កុំបន្តស្នេហាទៅមុខទៀតអី បើអ្នកគ្មានភាពជឿជាក់លើគ្នា!

2017-10-13 02:51:05
ចំនួនមតិ 0 | ចំនួនចែករំលែក 0

ស្នេហាដែលល្អគឺត្រូវតែមានការជឿជាក់ និង ការផ្ដល់ទំនុកចិត្តឲ្យគ្នាទៅវិញទៅមក ព្រោះវាគឺជាចំណងដ៏រឹងមាំមួយសម្រាប់ថែរក្សាស្នេហាអ្នក ដូច្នេះហើយបើអ្នកគ្មានភាពជឿជាក់ទេ អ្នកនឹងជួបប្រទះបញ្ហាជាច្រើនក្នុងស្នេហា ហើយក៏ជាហេតុផលមួយដែលអ្នកមិនគួរបន្តទៅមុខជាមួយគ្នាទៀតដែរ ៖

១. មិនទុកចិត្តគ្នា ៖ គ្មានការទុកចិត្តហើយ ទោះបីគាត់ប្រាប់អីក៏អ្នកមិនជឿដែរ ហើយរឹតតែមិនស្ដាប់ហេតុផលដែលគាត់ខំបកស្រាយប្រាប់អ្នក បែបនេះហើយអ្នកគឺតែងតែឈ្លោះគេ រកាំរកូស។ មិនយូរមិនឆាប់អ្នកនឹងឈានដល់ផ្លូវបំបែក ដោយមិនចាំបាច់មានហេតុផលធំអីទេ។

រូបតំណាង

**២. គ្មានអារម្មណ៍ថាមានសេចក្ដីសុខ ៖** អ្នកសង្ស័យនេះ សង្ស័យនោះ មិនចេះឈប់ឈរ ហើយមិនដែលមានអារម្មណ៍សុខសប្បាយឡើយ ព្រោះខួរក្បាលគិតតែរឿងដែលគាត់កុហក គាត់ក្បត់។ បើបែបនេះអ្នកគិតថាអ្នក និង គាត់អាចរស់នៅដោយរីការាយទេ? ប្រហែលជាមានតិចណាស់មែនអត់? ដូច្នេះហើយទើបវាជាហេតុផលមួយ ដែលអ្នក និង គាត់មិនគួរបន្តទៀត។

៣. គ្មានការគោរពគ្នា ៖ ពេលដែលអ្នកមិនចរិតបែបនេះហើយ តើអ្នកណាដែលអារម្មណ៍ល្អជាមួយអ្នកទៀតនោះ កាន់តែធ្វើបែបនេះអ្នកកាន់តែអស់តម្លៃក្នុងកែវភ្នែកគាត់។ គាត់កាន់តែធុញទ្រាន់អ្នកកាន់តែរករឿង តើអាចទ្រាំដល់ពេលណាទៅ?

៤. គ្មានភាពផ្អែមល្ហែម ៖ បើអ្នកគិតតែមានគំនិតថាគាត់បែបនេះ គាត់បែបនោះ មិនស្មោះត្រង់ជាមួយអ្នក តើពេលដែលគាត់នៅជាមួយអ្នកមានភាពរីករាយទេ? គ្មានអ្នកណាចង់ក្បែរមនុស្សដែលធ្វើឲ្យគេមួម៉ៅនោះឡើយ។ ភាពផ្អែមល្ហែមក៏លែងមាន យូរៗកាន់តែឆ្ងាយគ្នា។

រូបតំណាង

៥. ស្នេហាអ្នកឆាប់ផុយស្រួយ ៖ ភាពជឿជាក់គឺសំខាន់ខ្លាំងក្នុងទំនាក់ទំនងស្នេហា ព្រោះស្នេហាដែលអាចរីកចម្រើនបានក៏ត្រូវទុកចិត្តគ្នាទៅវិញទៅមកដែរ ហើយបើអ្នកមិនបានជឿជាក់គ្នានោះទេ អ្នកគួរតែដើរចេញឲ្យហើយទៅ ព្រោះមិនយូរទេស្នេហានេះក៏គង់រលាយដូចគ្នា។

ដូច្នេះហើយបើអ្នកដាក់ចិត្តថាស្រឡាញ់អ្នកណាម្នាក់ហើយអ្នកត្រូវតែផ្ដល់ភាពជឿជាក់លើស្នេហានោះ៕

ប្រភព៖ Lovepanky ប្រែសម្រួល៖ ផេង ផលធិតា