ចង់ឲ្យអ្នករៀនទទួលស្គាល់ការពិតដែលអ្នកមាន ដោយគ្មានភាពភ័យខ្លាច!
- 2017-10-13 07:18:23
- ចំនួនមតិ 0 | ចំនួនចែករំលែក 0
ចង់ឲ្យអ្នករៀនទទួលស្គាល់ការពិតដែលអ្នកមាន ដោយគ្មានភាពភ័យខ្លាច!
ពេលខ្លះមនុស្សបានភ្លេចពីអ្វីជាខ្លួនឯង ហើយប្រឹងបំភ្លៃថាខ្លួនឯងជាមនុស្សប្រភេទនេះប្រភេទនោះ ទាំងការពិតខ្លួនឯងមិនមែនសោះ។ ប្រហែលជាអ្នកមិនទាន់ស្គាល់ខ្លួនឯងច្បាស់ ហើយគិតថាខ្លួនឯងល្អដូចអ្វីដែលអ្នកស្រមៃ។ អត្ថបទខាងក្រោមនេះចង់ឲ្យអ្នករៀនស្គាល់ និង ទទួលយកការពិតដែលខ្លួនអ្នកមាន ដោយគ្មានភាពភ័យខ្លាច ៖
១. ឆ្លុះកញ្ចក់មើលខ្លួនឯង
មានដែលឈរមុខកញ្ចក់ឲ្យសម្លឹងមើលខ្លួនឯងទេ? តើខ្លួនឯងពេលនេះមានសភាពយ៉ាងម៉េច? សាកសម្អាតមុខដែលអ្នក Make up ខោអាវស្អាតៗ ចេញទៅមើលថាអ្នកមានអារម្មណ៍យ៉ាងណាចំពោះខ្លួនឯង? ពេញចិត្តនឹងខ្លួនឯងទេ?
២. សួរខ្លួនមើលថាអ្នកមានចរិតពិតបែបណា?
មានដែលចំណាយពេលមើលខ្លួនឯង និង សួរខ្លួនឯងទេ ថាអ្នកជាមនុស្សបែបណា? ហើយធាតុពិត និង នៅខាងក្រៅខុសគ្នាទេ? អ្នកមានដែលព្យាយាមសម្ដែងអត់? ពេលខ្លះអ្នកដឹងអត់ថាចរិតខ្លួនឯងអាក្រក់? ចរិតខ្លួនឯងល្អ? ហើយទទួលយកវាបានអត់? គួរតែចំណាយពេលមើលពីខ្លួនឯង និង សួរខ្លួនឯងជាជាងឲ្យអ្នកដទៃប្រាប់ ព្រោះគ្មានអ្នកណាដឹងពីខ្លួនអ្នកច្បាស់ជាងអ្នកនោះទេ។
៣. ធ្លាប់កុហកខ្លួនឯង និង អ្នកដទៃអត់?
មានដែលប្រឹងកុហកខ្លួនឯង និង អ្នកដទៃអត់ថាខ្លួនអ្នកល្អ? ពេលខ្លះអ្នកខ្ជិល តែអ្នកប្រាប់ខ្លួនឯងថាអ្នកឧស្សាហ៍គ្រប់គ្រាន់ហើយ ពេលខ្លះកុហកអ្នកផ្សេងទៀតឲ្យគេមើលមកអ្នកថាជាមនុស្សល្អ។ ហេតុអីអ្នកត្រូវធ្វើបែបហ្នឹង? ឈប់ប្រើពាក្យកុហកទៀតទៅ ត្រូវស្មោះត្រង់ជាមួយខ្លួនឯង។
៤. ធ្លាប់ប្រាប់ខ្លួនឯង និង អ្នកដទៃអត់ ថាអ្នកធ្លាប់ធ្វើខុស?
តើអ្នកហ៊ាននិយាយប្រាប់គេអត់ថាអ្នកធ្លាប់ធ្វើខុស ធ្លាប់មិនល្អ? ហើយខ្លួនអ្នកមានដែលទទួលស្គាល់វាអត់? បានកែប្រែអីខ្លះឬនៅ? នៅមុខគេអ្នកមានព្យាយាមលាក់បាំងកំហុសអ្នកអត់? បើអ្នកហ៊ាននិយាយ ហ៊ានទទួលស្គាល់នោះមានន័យថាអ្នកហ៊ានទទួលយកខ្លួនឯងហើយ តែបើនៅតែប្រឹងធ្វើល្អយកមកបាំងនៅកំហុស អ្នកនៅតែជាមនុស្សខ្លាចខ្លួនឯង។
មានមនុស្សប៉ុន្មាននាក់ដែលអាចទទួលយកខ្លួនឯងបាន? ការពិតអ្វីដែលខ្លួនយើងមានគឺជាអ្វីដែលល្អបំផុតព្រោះគ្មានអ្នកភ្សេងមានដូចយើង៕
ចុចអាន៖ស្រីៗទោះរឹងមាំប៉ុណ្ណា ក៏ត្រូវការមនុស្ស ៦ ប្រភេទនេះនៅពីក្រោយខ្នង