ពេលថតរូបចេះតែមិនដឹងធ្វើកាយវិការម៉េចសមមែនទេ? Style ទាំង ១២ នេះអាចជួយបាន
- 2017-09-04 02:54:06
- ចំនួនមតិ 0 | ចំនួនចែករំលែក 0
ពេលថតរូបចេះតែមិនដឹងធ្វើកាយវិការម៉េចសមមែនទេ? Style ទាំង ១២ នេះអាចជួយបាន
ទោះបីរូបរាងបានក៏ដោយតែបើយើងប្រើស្ទីលថតខុស រូបថតប្រាកដជាគ្មានភាពទាក់ទាញឡើយ។ ដូចនេះការចេះប្រើ Style ថតគឺពិតជាសំខាន់៖
១. ច្រត់ចង្កេះ
ជាស្ទីលបង្ហាញរាងឡូយបំផុត។ ដាក់ដៃច្រតចង្កេះមួយ និងត្រគាកមួយដើម្បីបង្ហាញរាងស្លីមរបស់ចង្កេះ។
២. ទម្លាក់ដៃមួយ ច្រត់ចង្កេះមួយ
វាស្រដៀងនឹងទីមួយដែរតែលើកនេះយើងត្រូវទម្លាក់ដៃមួយចុះនៅចំហៀង។ គួរងាកខ្លួនបន្តិចមកខាងដៃដែលទម្លាក់នោះ។
៣. ផ្អែកទៅក្រោយ
បើមានរបង ឬតុនៅក្បែរដែលអាចផ្អែកបាន កុំភ្លេចស្ទីលនេះឲ្យសោះ។ ប៉ុន្តែត្រូវជៀសវាងកុំលើកស្មាខ្ពស់ពេក។
៤. ដៃលើភ្លៅមួយចំហៀង
នេះជាស្ទីលបែបសាមញ្ញមួយដែលអាចបង្ហាញរាងបានឡូយ។
៥. ផ្អែកកែងដៃ
បើប្រើ Style របៀបនេះ អ្នកគួរថតពីចំហៀងដើម្បីបង្ហាញដៃ និងរាង។
៦. ផ្អែកកែងដៃចំហៀង
ថតបែបនេះក៏សក្ដិសមផងដែរព្រោះវាបង្ហាញរាងជាអក្សរ S របស់ស្ត្រី។
៧. ច្រត់កែងមកមុខ
ជា Style មួយឡូយខ្លាំងបើអ្នកចង់បានរូបបែបពាក់កណ្ដាល។
៨. ផ្អែកចំហៀង
មើលទៅដូចជាម៉ូដែលអញ្ចឹង។ Style បែបនេះក៏តម្រូវសម្រាប់ថតពាក់កណ្ដាលខ្លួនដែរ។
៩. ដាក់ដៃចូលហោប៉ៅ
នេះសម្រាប់អ្នកដែលមានអារម្មណ៍ថាដាក់ដៃចេញក្រៅមើលទៅឆ្គងៗ ប៉ុន្តែត្រូវតែប្រាកដថាក្នុងហោប៉ៅអ្នកគ្មានរបស់អ្វីទេ។
១០. ថតចំហៀងពាក់កណ្ដាលខ្លួន
វាអាចធ្វើឲ្យអ្នកមើលទៅរាងស្គមជាងធម្មតា។ គួរងាកទៅកាមេរ៉ាបន្តិច ធ្វើខ្នងឲ្យត្រង់ និងលើកចង្កាឡើង។
១១. ទប់ជញ្ជាំង
ការយកដៃទាំងពីរដាក់ទៅជញ្ជាំងបែបនេះអាចធ្វើឲ្យបរិវេណមុខយើងលេចធ្លោឡើង។
១២. ខ្វែងដៃ
វាអាចធ្វើឲ្យរាងស្មាស្អាត និងមើលទៅជាមនុស្សមានទំនុកចិត្ត៕
ចុចអាន៖ មិនគួរឲ្យជឿសោះ! របស់ងាយៗទាំងនេះអាចធ្វើឲ្យរូបថតយើងស្អាតមិនគួរឲ្យជឿ