មនុស្សស្រី ៥ ប្រភទដែលមនុស្សប្រុសមិនគួរយកជាភរិយា
- 2017-09-29 01:00:00
- ចំនួនមតិ 0 | ចំនួនចែករំលែក 0
មនុស្សស្រី ៥ ប្រភទដែលមនុស្សប្រុសមិនគួរយកជាភរិយា
ជីវិតគ្រួសារមិនមែនចេះតែជ្រើសរើសឲ្យតែរួចៗទេ ព្រោះបើមិនអីចឹងអ្នកនឹងអាចមានការសោកស្ដាយ។ ដូច្នេះហើយបុរសគួរតែមានការជ្រើសនារីឲ្យបានត្រឹមត្រូវក្នុងការយកមកធ្វើជាប្រពន្ធ ព្រោះថ្ងៃក្រោយគ្រួសារមានសុភមង្គល ឬ គ្មានក៏អាស្រ័យលើមនុស្សស្រីមួយផ្នែកធំដែរ។ ខាងក្រោមនេះជាប្រភេទមនុស្សស្រីដែលអ្នកមិនគួរយកជាភរិយាឡើយ ៖
១. នារីពុតត្បុតច្រើន
ចង់សម្ដៅទៅលើមនុស្សដែលពូកែសម្ដែង ខាងមុខល្អ ខាងក្រោយអាក្រក់។ មានល្បិចច្រើនទាំងការទុកដាក់លុយ ទាំងការថែរក្សាទំនាក់ទំនងជាមួយគ្រួសារ និង អ្នកដទៃ។ មានប្រពន្ធល្បិចច្រើន គ្រួសារគ្មានក្ដីសុខ និង កិត្តិយសទេ។
**២. នារីភ្លើតភ្លើនភ្លេចតួនាទីខ្លួន**
នារីចូលចិត្តតែភាពសប្បាយ ភ្លើតភ្លើនភ្លេចថាខ្លួនគ្មានគិតពីការងារ ពីអនាគតបែរជាដើរហើរ ដើរសប្បាយលើសកម្រិត។ មនុស្សបែបនេះទោះបីជាអ្នកមានលុយសល់រាប់លានទៀតក៏រលាយដែរ។ មនុស្សស្រីណាក៏ចង់សប្បាយដែរតែបើជ្រុល លែងខ្វល់អីទាំងអស់នោះក៏អ្នកមិនគួរយកជាគូអនាគតដែរ។
៣. នារីដែលមិនឲ្យតម្លៃលើចំណេះដឹង
បើមនុស្សស្រីគ្មានចំណេះដឹង គ្មានការឲ្យតម្លៃទៅលើការសិក្សាអ្នកមិនគួររៀបការជាមួយឡើយ ព្រោះអ្នកត្រូវចាំថាគេជាអ្នកអប់រំ មើលថែកូនៗអ្នក បើកម្រិតអប់រំគេប៉ុណ្ណាគេនឹងអប់រំកូនអ្នកប៉ុណ្ណឹង ដូច្នេះគួរតែរកមនុស្សដែលស្រឡាញ់ការរៀនសូត្រ ស្រឡាញ់ភាពចេះដឹង និង មានការអប់រំខ្ពស់។
៤. នារីដែលគ្មានភាពស្មោះត្រង់
ភាពស្មោះត្រង់គឺមានតម្លៃខ្ពស់ណាស់ មិនត្រឹមតែក្នុងសម្ព័ន្ធភាពប្ដីប្រពន្ធទេ គឺក្នុងការរស់នៅតែម្ដង។ ជីវិតគ្រូសារបើមានម្នាក់ក្បត់គ្នាហើយនោះ គឺលែងមានសុភមង្គលទៀតហើយ ដូច្នេះបើភក្ដីភាពក្នុងគ្រួសារគឺចាំបាច់ណាស់ត្រូវមាន។
៥. នារីដែលមិនរកលុយ តែចេះចាយលុយ
កុំប្រថុយយកនារីបែបនេះឲ្យសោះ ព្រោះគ្រួសារអ្នកអាចមានការលំបាក ព្រោះគ្មានគេមិនចេះរកលុយទេ ចាំតែចាយមិនគិតពីកម្លាំងញើសឈាមអ្នកឡើយ។ បែបនេះទោះបីអ្នករកលុយបានច្រើនប៉ុណ្ណាក៏មិនគ្រាន់នឹងគេចាយដែរ ព្រោះមានតែចេញគ្មានចូល។
មនុស្សប្រុសត្រូវជ្រើសរើសនារីឲ្យល្អជាភរិយា ដូច្នេះមនុស្សស្រីក៏គួរឲ្យតម្លៃលើខ្លួនឯងឲ្យខ្លាំង ដើម្បីជ្រើសរើសមនុស្សដែលអ្នកចង់បានដូចគ្នាដែរ៕
ចុចអាន៖រើសមិត្ត ១០០ ឆ្នាំ មិនបាច់រកអ្នកដូចគ្នាទាំងស្រុងឡើយ មានតែ ៤ យ៉ាងនេះគ្រាន់ហើយ!