បវរកញ្ញាហៃទីត្រូវដើរខ្ចីលុយគេដើម្បីមកប្រលង Miss Grand នៅវៀតណាម
- 2017-10-12 03:22:44
- ចំនួនមតិ 0 | ចំនួនចែករំលែក 0
បវរកញ្ញាហៃទីត្រូវដើរខ្ចីលុយគេដើម្បីមកប្រលង Miss Grand នៅវៀតណាម
កើតក្នុងគ្រួសារកូនអ្នកក្រ មានម្ដាយកំពុងកើតជំងឺមហារីក បវរកញ្ញាមកពីប្រទេសហៃទីត្រូវដើរខ្ចីលុយគេដើម្បីមកប្រកួតក្នុងកម្មវិធី Miss Grand International ឆ្នាំ២០១៧។
កាលពីពេលថ្មីៗនេះ រឿងរ៉ាវរបស់បវរកញ្ញា Jennifer Alexis បានល្បីពេញបណ្ដាញសង្គមវៀតណាមក្រោយពេលអ្នកកាសែតម្នាក់ទម្លាយថា ដើម្បីមានសោហ៊ុយមកប្រលងក្នុងកម្មវិធី Miss Grand International ស្រីស្អាតរូបនេះត្រូវដើរខ្ចីលុយគេត្បិតខ្លួនមិនមានលុយដូចបវរកញ្ញាមកពីប្រទេសដទៃឡើយ។
មិនត្រឹមតែកើតក្នុងគ្រួសារមិនធូរធារនោះទេ នៅពេលនេះ ម្ដាយរបស់តំណាងមកពីហៃទីក៏កំពុងមានជំងឺមហារីកទៀត ដែលធ្វើឲ្យក្ដីសុបិនចង់ក្លាយជាបវរកញ្ញារបស់នាងកាន់តែធំជាងពេលណាទាំងអស់ ដើម្បីរកប្រាក់មកជួយផ្គត់ផ្គង់គ្រួសារ។
ទោះបីជាកំពុងលំបាកយ៉ាងណាក្ដី តែ Jennifer បានឲ្យដឹងថាម្ដាយនាងតែងលើកទឹកចិត្តកូនស្រីជានិច្ចដោយការទូរសព្ទផ្ដល់កម្លាំងចិត្តឲ្យនាងរាល់ថ្ងៃ៕
ចុចអាន៖ ជួយបោះឆ្នោតបន្ត! Miss Grand កម្ពុជាមិនទាន់មានឈ្មោះក្នុងតារាង Top 10 នៅឡើយទេ!