ស្រីៗសម្រាលកូនរួចចង់បានរាងដើមមកវិញ គួរអនុវត្តន៍ ៧ ចំណុច

2017-09-13 03:46:00
ចំនួនមតិ 0 | ចំនួនចែករំលែក 0

មនុស្សស្រីដែលមានកូនរួចពិតជាបាត់បង់រូបរាងដ៏ស្រស់ស្អាតរបស់ខ្លួនពីមុនហើយ។ តែកុំបារម្ភអី បើចង់បានរាងសិចស៊ីមកវិញក្រោយផ្ដល់កំណើតឲ្យកូនរួចនោះ អ្នកម្ដាយគ្រប់រូបគួរអនុវត្តន៍តាមវិធីខាងក្រោមនេះ៖

១.បញ្ឈប់រាល់ការញ៉ាំអាហារតាមការឃ្លានរបស់ក្រពះ ព្រោះវានឹងជួយធ្វើឲ្យរាងកាយចាប់ផ្ដើមស្រកគីឡូ ហើយគួរញ៉ាំតែបន្លែ និងផ្លែឈើឲ្យបានច្រើនវិញ។

២.ចាប់ផ្ដើមឆ្លៀតពេលហាត់ប្រាណក្បាច់ណាងាយៗ ដើម្បីកុំឲ្យប៉ះពាល់ដល់សុខភាព ព្រោះទើបសម្រាលកូនរួច។

៣.ដាក់គោលដៅឲ្យច្បាស់លាស់ថា ក្រោយសម្រាលកូនប៉ុន្មានខែទើបចាប់ផ្ដើមហាត់ប្រាណ ហើយប៉ុន្មានខែទើបយករាងដើមមកវិញឲ្យបាន។

៤.ស្លៀកពាក់ឲ្យបានស្អាតបាតគ្រប់ពេល ដើម្បីកុំឲ្យមើលទៅខ្លួនរយីករយាក ទោះធាត់ក៏ដោយឲ្យតែធាត់ស្អាតទៅគឺបានហើយ។ បែបនេះទើបមានទំនុកចិត្តលើខ្លួនឯង។

៥.គេងឲ្យបានគ្រប់គ្រាន់ ព្រោះជួយឲ្យស្បែកមានពន្លឺ និងស្រស់ថ្លា បែបនេះទោះជាទើបកូនខ្ចីតែអាចស្លៀកពាក់ខ្លីបញ្ចេញសាច់ដដែល។

៦.ទោះបីជាអ្នកនៅផ្ទះតែម្នាក់ឯងជាមួយកូនក៏ដោយ ក៏ត្រូវតែថែរក្សាសក់ត្រូវធ្វើឲ្យស្អាត និងមានរបៀបជានិច្ច ហើយកុំត្អូញត្អែរថាគ្មានពេលវេលាមើលថែសក់ ព្រោះត្រឹមតែពីរ-បីនាទីប៉ុណ្ណោះ។

៧.ឲ្យស្វាមីអ្នកជួយមើលថែកូនមួយភ្លែត ដើម្បីមានពេលទៅថែរក្សាស្បែកឲ្យបានត្រឹមត្រូវ៕

ចុចអាន៖វិធី ៧ យ៉ាងថែរក្សាសុដន់ឲ្យនៅតែមូលក្លុំស្អាត និងបន្ថយហានិភ័យជំងឺមហារីកសុដន់

ប្រភព៖ mayoclinic | StanfordMedicine ប្រែសម្រួល៖ ទ្រី រ៉ាវី