ផ្ទះនៅចំផ្លូវបែកជាបី ត្រូវរៀបហុងស៊ុយយ៉ាងណាកុំឲ្យផ្ទះមានរឿងរហូត?
- 2017-09-23 12:00:00
- ចំនួនមតិ 0 | ចំនួនចែករំលែក 0
ផ្ទះនៅចំផ្លូវបែកជាបី ត្រូវរៀបហុងស៊ុយយ៉ាងណាកុំឲ្យផ្ទះមានរឿងរហូត?
មនុស្សមួយចំនួនគិតថាមានផ្ទះចំផ្លូវបំបែកជាបី នឹងមិនសំណាងដូចផ្ទះដទៃទៀត។ មិនបាច់បារម្ភទៀតឡើយ បើធ្វើតាមក្បួនខាងក្រោមអាចសម្រួលដល់ចរន្តផ្ទះបាន។
ចាស់បុរាណតែងមានការគិតថា ផ្ទះទាំងឡាយណាដែលស្ថិតនៅចំផ្លូវបំបែកជាបី គឺជាផ្ទះមិនល្អ ថែមទាំងអាចធ្វើឲ្យសមាជិកក្នុងផ្ទះឈឺទៀតផង។ យ៉ាងណាក៏ដោយ អ្វីៗទាំងឡាយសុទ្ធតែមានដំណោះស្រាយទាំងអស់។
តាមអ្នកជំនាញហុងស៊ុយ ប្រសិនបើផ្ទះរបស់អ្នកស្ថិតនៅចំផ្លូវបំបែកជាបីមែន តែទំហំទទឹងផ្ទះធំជាងផ្លូវដែលបុកមកនោះ នោះនេះមិនមានអ្វីចោទជាបញ្ហាឡើយ។ យ៉ាងណាមិញ បើផ្ទះតូចជាងផ្លូវ អាចអនុវត្តវិធីដូចខាងក្រោមបាន។
ផ្ទះចំផ្លូវបំបែកជា៣នឹងពិបាកនឹងស្រូបយកខ្យល់ថាមពលល្អៗដូចផ្ទះនៅសងខាង ហើយទទួលបានថាមពលអវិជ្ជមានច្រើនជាង ដូចនេះដើម្បីជៀសវាងបញ្ហានេះ អ្នកអាចដាក់រនាំងនៅចំកណ្ដាលបន្ទប់ទទួលភ្ញៀវដើម្បីឲ្យថាមពលអាក្រក់ត្រូវវៀងចេញក្រៅវិញ។ បន្ថែមពីនេះគួរដាំដើមផ្កាស្អាតៗនៅពីមុខផ្ទះដើម្បីទាក់ទាញចំហាយល្អមកវិញ។
នៅមុខផ្ទះ គួរព្យួរកណ្ដឹងខ្យល់ឲ្យស្រូបធាតុចង្រៃឲ្យអស់ និងគួរព្យួររូបគំនូរដើម្បីលំអ។ ចំណែកឯខាងក្នុងផ្ទះ គួរមានអាងចិញ្ចឹមត្រីដើម្បីមានប្រភពទឹក។ ខាងក្រោយផ្ទះគួរដាំដើមឈើដើម្បីឲ្យចាក់ឫស ធ្វើឲ្យគ្រឹះផ្ទះកាន់តែមាំល្អធ្វើឲ្យផ្ទះមានចរន្តល្អ៕
ចុចអាន៖ប្រជ្រុយ៨កន្លែងលើដងខ្លួន នាំលាភសំណាងទាំងទ្រព្យសម្បត្តិនិងស្នេហា