លេចតម្លៃខ្លួនថតរឿងខ្ពស់កប់របស់ Yoona និង Suzy ដែលគ្មានតារា Kpop ណាថ្លៃដល់
- 2017-09-30 06:51:59
- ចំនួនមតិ 0 | ចំនួនចែករំលែក 0
លេចតម្លៃខ្លួនថតរឿងខ្ពស់កប់របស់ Yoona និង Suzy ដែលគ្មានតារា Kpop ណាថ្លៃដល់
បណ្ដាញព័ត៌មានកូរ៉េទើបតែបញ្ចេញតារាងឈ្មោះតារាចម្រៀងប្រុសស្រី ដែលស៊ីខ្លួនខ្ពស់បំផុតនៅពេលថតរឿងមួយភាគៗ។
ក្នុងវិស័យភាពយន្តកូរ៉េខាងត្បូង តារាសម្ដែងត្រូវបានចែកចេញជា២បក្សយ៉ាងច្បាស់ នោះគឺតារាសម្ដែងចំតួ និងពីតារាចម្រៀងមកក្លាយជាតារាសម្ដែង។ ដោយតារាសម្ដែងចំ តែងមានតម្លៃខ្លួនខ្ពស់ជាងក្រុមតារាសម្ដែងដែលមានដើមកំណើតជាតារាចម្រៀង ដោយអ្នកខ្លះស៊ីថ្លៃរហូតដល់ទៅ១០ម៉ឺនដុល្លារក្នុង១ភាគ ដូចតារាសម្ដែង Jun Jihyun ជាដើម។
ទន្ទឹមនឹងគ្នានេះដែរ មុននេះបន្តិច បណ្ដាញព័ត៌មានកូរ៉េទើបតែបញ្ចេញឈ្មោះតារាចម្រៀងប្រុសស្រីដែលស៊ីថ្លៃខ្ពស់បំផុតពេលថតរឿងភាគម្ដងៗ។ តាមនោះដែរ តារាចម្រៀង Yoona និង Suzy បាននាំមុខគេក្នុងតារាងនេះ ដោយស្រីស្អាតទាំង២ស៊ីថ្លៃ២ម៉ឺនដុល្លារសម្រាប់រឿង១ភាគ។ តាមពីក្រោយ តារាស្រីទាំង២នេះ តារាចម្រៀង Krystal មកពីក្រុមចម្រៀង F(x) ដោយនាងស៊ីថ្លៃ៦ពាន់ដុល្លារក្នុង១ភាគ។
រីឯភាគីខាងប្រុសវិញ នាំមុខគេគឺប្រុសស្អាត Park Hyung Sik មកពីក្រុមចម្រៀង ZE:A ស៊ីថ្លៃ១ម៉ឺនដុល្លារក្នុង១ភាគ។ តាមពីក្រោយគឺ L មកពីក្រុម Infinite ស៊ីថ្លៃ៧ពាន់ដុល្លារ និង Sungjae មកពីក្រុម BTOB ស៊ីថ្លៃ៦ពាន់ដុល្លារសម្រាប់រឿង១ភាគ៕