ចង់ក្លាយជាមិត្តស្រីមានកិត្តិយស និងមានតម្លៃ ចាំឲ្យខាងប្រុសធ្វើរឿង ៦ យ៉ាងនេះសិន

2017-09-11 03:00:00
ចំនួនមតិ 0 | ចំនួនចែករំលែក 0

ដើម្បីក្លាយជាមិត្តស្រីមានតម្លៃទាំងសម្រាប់ខ្លួនឯង និងគ្រួសារ អ្នកគប្បីចាំឲ្យខាងប្រុសធ្វើរឿង ៦ យ៉ាងនេះសិន។ ព្រោះបើមិត្តប្រុសពិតជាធ្វើបាន នោះជាការគោរព និងស្រលាញ់ស្មោះ៖

១.ចាំឪពុកម្ដាយគេអញ្ជើញ ចាំទៅលេងខាងផ្ទះគេ

បើកាលណាចាស់ទុំក្នុងផ្ទះជាអ្នកហាមាត់អញ្ជើញឲ្យទៅលេងខាងគ្រួសារគេ មានន័យថាមនុស្សស្រីម្នាក់នោះមានភាគរយខ្ពស់អាចក្លាយជាកូនប្រសាស្រីតែម្ដង។ ព្រោះសូម្បីតែចាស់ទុំក៏ចង់ឃើញចង់ស្គាល់ ហើយធ្វើឲ្យខ្លួនឯង និងគ្រួសារមានមុខមាត់ ជាជាងសុំគេទៅទាំងដែលគេមិនចង់។

២.ពេលទៅដើរលេង គេចូលខ្លួនមកសុំម្ដាយឪពុកអ្នក

ចង់ក្លាយជាមនុស្សស្រីមានតម្លៃ ទាល់តែឲ្យមនុស្សប្រុសធ្វើបែបនេះមកលើខ្លួន។ បើគេហ៊ានចូលមកជួប និងអះអាងខ្លួនធានាជូនអ្នកទៅដើរលេង និងជូនត្រលប់មកវិញដោយសុវត្ថិភាពនៅចំពោះមុខអ្នកមានគុណទាំងពីរ បញ្ជាក់ច្បាស់ថាគេឲ្យតម្លៃខ្ពស់ដល់គ្រួសារខាងស្រី។

៣.បើកបង្ហាញពីទំនាក់ទំនង

មនុស្សប្រុសទាល់តែស្រលាញ់ច្បាស់ និងចង់បាននារីណាជាគូអនាគតបានគេព្រមបើកបង្ហាញទំនាក់ទំនងជាសាធារណៈ។ បែបនេះអ្នកនឹងក្លាយជាសង្សារមានការដឹងឮ ដោយមិនចាំបាច់ខាងស្រីខ្លួនឯងជាអ្នកប្រកាសមុន។

៤.គោរពឲ្យតម្លៃទាំងនៅចំពោះមុខ និងក្រោយខ្នង

បើសង្សារតែងតែនិយាយពាក្យល្អៗ កាន់ជើង និងផ្ដល់តម្លៃដល់អ្នកគ្រប់ពេលនៅចំពោះមុខមិត្តភ័ក្ដិគេ ទាំងដែលមិត្តគេចូលចិត្តនិយាយពាក្យអាក្រក់ពីអ្នកក៏ដោយ។ មនុស្សប្រុសបែបនោះហើយល្អបំផុត។

៥.មិនបំពានលើរូបរាងកាយអ្នក

បើគេជាមនុស្សប្រុសពិត និងចេះផ្ដល់កិត្តិយសដល់មនុស្សស្រី ដាច់ខាតគេមិនបំពានលើរូបរាងកាយសង្សារឡើយ។ មិនតែប៉ុណ្ណោះសូម្បីតែសម្ដី ក៏មិនដែលនិយាយអាសអាភាសដាក់ដែរ។

៦.គោរពស្រលាញ់គ្រួសារអ្នក

មិនមែនតែមិត្តស្រីទេដែលត្រូវបានសង្សារគោរពស្រលាញ់ សូម្បីតែគ្រួសារអ្នកក៏គេធ្វើបែបនេះដែរនោះ បញ្ជាក់ថាជាការផ្ដល់កិត្តិយសដល់ដៃគូ៕

ចុចអាន៖Sweet កប់! ស្រីៗដឹងតែស្រឡាញ់ខ្លាំងម៉ងបើមានសង្សារចេះថតបែបនេះ

អត្ថបទ៖ ទ្រី រ៉ាវី