ម្ដាយឪពុកសម័យនេះបណ្ដោយកូនតូចធ្វើ ៣ រឿងនេះ រហូតបាត់បង់ភាពស្និទ្ធស្នាលនឹងអ្នកមានគុណ

2017-09-29 08:02:10
ចំនួនមតិ 0 | ចំនួនចែករំលែក 0

ព្រោះតែការរវល់ ធ្វើឲ្យអ្នកម៉ាក់លោកប៉ាសម័យនេះ បណ្ដោយកូនៗតូចពួកគេធ្វើរឿង ៣ យ៉ាងនេះ។ ត្រូវចាំថាបើមិនចង់ឲ្យកូនៗ មិនស្និទ្ធជាមួយខ្លួនទេនោះ ទោះជារវល់ប៉ុណ្ណាក៏ត្រូវតែបំពេញកាតព្វកិច្ចជាអាណាព្យាបាលឲ្យបានល្អ ដើម្បីភាពស្និទ្ធស្នាលជាមួយកូនៗ។ ៣ យ៉ាងនេះត្រូវតែព្យាយាមឲ្យមែនទែន ទើបសម្ពន្ធភាពក្នុងគ្រួសារល្អ៖

១.មិនបានបង្រៀនកូនៗ៖ ម្ដាយឪពុកទាំងអស់មិនគួរដាក់បន្ទុកនេះទៅលើសាលាតែម្យ៉ាងទេ។ តែអ្នកមានគុណទាំងពីរ ក៏គួរបង្ហាញពីការទទួលខុសត្រូវដោយ ជួយគ្នាបង្រៀនបន្ថែមដល់កូនពេលមានកិច្ចការផ្ទះ ទើបកូនមានអារម្មណ៍កក់ក្ដៅ និងរឹតតែខំប្រឹងរៀនសូត្រ។

២.បណ្ដោយឲ្យកូននៅជាមួយអ្នកមើលថែច្រើនពេក៖ ក្មេងៗខ្លះព្រោះតែបានចំណាយពេលច្រើនជាមួយអ្នកមើលថែទើបពួកគេស្និទ្ធជាងអ្នកបង្កើតពួកគេទៅទៀត។ ដូចនេះហើយកុំបណ្ដោយឲ្យស្ថានភាពគ្រួសារទៅជាបែបនេះអី ព្រោះកូនអាចនឹងមិនចង់នៅជាមួយអ្នក។

រូបតំណាង

**៣.ឲ្យពួកគេប្រើគ្រឿងអេឡិចត្រូនិក**៖ សង្កេតឃើញថាសម័យនេះឪពុកម្ដាយភាគច្រើនបានបណ្ដោយឲ្យកូនៗលេងទូរស័ព្ទច្រើន។ ទង្វើបែបនេះ ធ្វើឲ្យក្មេងៗលែងសូវចង់នៅក្បែរអាណាព្យាបាល ព្រោះពួកគេជក់លេងជាមួយរបស់ទាំងនោះ ខណៈដែលឪពុកម្ដាយលែងរវល់ជាមួយទៀត៕

ចុចអាន៖សម្ដីចាក់ដោត៧ឃ្លា អ្នកម្ដាយមិនគួរនិយាយទៅកាន់កូនស្រី បើមិនចង់ឱ្យកូនខូច

អត្ថបទ៖ ទ្រី រ៉ាវី