ភ្ញាក់ព្រើត ពេលដឹងមូលហេតុដែលស្ត្រីមានផ្ទៃពោះគួររួមភេទឱ្យបានច្រើន
- 2017-09-27 08:44:26
- ចំនួនមតិ 0 | ចំនួនចែករំលែក 0
ភ្ញាក់ព្រើត ពេលដឹងមូលហេតុដែលស្ត្រីមានផ្ទៃពោះគួររួមភេទឱ្យបានច្រើន
ប្ដីប្រពន្ធមួយចំនួនគិតថា ក្នុងអំឡុងពេលពពោះគួរតែផ្អាកការស្និទ្ធស្នាលផ្នែកផ្លូវភេទ ព្រោះថាអាចនឹងបង្កគ្រោះថ្នាក់ដល់ស្ត្រីជាភរិយា និងកូននៅក្នុងផ្ទៃ។ ប៉ុន្តែមានមូលហេតុ៤យ៉ាងដែលបញ្ជាក់ថា អ្នកមិនគួរផ្អាកសកម្មភាពផ្អែមល្ហែមទាំងនេះឡើយ៖
១. កាត់បន្ថយសម្ពាធឈាម
សកម្មភាពផ្អែមល្ហែមពីដៃគូស្នេហា អាចដើរតួជាអ្នកបន្ធូរបន្ថយភាពតានតឹងបាន។ នេះជាកត្តាដែលអាចជួយឱ្យសម្ពាធឈាមត្រឡប់ទៅកម្រិតធម្មតាវិញ។ ដូច្នេះហើយគួរតែមានភាពស្និទ្ធស្នាល និងស្វែងរកក្ដីសុខពីការរួមភេទឱ្យបានច្រើន។
២.ធ្វើឲ្យនារីមានផ្ទៃពោះគេងលក់ស្រួល
ព្រោះនៅពេលដែលស្ត្រីឈានដល់កម្រិតកំពូលក្នុងពេលរួមភេទ នាងនឹងគេងលក់ស្រួលដោយមិនមានអារម្មណ៍តឹងតែង និងគ្មានការរំខាន។ ការធ្វើចលនារបស់អរម៉ូននៅក្នុងរាងកាយ និងអាការៈអស់កម្លាំងក្រោយរួមភេទនឹងជួយឱ្យភាគីទាំងពីរ ជាពិសេសស្ត្រីមានផ្ទៃពោះគេងលក់បានស្កប់ស្កល់ជាងពេលផ្សេង។
៣. បង្កើនភាពស្និទ្ធស្នាលរវាងប្ដីប្រពន្ធ
វាជាការផ្សារភ្ជាប់ដ៏អស្ចារ្យមួយ ជាពិសេសភាពរ៉ូមែនទិចនៅបន្ទប់គេង ព្រោះវាបានភ្ជាប់ទំនាក់ទំនងយ៉ាងច្រើនជាមួយផ្លូវចិត្ត និងអារម្មណ៍ដែលធ្វើឲ្យនារីមានភាពស្រស់ស្រាយ។ ការរួមភេទនៅពេលមានផ្ទៃពោះ មិនមែនសុទ្ធតែមានគ្រោះថ្នាក់នោះទេ បើប្ដីប្រពន្ធបានដឹងពីវិធីមានសុវត្ថិភាព។ វានឹងកាន់តែធ្វើឱ្យអ្នកទាំងពីរយល់ចិត្តគ្នា ស្រលាញ់គ្នាជាងមុន ដោយមិនខ្លាចស្វាមីមានអារម្មណ៍ធុញទ្រាន់ ព្រោះការអាក់ខានបំពេញចំណង់ផ្លូវភេទក្នុងរយៈពេលនេះ។
៤. កាត់បន្ថយការឈឺចាប់ក្នុងប្រដាប់ភេទរបស់ស្ត្រីមានផ្ទៃពោះ
ភាពរំញោចក្នុងពេលរួមភេទត្រង់ប្រដាប់ភេទស្ត្រីមានផ្ទៃពោះ អាចជួយឱ្យនាងអាចកាត់បន្ថយអាការៈឈឺចាប់បានមួយកម្រិត៕
ចុចអាន៖សម្ដីចាក់ដោត៧ឃ្លា អ្នកម្ដាយមិនគួរនិយាយទៅកាន់កូនស្រី បើមិនចង់ឱ្យកូនខូច