រឿង ៤ យ៉ាងត្រូវដឹង បើអ្នកចង់ទិញផ្ទះក្នុងវ័យ ២០ ឆ្នាំ ក្រោយពេលរៀបការរួច
- 2017-10-08 05:00:00
- ចំនួនមតិ 0 | ចំនួនចែករំលែក 0
រឿង ៤ យ៉ាងត្រូវដឹង បើអ្នកចង់ទិញផ្ទះក្នុងវ័យ ២០ ឆ្នាំ ក្រោយពេលរៀបការរួច
នេះជាក្ដីបារម្ភមួយរបស់មនុស្សសម័យថ្មី ព្រោះពួកគេចង់បានលំនៅដ្ឋានផ្ទាល់ខ្លួនភ្លាមៗ ក្រោយពេលរៀបការហើយ។ តែយ៉ាងណាអ្នកមានវ័យចាប់ពី ២០ ឆ្នាំដែលចង់ទិញផ្ទះ ត្រូវដឹងពី ៤ ចំណុចនេះសិន ព្រោះវាមានសារៈសំខាន់ខ្លាំងណាស់៖
១.អង្គុយពិភាក្សាជាមួយអ្នកជំនាញ
នៅអាយុ ២០-៣០ ឆ្នាំយុវវ័យមិនទាន់មានលុយច្រើននោះទេ។ ដូចនេះមានការងារ និងប្រាក់ខែគួរសម ក៏មិនអាចចេះតែទិញបានឡើយ ត្រូវស្វែងរក និងធ្វើការស្រាវជ្រាវក្នុងដំណើរការទិញផ្ទះ ទើបអាចបាន។ ម្យ៉ាងទៀតត្រូវសួរនិងពិភាក្សាជាមួយអ្នកជំនាញផ្នែកនេះពីប្រាក់កម្ចីជាច្រើន និងរបៀបរបបច្រើនយ៉ាងទៀតដែលមិនធ្វើឲ្យប៉ះពាល់បិរញ្ញវត្ថុក្នុងគ្រួសារ។
២.ស្វែងរកអ្នកឯកទេសខាងសូរិយោដី
វ័យប៉ុណ្ណេះ គឺមិនទាន់មានបទពិសោធគ្រប់គ្រាន់ក្នុងរឿងលិខិតស្នាមផ្សេងៗឡើយ ជាពិសេសផ្នេកសូរិយោដីតែម្ដង។ ត្រូវស្វែងរក អ្នកជំនាញខាងមើលក្រដាស់អំពីក្របខ័ណ្ឌដីធ្លីដែលអ្នកកំពុងចង់ទិញផ្ទះនោះ។ ជាទូទៅអ្នកត្រូវការទទួលបានប្រព័ន្ធឯកសារល្អ។
៣.ចរចារដោយខ្លួនឯង
ទោះជាមានប្រាក់សម្រាប់ទៅទិញក៏ដោយ ក៏កុំឲ្យឈ្មួញកណ្ដាលអ្នកទៅចរចារតម្លៃផ្ទះនោះអី ព្រោះគេអាចស៊ីលើស៊ីក្រោមអ្នកក៏ថាបាន។ តែត្រូវទៅធ្វើរឿងនេះដោយខ្លួនឯង តែចាំឲ្យប្រាប់ធីបទៅឈ្មួញកណ្ដាលវិញ បែបនេះទើបយើងអាចដឹងពីតម្លៃពិតប្រាកដ។ ការចរចារគឺធ្វើពីតម្លៃតូចទៅធំ ដូចនេះកុំឆាប់ជឿតម្លៃដែលគេដាក់ឲ្យពេក មួយវិញទៀតមិនគួរឲ្យថ្លៃទាបបេកទេ ព្រោះរកស៊ីរបស់នេះគេមិនចុះថ្លៃច្រើនដូចតថ្លៃទិញខោអាវឡើយ។
៤.កុំចរចារដោយប្រញ៉ាប់ប្រញាល់ ឬមិនទាន់ឃើញកន្លែងផ្ទាល់ភ្នែក
ដើរមើលរបស់ឲ្យអស់ចិត្តសិន ចាំបើកការចរចារតាមក្រោយ ព្រោះបើធ្វើតាមចិត្តចង់ អាចបណ្ដាលឲ្យខាតបង់ក៏ថាបាន។ ត្រូវស្វែងយល់ពីប្រព័ន្ធគមនាគមន៍ផ្សេងៗនៅជុំវិញកន្លែងរស់នៅ ហើយក៏ត្រូវដឹងពីរយៈចម្ងាយដែរ ថាវាសមសួននឹងកន្លែងធ្វើការឬអត់។ រឿងមួយទៀតដែលមិនគួរភ្លេច គឺប្រព័ន្ធស្ដង់ដារនៃការសាងសងផងដែរ ទើបមិនធ្វើឲ្យអ្នកខាតបង់នៅពេលក្រោយ ហើយរឿងមួយទៀតដែលមិនគួរភ្លេចគឺរកអ្នកអចលនទ្រព្យ និងវិនិយោគិន ឲ្យគេមកវាយតម្លៃផ្ទះ ថាតើសមរម្យតាមតម្លៃទីផ្សារឬអត់៕
ចុចអាន៖រឿងជីវិតដែលអ្នកត្រូវទទួលស្គាល់ មុនពេលឈានដល់វ័យ ៣០ ឆ្នាំ !