ចិញ្ចៀនភ្ជាប់ពាក្យតារាស្រីចិន៦រូប ដែលមានតម្លៃលើសចិញ្ចៀនរបស់ Fan Bingbing ឆ្ងាយ
- 2017-09-22 02:06:16
- ចំនួនមតិ 0 | ចំនួនចែករំលែក 0
ចិញ្ចៀនភ្ជាប់ពាក្យតារាស្រីចិន៦រូប ដែលមានតម្លៃលើសចិញ្ចៀនរបស់ Fan Bingbing ឆ្ងាយ
ខណៈស្រីស្អាត Fan Bingbing តែងពោលថាធ្វើអ្វីក៏ចង់ឲ្យលេចធ្លោជាងគេនោះ ហាក់ដូចលើកនេះ នាងត្រូវចាញ់ប្រៀបគេម្ដងហើយ។
ខាងក្រោមនេះគឺជាសិល្បការិនីប្រទេសចិនដែលត្រូវបានមិត្តប្រុសជូនចិញ្ចៀនសុំរៀបការតម្លៃកប់ពពកលូកមិនដល់។
Fan Bingbing- Li Chen
ចិញ្ចៀនសុំរៀបការដែលតារាសម្ដែង Li Chen ជូនទៅមិត្តស្រី Fan Bingbing ក្នុងឱកាសខួបលើកទី៣៦របស់នាងមានទម្ងន់ពេជ្រ២០ការ៉ាត់ និងតម្លៃ ៩០ម៉ឺនដុល្លារ។
Angelababy – Huang Xiaoming
ចិញ្ចៀនពេជ្ររាងដំណក់ទឹកទម្ងន់៥,៥ការ៉ាត់ គួបផ្សំនឹងពេជ្រតូច៧៣គ្រាប់របស់ Angelababy មានតម្លៃ១លាន និង៧៥ម៉ឺនដុល្លារ។
Zhang Ziyi
ស្រីស្អាតត្រកូល Zhang មានសំណាងមានចិញ្ចៀនសុំរៀបការដល់ទៅ២ព្រោះមានមិត្តប្រុស២។ ចិញ្ចៀនទី១ដែលជូនដោយមហាសេដ្ឋី Vivi Nevo មានទម្ងន់ ១២ការ៉ាត់ និងតម្លៃ ៥លានដុល្លារកន្លះ។ ពេលរៀបការជាមួយតារាចម្រៀង Wang Feng នាងទទួលបានចិញ្ចៀនទម្ងន់ ៩,១៥ការ៉ាត់ និងតម្លៃ ១លាន ៧៥ម៉ឺនដុល្លារ។
Barbie Tsu (សាន់ឆាយ)
រៀបការជាមួយមហាសេដ្ឋីតៃវ៉ាន់ សាន់ឆាយទទួលបានចិញ្ចៀនទម្ងន់៦ការ៉ាត់ និងតម្លៃ ១លាន ៥សែនដុល្លារ។
Carina Lau – Leung Liu Wai
ចិញ្ចៀនរៀបការរបស់តារាជើងចាស់ Carina Lau មានទម្ងន់ ១២ការ៉ាត់ និងមានតម្លៃ៤លាន ២៥ម៉ឺនដុល្លារ។
Michelle Reis
ចិញ្ចៀនរៀបការរបស់បវរកញ្ញាចិនឆ្នាំ១៩៨៨ មានទម្ងន់តែ៨ការ៉ាត់តែប៉ុណ្ណោះ តែត្រូវបានដុះខាត់ពិសេសជាងធម្មតាទើបមានតម្លៃឡើងដល់ទៅ ៨លាន ៥សែនដុល្លារ។
Zhang Yuqi
ទោះបីជាឆាប់ការ ក៏ដូចជាឆាប់បែកក៏ដោយ តែប្ដីរបស់ស្រីស្អាត Yuqi នៅតែជូនចិញ្ចៀនពេជ្រទម្ងន់ ៨,៦៨៨ ដល់ប្រពន្ធ និងមានតម្លៃ ១លាន២សែនដុល្លារ៕