វិធីម៉ាស្សាឱ្យមុខស្លីមស្អាត មិនចាំបាច់វះកាត់
- 2017-09-14 07:27:00
- ចំនួនមតិ 0 | ចំនួនចែករំលែក 0
វិធីម៉ាស្សាឱ្យមុខស្លីមស្អាត មិនចាំបាច់វះកាត់
ចង់បានមុខស្លីម គ្មានសាច់ហៀរធ្លាក់សងខាងមែនទេ? បើអ្នកមិនចង់ចំណាយពេល និងលុយទៅវះកាត់ អាចសាកល្បងវិធីងាយៗដោយខ្លួនឯងនេះបាន។ គ្រាន់តែម៉ាស្សានិងធ្វើចលនាខ្លះៗលើមុខ ហើយអាចធ្វើបានគ្រប់កន្លែង និងគ្រប់ពេល។
មុននឹងឈានដល់ការម៉ាស្សា មិត្តនារីអាចកម្ដៅសាច់ដុំដោយវិធីហាមាត់អានអក្សរអង់គ្លេស៤តួនេះសិន (I, O, E, A) ដើម្បីឱ្យឆ្អឹងថ្គាមធ្វើចលនាបានស្រួលជាមុនសិន។
១- ដំណាក់កាលទី១ អ្នកត្រូវអង្គុយចុះ ហើយងើយក្បាលឡើងលើ។ សាកស្រមៃថា អ្នកនឹងយកបបូរមាត់ខាងក្រោមទៅប៉ះពិតាន។ ដាក់បបូរមាត់ខាងក្រោមឱ្យលយចេញក្រៅបែបនេះពី៥ទៅ១០វិនាទី ហើយសម្រាកបន្តិច រួចបន្តឡើងវិញ២-៣ដងទៀត។
២- ក្រោកឈរយកដៃមកខ្វែងគ្នាឱបដើមដៃទាំងសងខាងវិញម្ដង រួចងើយចង្កាឡើងលើ។ កាលណាងើយដល់អស់លទ្ធភាពហើយ សូមដកដង្ហើមវែងៗ ហើយរាប់ដល់១០ឬ១៥ ទើបសម្រួលមកធម្មតាវិញ។
៣- ឈរឱ្យត្រង់ខ្លួន ហើយដាក់ខ្មៅដៃបៀមក្នុងមាត់ឱ្យណែន។ សាកល្បងយកមាត់ដែលបៀមខ្មៅដៃនោះសរសេរឈ្មោះ ឬពាក្យអ្វីមួយនៅក្នុងខ្យល់។ ធ្វើបែបនេះចុះឡើងៗយ៉ាងហោចណាស់៣នាទី។
៤- ដកដង្ហើមឱ្យវែងៗ ហើយបិទមាត់ដែលមានខ្យល់នៅពេញនោះឱ្យជាប់។ យកដៃទាំងពីរមកដាក់ត្រង់ថ្ពាល់ទាំងសងខាង ហើយលាប្រអប់ដៃគ្របត្រចៀក។ បន្ទាប់មក រុញប្រអប់ដៃទាំងពីរនោះខ្ទប់ថ្ពាល់ចុះឡើងដើម្បីបង្កើតចលនាសាច់ដុំថ្ពាល់។ ធ្វើបែបនេះប្រហែល១៥វិនាទី សម្រាកបន្តិច រួចអនុវត្ត៥-៦ដងទៀត។
កុំភ្លេចសាកល្បងទាំងអស់គ្នា ហើយបើបានលទ្ធផលយ៉ាងណាៗ ប្រាប់មក Kanha ឱ្យដឹងផង! សំណាងល្អ!
ទោះមុខមានមុន និងស្នាមច្រើនប៉ុណ្ណាក៏អត់ខ្វល់ទៀតដែរ ឲ្យតែដឹងវិធីផាត់មុខទាំងនេះ!
តិចនិកទាំង១០ នារីៗគួរធ្វើដើម្បីបង្កើនសម្រស់ និងរូបរាងឲ្យកាន់តែស្អាត