កុំអង្វរអ្នកណាម្នាក់ដើម្បីឲ្យគេមកស្រឡាញ់អ្នកទាំងគេគ្មានអារម្មណ៍នោះ

2017-09-20 02:03:00
ចំនួនមតិ 0 | ចំនួនចែករំលែក 0

ស្នេហាមិនមែនជាការដាក់ទាន ឬក៏ជាការអង្វរលន់តួនោះទេ តែវាជាអារម្មណ៍ដែលកើតចេញពីចិត្ត និង បេះដូង។

អ្នកមិនគួរអង្វរអ្នកណាម្នាក់ឲ្យគេមកស្រឡាញ់ មកនៅក្បែរអ្នកទាំងគេមិនមានអារម្មណ៍ឡើយ ព្រោះអ្នកមានជីវិតផ្ទាល់ខ្លួន មានភាពថ្លៃថ្នូរក្នុងជីវិតស្នេហា ដូច្នេះគួរតែស្វែងរកអ្វីដែលល្អជាងនេះ មិនមែនទៅយំអង្វរឲ្យគេមកស្រឡាញ់ មកអាណិតអ្នកនោះទេ។ ស្នេហាជាការតស៊ូមួយ តែបើការតស៊ូនោះគ្មានលទ្ធផលមកវិញទេ អ្នកគួរតែបញ្ឈប់មុនពេលដែលគេទម្លាក់តម្លៃអ្នក។ ជឿថាមានមនុស្សច្រើនណាស់ដែលត្រូវការ ដែលស្រឡាញ់ និង កំពុងរង់ចាំអ្នក តែហេតុអីអ្នកត្រូវបន្ទាបខ្លួនព្រោះមនុស្សម្នាក់ដែលមើលមិនឃើញពីតម្លៃអ្នក?

រូបតំំណាង

ស្នេហាគឺមិនអាចបង្ខំ ហើយវាកាន់តែស្មុគស្មាញនៅពេលដែលវាដើរបញ្ច្រាសទិសគ្នា ប៉ុន្តែអ្នកក៏មិនគួរបណ្ដោយឲ្យវាគ្រប់គ្រង ឬ រុញច្រានឲ្យអ្នកដើរផ្លូវខុសដែរ។ ត្រូវចាំថាអ្នកមិនអាចបង្ខំគេឲ្យមកស្រឡាញ់អ្នកទាំងដែលគេគ្មានចិត្តឡើយ ដូច្នេះគួរតែចេះទទួលយកការពិត ហើយបើកចិត្តមើលពីតម្លៃមនុស្សក្បែរខ្លួន ព្រោះអ្នកធ្លាប់យល់ពីអារម្មណ៍ដែលគេបដិសេធន៍ហើយ ថាវាឈឺ វាវេទនាប៉ុណ្ណា ដូច្នេះបើអាចកុំឲ្យវាកើតឡើងលើអ្នក ឬ អ្នកណាម្នាក់ទៀតអី។