ស្រីៗទោះរឹងមាំប៉ុណ្ណា ក៏ត្រូវការមនុស្ស ៦ ប្រភេទនេះនៅពីក្រោយខ្នងដែរ!

2017-10-13 01:00:00
ចំនួនមតិ 0 | ចំនួនចែករំលែក 0

មនុស្សខ្លះគិតថាមានភាពរឹងមាំមានន័យថាឯករាជ្យ និងមិនត្រូវការម្នាក់ពឹងពាក់លើអ្នកដទៃ។ តែនេះមិនមែនជាជម្រើសល្អឡើយ ទោះជាខ្លាំងប៉ុណ្ណាក៏ស្ត្រីត្រូវការរក្សាមនុស្ស ៦ ប្រភេទនេះឲ្យនៅក្បែរខ្លួនដែរ ដើម្បីត្រៀមទុកជាជំនួសដ៏សំខាន់ ក្នុងពេលមានឧបសគ្គធំ៖

១.នរណាម្នាក់ដែលជឿលើនាង

មនុស្សស្ត្រីខ្លាំងបំផុតក៏ត្រូវការអ្នកគាំទ្រដែរ។ មិនមែនដោយសារតែនាងមិនមានអារម្មណ៍ថាមិនអាចធ្វើកិច្ចការនោះបានទេ ប៉ុន្តែមនុស្សស្រីត្រូវការនរណាម្នាក់ជឿជាក់លើខ្លួន ដើម្បីធ្វើឲ្យនាងកាន់តែខំប្រឹងឲ្យរឹតតែល្អ។

រូបតំណាង

**២.អ្នកដែលធ្វើឲ្យនាងមានអារម្មណ៍ថាមិនឯកា**

ជានរណាក៏បានដែរមិនថាប្ដី មិត្តភ័ក្ដិបុរសៗ មិត្តភ័ក្ដិស្រីៗឡើយ ឲ្យតែជួយធ្វើឲ្យនាងមានអារម្មណ៍ថាផ្លូវដែលដើរនោះ មិនមែនដើរម្នាក់ឯងឡើយ។ ក្នុងន័យនេះមិនមែនមានន័យថានាងខ្លាចឡើយ តែមានមនុស្សកំដរដើរផ្លូវរួមគ្នា។

៣.នរណាដែលអាចនាំនាងត្រឡប់មករកភាពពិតប្រាកដ

នាងត្រូវការយ៉ាងហោចណាស់មិត្តភ័ក្ដិម្នាក់ ដើម្បីរក្សាជំហររបស់នាង។ មិត្តភ័ក្ដិម្នាក់នោះអាចរំឭកនាងថា អ្វីដែលកំពុងធ្វើនោះគឺជាការស្រមៃប៉ុណ្ណោះ ហើយអាចទាញនាងចេញពីពិភពរវើរវើយបាន។

៤.មនុស្សម្នាក់ដែលមានភាពស្មោះត្រង់ ១០០ ភាគរយ

ស្ត្រីរឹងមាំគ្រប់រូបត្រូវការនរណាម្នាក់ដែលនាងអាចប្រាប់នាងពីការពិត មិនមែននិយាយល្អ ឬឯកភាពគ្រប់រឿងនៅនឹងមុខ។ តែក្រោយខ្នងដើរនិយាយដើមដូចព្យុះនោះទេ។

៥.អ្នកដែលអាចបែងចែកពេលរីករាយដល់នាង

មនុស្សស្រីមិនថាក្លាហានរឹងមាំដល់កម្រិតណាទេ នាងតែងត្រូវការមនុស្សម្នាក់ដែលអាចបែងចែកភាពសប្បាយរីករាយរបស់គេ ឲ្យទៅនាងខ្លះ។មិនមែនបណ្ដោយឲ្យនាងនៅតស៊ូ ឬប្រឈមមុខនឹងបញ្ហាម្នាក់ឯងគ្មានស្គាល់អ្វីហៅថាការសប្បាយ។

រូបតំណាង

៦.នាងត្រូវការមនុស្សម្នាក់ដែលអាចក្លាយជានាង

ក្នុងពេលតែមួយរវល់នឹងការងារពីរផ្សេងគ្នា ដូចនេះទោះមនុស្សស្រីខ្លាំងប៉ុណ្ណាក៏មិនអាចបែងភាគបានឡើយ។ បែបនេះនាងត្រូវការមនុស្សម្នាក់ដែលអាចក្លាយជានាងបាន ទៅដោះស្រាយបញ្ហាមួយទៀតបានដោយជោគជ័យ៕

ចុចអាន៖ជោគជ័យនឹងរត់មកតាមក្រោយ បើអ្នកធ្វើបាន៤ចំណុចនេះ

ប្រភព៖ familyshare ប្រែសម្រួល៖ ទ្រី រ៉ាវី