ស្លៀកពាក់យ៉ាងណាមើលទៅស្អាត ទាក់ចិត្តសង្សារឲ្យស្រលាញ់ដកចិត្តមិនរួច?
- 2017-10-12 03:40:03
- ចំនួនមតិ 0 | ចំនួនចែករំលែក 0
ស្លៀកពាក់យ៉ាងណាមើលទៅស្អាត ទាក់ចិត្តសង្សារឲ្យស្រលាញ់ដកចិត្តមិនរួច?
ពេលមនុស្សស្រីស្រលាញ់ប្រុសណាម្នាក់ហើយ នាងតែងគិតរកគ្រប់វិធីដើម្បីទាក់ទាញចិត្តគេ។ មិនថារៀបឥរិយាបថ ឬសម្ដីសំដៅ ជាពិសេសការតុបតែងខ្លួនតែម្ដង គឺធ្វើយ៉ាងណាដើម្បីឲ្យគេសរសើរនិងស្រលាញ់នាងខ្លាំងឡើង។ ខាងក្រោមនេះជារបៀបរៀបចំខ្លួនមើលទៅ ទាក់ទាញគាប់ភ្នែកបុរស។
១.ស្លៀកឲ្យសមស្របតាមឱកាស
កុំគិតថាមនុស្សប្រុសគេមិនដឹងអី គ្រាន់តែគេមិនហ៊ាននិយាយឲ្យចំតែប៉ុណ្ណោះ។ ស្រីៗខ្លះចូលចិត្តស្លៀកពាក់តាមតែខ្លួនចូលចិត្តដូចជា ពាក់ខោអាវរលុងនៅផ្ទះ ចេញទៅក្រៅជួបគេ។ ជូនកាលអត់ផាត់មុខសក់រញ៉េរញ៉ៃទៀត អាងថាគេស៊ាំជាមួយរូបរាងនេះហើយ។ ខ្លះទៀតទៅញាំអីជុំ ម៉ាក់ប៉ាគេទេ តែស្លៀកពាក់ផាត់មុខដូចចូលក្លឹប។ កុំធ្វើអញ្ចឹងអីជួនកាល នេះក៏ជាហេតុផលដែលរុញឲ្យគេមើលអ្នកផ្សេងដែរ។ គួរស្លៀកពាក់បែបណាឲ្យត្រូវតាមកាលៈទេសៈទៅញ៉ាំការ ដើរលេង ទៅធ្វើបុណ្យទាន គឺបែងចែកឲ្យដាច់។
**២.ចេះសង្កេតមើលថាគេចូលចិត្តរបៀបណា**
ចំណូលចិត្តមនុស្សប្រុសមិនដូចគ្នាទេ ខ្លះចូលចិត្តការស្លៀកពាក់សុភាព ខ្លះទៀតចូលចិត្តលេងខ្លួនបែបស្ទាវបន្តិច។ ការស្លៀកពាក់ត្រូវចំណូលចិត្ត ហើយត្រូវនឹង style របស់គេដែរ ធ្វើឲ្យសង្សារកាន់តែស្រលាញ់អ្នកខ្លាំងជាងមុនទៅទៀត។
៣.ពណ៌ដែលអាចទាក់ភ្នែកបុរស
ត្រូវចេះរើសពណ៌ និងស្ទីលខោអាវ ដើម្បីមើលទៅលេចធ្លោ ហើយទាក់ទាញ។ គួរជ្រើសរើសពណ៌ក្រហម ស ផ្កាឈូកខ្ចី ឬពណ៌ខ្មៅ ព្រោះពណ៌ទាំងនេះអាចឲ្យអ្នកបង្ហាញពីភាពជានារី។ មួយវិញទៀតគួរជ្រើសរើសសំលៀកបំពាក់ណាដែលចេញរាងបន្តិច ដូចជា៖ រ៉ូបខ្លីត្រឹមជង្គង់ រឹបចង្កេះ ឬក៏ ខោខោវប៊យ អាវយឺតរឹបរាងជាដើម។
សូមកុំភ្លេចថាស្នាមញញឹមនិងភាពទន់ភ្លន់ខ្លាំងជាងអ្វីៗទាំងអស់ ដែលអាចចងចិត្តគេជាប់។ ដូចនេះអ្នកគួរញញឹមឲ្យបានច្រើនពេលនៅក្បែរគេ៕
ចុចអាន៖នារីជើងវែងៗ ស្លៀកពាក់បែបនេះ រឹតតែស្អាតលើសដើម