រូបរាងស្អាត អាយុវែង សុខភាពក៏ល្អ ដោយគ្រាន់តែអនុវត្តតាមចំនុចទាំងនេះ!

2017-10-05 08:05:30
ចំនួនមតិ 0 | ចំនួនចែករំលែក 0

ចង់បានរូបរាងស្អាត សុខភាពល្អ និង អាយុវែងគឺអាស្រ័យទៅលើការថែទាំរបស់អ្នក បើអ្នកមានទម្លាប់ល្អនោះអ្នកនឹងទទួលបានសុខភាពល្អ និង អាយុវែង ដូច្នេះអ្នកគួរតែ៖

១. កុំញ៉ាំអាហារច្រើនពេក ៖ បើសិនជាអ្នកចង់មានសុខភាពល្អអ្នកគួរតែទម្លាប់ញ៉ាំអាហារតិចល្មមបានហើយព្រោះការញ៉ាំឆ្អែតជ្រុល ឬច្រើនពេកធ្វើឲ្យអ្នកមិនស្រួលខ្លួន និង មិនស្រស់ស្រាយនោះទេ។ វាក៏ធ្វើឲ្យក្រពះពិបាកនឹងកិនអាហារផងដែរ។

**២. ធ្វើខ្លួនឲ្យមានចលនា ៖**មានន័យថាអ្នកមិនគួរនៅមួយកន្លែងនោះទេ អ្នកគួរតែមានចលនាឲ្យបានច្រើនទើបល្អ។ អ្នកអាចធ្វើអ្វីក៏បានឲ្យតែរាងកាយអ្នកបញ្ចេញជាតិពុលពីក្នុងខ្លួនបាន បើសិនជាអ្នកគ្មានពេលវលាទៅហាត់ប្រាណនោះ។

៣. មានការរួមភេទត្រឹមត្រូវ ៖ ការរួមភេទគឺជារឿងសំខាន់មួយ ដូច្នេះអ្នកត្រូវមានការរួមភេទដែលត្រឹមត្រូវគឺទៅតាមអាយុរបស់អ្នក ដើម្បីធ្វើឲ្យអ្នកមានសុភាពល្អ និង រាងកាយមាំមួន។

រូបតំណាង

៤. កុំចំណាយពេលមើលលើគ្រឿងអេឡិចត្រូនិកយូរពេក ៖ ការមើលទូរទស្សន៍ ទូរស័ព្ទ ច្រើនពេកវាមិនបានជួយដល់សុខភាពអ្នកនោះទេដូច្នេះអ្នកគួរតែកាត់បន្ថយវាទើបជាការប្រសើរ។

៥. ចៀសវាងពីការត្រូវកម្ដៅថ្ងៃខ្លាំងពេក ៖ ការចៀសវាងពីការត្រូវកម្ដៅថ្ងៃខ្លាំងអាចជួយឲ្យអ្នកកាត់បន្ថយមហារីកស្បែក ការពារការធ្លាក់យារនៃស្បែក និងធ្វើឲ្យយើងមើលទៅក្មេងជាងវ័យ។

៦. ចាកចេញពីភាពស្មុគស្មាញ ៖ ពេលដែលអ្នកមានបញ្ហាផ្លូវចិត្ត ស្មុគស្មាញច្រើន នោះសុខភាពអ្នកក៏មិនល្អដែរ ដូច្នេះអ្នកអ្នកគួរតែព្យាយាមធ្វើចិត្តឲ្យរីករាយ និងចៀសវាងពី ភាពឯកា និង ការបាក់ទឹកចិត្ត។

រូបតំណាង

៧. ចំណាយពេលហាត់ប្រាណ ៖ អ្នកគួរតែលះបង់ពេលខ្លះក្នុងការហាត់ប្រាណ ដើម្បីឲ្យសុខភាពល្អ និង រូបរាងរឹងមាំ ហើយទប់ស្កាត់ការកើតជំងឺជាច្រើនទៀត។

៨. ញ៉ាំផ្លែឈើ និង បន្លែឲ្យបានច្រើន ៖ ផ្លែឈើ និងបន្លែល្អណាស់ចំណោះសុខភាពក៏ដូចជាសម្រស់ព្រោះវាមានវីតាមីនដែលអាចជួយកាត់បន្ថយហានិភ័យនៃជំងឺមហារីកសុដន់ និងធ្វើឲ្យរូបរាងស្អាត និងរឹងមាំ។

៩. ការញ៉ាំស្រាក្នុងកម្រិតត្រឹមត្រូវ ៖ បើអ្នកញ៉ាំស្រាក្នុងកម្រិតមួយដែលលើសពីការទទួលយកនោះអ្នកនឹងអាចមានបញ្ហាសុខភាព ជាពិសេសទៀតអ្នកគឺជាមនុស្សស្រីដូច្នេះមិនគួរញ៉ាំស្រាច្រើននោះទេ ប៉ុន្តែបើយូរៗម្ដង និង បរិមាណតិចតួចវាគ្មានបញ្ហានោះទេ ហើយវាក៏ល្អដែរ។