សញ្ញា៤យ៉ាងបញ្ជាក់ថាអ្នកអាចនឹងត្រូវអត់គូមួយជីវិត

2017-10-11 07:20:15
ចំនួនមតិ 0 | ចំនួនចែករំលែក 0

អាយុច្រើនហើយនៅតែមិនទាន់មានគូទៀតមែនទេ? តើអ្នក ពិតជាចូលចិត្តជីវិតឯករាជ្យ រស់នៅគ្មានទុក្ខកង្វល់ ដោយមិនចាប់អារម្មណ៍ពីរឿងស្នេហា ឬជីវិតអាពាហ៍ពិពាហ៍ទេ មែនទេ? ពេលខ្លះ ការរស់នៅម្នាក់ឯង មិនមែនមកពីអ្នកគ្មាន ជម្រើសទេ តែវាជាការសម្រេចចិត្តផ្ទាល់របស់អ្នក។ ខាងក្រោមនេះ គឺជាសញ្ញា៤យ៉ាងដែលអាចអោយអ្នកដឹងប្រាកដ ថាអ្នកនឹងត្រូវនៅលីវ ដោយរស់នៅម្នាក់ឯងអស់មួយជីវិត។

១. អ្នកក្លាយជាមនុស្សមិនចេះខ្វល់ខ្វាយ

អ្នកពេញចិត្ត ចំពោះរបៀបរស់នៅរបស់អ្នក។ អ្នកមានពេលវេលាជារបស់ខ្លួនឯង ធ្វើរឿងដែលខ្លួនចូលចិត្ត ទៅណាមកណាក៏មិនបាច់សុំ ឬសួរនាំអ្នកណា។ ពិសេសជាងនេះទៀត មិនបាច់ព្យាយាម តុបតែងខ្លួន ឬក៏ស្លៀកពាក់ ស្អាតៗដើម្បីផ្គាប់ចិត្តអ្នកណាឡើយ។

២. គ្មានថ្ងៃពិសេសអ្វីទាំងអស់

អ្នកមិនមានអារម្មណ៍រំភើបចំពោះ ថ្ងៃបុណ្យនៃក្តីស្រឡាញ់ ឬក៏បុណ្យណូអែលអ្វីឡើយ ព្រោះអ្នកដឹងច្បាស់ថា នឹងមិនមានរឿងអ្វីពិសេស កើតឡើងចំពោះអ្នក។ សម្រាប់ក្មេងៗវាជារឿងរំភើបរំជើបរំជួល តែសម្រាប់អ្នកវាជាការខ្ជះខ្ជាយលុយកាក់ និងពេលវេលា។

៣. ជួបមនុស្សដដែលៗ

អ្នកចាប់ផ្តើមមិនចូលចិត្តស្គាល់មនុស្សថ្មីៗ មិនចង់ចូលរួមពិធីជប់លៀង ចង់នៅតែផ្ទះ ស្ដាប់ភ្លេងម្នាក់ឯង រឺអានសៀវភៅដែលអ្នកចូលចិត្ត។ អ្នកជួបតែមិត្តភ័ក្ដិ និងមិត្តរួមការងារដដែលៗ ជារៀងរាល់ថ្ងៃ។

៤. អ្នកចាប់ផ្តើមស្រឡាញ់សត្វចិញ្ចឹមរបស់អ្នកខ្លាំង

អ្នកប្រហែលជាជ្រើសរើសការប្រលែងលេងជាមួយកូនឆ្កែ ឬឆ្មាដែលជាសំណព្វចិត្តរបស់អ្នក ជាជាងការទៅក្រៅជួប រឺស្គាល់មនុស្សថ្មីៗ នៅក្លឹបកម្សាន្ត រឺដោយការណែនាំពីមិត្តភ័ក្ដិ។

ដូច្នេះហើយប្រសិនបើអ្នកមិនចង់នៅលីវ រស់នៅកណ្ដោចកណ្ដែងម្នាក់ឯងជារៀងរហូតទេ អ្នកគួរតែ រៀនបើកចិត្តអោយទូលាយ និងព្យាយាមស្គាល់មនុស្សថ្មីៗឲ្យបានច្រើន ទើបជាការប្រសើរ ៕