បើ Passport បាត់ ឬចោរលួចពេលធ្វើដំណើរនៅក្រៅប្រទេស ត្រូវអនុវត្ត ៣ ជំហាននេះ
- 2017-08-19 02:39:48
- ចំនួនមតិ 0 | ចំនួនចែករំលែក 0
បើ Passport បាត់ ឬចោរលួចពេលធ្វើដំណើរនៅក្រៅប្រទេស ត្រូវអនុវត្ត ៣ ជំហាននេះ
នេះជាកាភ័យខ្លាចដ៏ធំបំផុតរបស់ទេសចរទាំងអស់ ព្រោះបើបាត់បង់លិខិតឆ្លងដែនរបស់ពួកគេអំឡុងពេលនៅបរទេស គឺរឿងដ៏អាក្រក់។ ការបាត់បង់លិខិតឆ្លងដែនមានន័យថាអ្នកត្រូវជាប់គាំងនៅក្នុងប្រទេសមួយនោះ ដូចនេះបើស្ថិតក្នុងស្ថានការណ៍ដ៏លំបាកចូររក្សាភាពស្ងប់ស្ងាត់ និងគួរធ្វើតាម ៣ ជំហាននេះ៖
១.ទៅស្ថានីយប៉ូលិសដែលនៅជិតបំផុត ហើយដាក់ពាក្យស្នើសុំ
នៅពេលដឹងថាលិខិតឆ្លងដែនបានបាត់បង់ ឬត្រូវចោរលួចអ្នកគួរតែរាយការណ៍ពីការបាត់បង់ ឬឧបទ្ទវហេតុអ្វីភ្លាមៗទៅស្ថានីយប៉ូលិសដែលនៅជិតបំផុត។ សូមប្រាកដថាអ្នកបានទទួលច្បាប់ចម្លងនៃរបាយការណ៍ប៉ូលិស។ វានឹងមានអត្ថប្រយោជន៍ក្នុងករណីដែលលិខិតឆ្លងដែនរបស់អ្នកត្រូវបានគេយកទៅប្រើក្នុងគោលបំណងគួរឲ្យសង្ស័យ បន្ទាប់ពីវាបានបាត់។ របាយការណ៍របស់ប៉ូលិសនឹងធ្វើជាភស្តុតាងថានរណាម្នាក់ផ្សេងទៀតកំពុងប្រើវាជំនួសអ្នក។
**២.ទៅស្ថានទូត**
ស្វែងរក និងទាក់ទងទៅស្ថានទូត ឬស្ថានកុងស៊ុលនៅជិតបំផុត។ អ្នកត្រូវរាយការណ៍អំពីលិខិតឆ្លងដែនដែលបាត់ ឬចោរលួចទៅផ្នែកកុងស៊ុលជាពិសេស។ សម្រាប់ព័ត៌មានទំនាក់ទំនងស្ថានកុងស៊ុល និងស្ថានទូតអាចរកបាននៅលើទំព័រព័ត៌មានជាក់លាក់របស់ក្រសួងមហាផ្ទៃ។
៣.ទៅសុំធ្វើលិខិតឆ្លងដែនថ្មី
គួរតែថតរូបលិខិតឆ្លងដែនមួយសន្លឹក ដើម្បីទុកការពារខ្លាចក្រែងមានរឿងអ្វីកើតឡើងដោយចៃដន្យ ហើយមុនពេលធ្វើដំណើរទៅស្ថានទូត ឬស្ថានកុងស៊ុលសូមយករូបនោះទៅបង្ហាញផង។ រូបថតលិខិតឆ្លងដែនចាស់នឹងជួយពន្លឿនដំណើរការទទួលបានលិខិតឆ្លងដែនថ្មីជំនួស៕
ចុចអាន៖Tips សម្រាប់ស្រីៗ រៀបចំរបស់របរដាក់វ៉ាលីឲ្យមានសណ្តាប់ធ្នាប់ល្អ