសុខភាពមិនល្អ គិតតែឈឺគ្រួសារក៏គ្មានសុភមង្គលដែរ។ ម្យ៉ាងទៀតគាត់តែងតែថែទាំរូបរាងខ្លួនឯងឲ្យស្អាត ព្រោះគាត់ចង់ក្លាយជាមនុស្សស្រីដែលស្អាតបំផុតក្នុងភ្នែកអ្នកជានិច្ច។
១០. ចេះការងារផ្ទះ ៖ ជាមនុស្សស្រីត្រូវចេះរៀបចំផ្ទះ ធ្វើម្ហូប មិនមែនស្អាតតែខ្លួន ហើយផ្ទះមើលមិនយល់នោះទេ ព្រោះវាក៏ជារឿងមួយដែលជួយជំរុញឲ្យគ្រួសារមានសុភមង្គលបានដែរ។
១១. ចេះចាយ ចេះរក ៖ មិនមែនចេះតែចាយតែគាត់ចេះរក ហើយមិនមែនជាមនុស្សស្រីដែលចាំតែលាដៃសុំលុយប្ដី។ ចំណុចនេះហើយបើសិនជាអ្នកបានគាត់នោះគ្រួសារក៏ធូរធារតាមហ្នឹងដែរ ព្រោះរកលុយបានទាំងអស់គ្នា។
បើអ្នកអាចបានមនុស្សស្រីចំណុចខាងលើនេះ ពិតជាល្អខ្លាំងណាស់ តែក៏ត្រូវដឹងថាមនុស្សគ្មានអ្នកណាល្អគ្រប់ដប់ដែរ ដុច្នេះរឿងខ្លះអ្នកក៏គួរតែទទួលដែរ៕