មើលទម្រង់ចិញ្ចើម ដឹងដល់និស្ស័យមនុស្សស្រី
- 2017-09-13 01:46:16
- ចំនួនមតិ 0 | ចំនួនចែករំលែក 0
មើលទម្រង់ចិញ្ចើម ដឹងដល់និស្ស័យមនុស្សស្រី
ធ្លាប់បានដឹងមកហើយថា ទម្រង់មុខរបស់មនុស្សជាមាគ៌ា ដែលអាចមើលធ្លុះដល់ចិត្ត ប៉ុន្តែចិញ្ចើមវិញក៏អាចបង្ហាញអត្តចរិត និងមហិច្ឆតារបស់មនុស្សបានដែរ។ តោះយើងមកមើលទម្រង់ចិញ្ចើមទាំង១២ខាងក្រោមនេះ ដែលនឹងបង្ហាញច្បាស់ពីបុគ្គលិកលក្ខណៈរបស់មនុស្ស រួមផ្សំនឹងមហិច្ឆតាទៅអនាគតរបស់គេបានផង។
១. ចិញ្ចើមធម្មតា
ចិញ្ចើមដែលមានប្រវែងមិនវែង មិនខ្លី បង្ហាញថាអ្នកជាមនុស្សដែលប្រកាន់ខ្ជាប់ប្រពៃណី ទំនៀមទម្លាប់ និងជាបុគ្គលដែលមានភាពស្មោះត្រង់ សុចរិត។ ជាពិសេស អ្នកមិនមែនជាមនុស្សកាច់ឫក កាច់រាង ចង់ឲ្យគេមកចូលចិត្តអ្នកនោះទេ។
២. ចិញ្ចើមខ្លី
ពិសេសបំផុត ព្រោះអ្នកជាមនុស្សមានភាពអំណត់ រហូតទាល់តែទទួលបានជោគជ័យទើបឈប់ប្រឹង។
៣. ចិញ្ចើមវែង
អ្នកដែលមានចិញ្ចើមវែងជាមនុស្សមិនសូវមានភាពតានតឹងក្នុងជីវិតទេ ហើយថែមទាំងជាមនុស្សចុះចំណោមក្នុងសង្គមទៀតផង។ ជាពិសេស អ្នកជាមនុស្សរស់រវើក មិនចេះកើតទុក្ខ និងអាចដោះស្រាយបញ្ហាទាំងអស់បានដោយដៃរបស់អ្នក។
៤. ចិញ្ចើមក្រាស់
អ្នកជាមនុស្សដែលមានទំនុកចិត្ត ជឿជាក់លើខ្លួនខ្ពស់ទាំងខាងក្នុង និងខាងក្រៅ។ មនុស្សភាគច្រើនចូលចិត្តរបៀបដែលអ្នកដោះស្រាយបញ្ហា ឬជម្លោះផ្សេងៗ ព្រោះអ្នកជាមនុស្សដែលអាចដោះស្រាយបានយ៉ាងងាយ។ ជាពិសេស បើអ្នកកំណត់គោលដៅណាមួយហើយ គឺគ្មានអ្វីអាចបញ្ឈប់អ្នកបានឡើយ។ អ្នកជាមនុស្សមិនខ្វល់ខ្វាយពីគំនិតអ្នកដទៃដែលគិតមកលើអ្នកឡើយ គឺធ្វើយ៉ាងណា រស់នៅស្ងប់សុខដោយខ្លួនឯង។
៥. អ្នកមានចិញ្ចើមស្តើង ជាមនុស្សពូកែលួងលោមអ្នកជុំវិញ។
៦. ចិញ្ចើមទាប
អ្នកដែលមានចិញ្ចើមទាបបែបនេះ ជាមនុស្សដែលអាចទុកចិត្តបានគ្រប់ស្ថានការណ៍ទាំងអស់។ អ្នកជាមនុស្សមានបុគ្គលិកលក្ខណៈចុះសម្រុងជាមួយអ្នកគ្រប់គ្នា និងជាមនុស្សដែលរក្សាទំនាក់ទំនងបានរយៈពេលយូរ ហើយរឹងមាំល្អ។
៧. ចិញ្ចើមខ្ពស់
អ្នកជាមនុស្សដែលងាយរងឥទ្ធិពល និងមិនសូវមានទំនាក់ទំនងច្រើនជាមួយមនុស្សជុំវិញខ្លួនទេ។ បើជួបគ្នាដំបូង គេនឹងគិតថា អ្នកជាមនុស្សដាច់តែឯង និងវាយឫក ប៉ុន្តែជាក់ស្តែង អ្នកនឹងបើកចំហទំនាក់ទំនង នៅពេលណាអ្នកទុកចិត្តមនុស្សទាំងនោះ។
៨. ចិញ្ចើមត្រីកោណ
អ្នកដែលមានទម្រង់ចិញ្ចើមមានទ្រនុងខ្ពស់ស្រួច មានន័យថាអ្នកជាមនុស្សបត់បែនរហ័ស និយាយរួមគឺអ្នកវិភាគ និងសម្រេចចិត្តបានរហ័សគ្រប់កិច្ចការ។ ថ្វីត្បិតពេលខ្លះ លទ្ធផលមិនគាប់ចិត្ត ក៏អ្នកមិនចុះចាញ់ឡើយ។ អ្នកមានចិញ្ចើមបែបនេះ ស័ក្តិសមជាអ្នកដឹកនាំបំផុត។
៩. ចិញ្ចើមមូល
អ្នកមានចិញ្ចើមរាងកោងមូលបែបនេះ ជាមនុស្សដែលមានសន្តានចិត្តល្អ និងមានភាពទាក់ទាញខ្ពស់។ អ្នកតែងចូលរួមរាល់ការលំបាកជាមួយអ្នកជុំវិញ និងជួយអ្នកដែលត្រូវការជំនួយជានិច្ច។
១០. ចិញ្ចើមបញ្ឆៀងចុះក្រោម
អ្នកមានគល់ចិញ្ចើមបញ្ឆៀងចុះមកក្រោមជាមនុស្សដែលមានអារម្មណ៍ និងមហិច្ឆតាខ្លាំងក្លាបំផុត។ អ្នកជាមនុស្សដែលដឹងថាខ្លួនត្រូវការអ្វី មានគោលដៅបែបណាក្នុងជីវិត និងព្យាយាមគ្រប់បែបយ៉ាង ដើម្បីសម្រេចបំណងនោះឱ្យទាល់តែបាន។
១១. ចិញ្ចើមមើលមិនឃើញ
អ្នកដែលមានចិញ្ចើមស្តើង គ្មានពណ៌ ពិបាកកំណត់រូបរាងជាមនុស្សដែលខ្វះការជឿជាក់លើខ្លួន និងមិនច្បាស់ពីសមត្ថភាពខ្លួនឯង និយាយរួមគឺខ្លាច និងអៀនប្រៀនច្រើន។
១២. ចិញ្ចើមត្រង់
និយាយឲ្យស្រួលស្តាប់ អ្នកជាមនុស្សគិតមុនគូរជានិច្ច។ ជាពិសេស អ្នកហ៊ានប្រឈមមុខនឹងការពិត គ្រប់បែបយ៉ាងទាំងអស់៕
ចុចអាន៖