មនុស្សមានទម្លាប់ប្រចាំថ្ងៃ ៤ យ៉ាងនេះ កំពុងតែបំផ្លាញសុខភាពខ្លួនឯង
- 2017-08-18 13:00:00
- ចំនួនមតិ 0 | ចំនួនចែករំលែក 0
មនុស្សមានទម្លាប់ប្រចាំថ្ងៃ ៤ យ៉ាងនេះ កំពុងតែបំផ្លាញសុខភាពខ្លួនឯង
មនុស្សមានទម្លាប់ជាច្រើនផ្សេងៗពីគ្នា តែ ៤ យ៉ាងនេះ មិនថាប្រុសស្រីទេសុទ្ធតែបានធ្វើរាល់ថ្ងៃ។ គ្រាន់តែមិនដឹងថាទម្លាប់នោះបែរជាវិធីបំផ្លាញសុខភាពខ្លួនឯងទៅវិញ៖
១.ងូតទឹកដុសសាប៊ូច្រើនៗ
មនុស្សភាគច្រើនគិតថាការប្រើសាប៊ូ អាចសម្អាតភាពកខ្វក់នៅក្នុងខ្លួនបានល្អ។ ប៉ុន្តែការងូតទឹកដោយប្រើសាប៊ូក្នុងបរិមាណច្រើនហួសហេតុពេក ធ្វើឲ្យស្បែកស្ងួត និងគ្មានភាពភ្លឺរលោងទៅវិញទេ។
**២.ធ្វើការគ្មានថ្ងៃសម្រាក**
ការខិតខំធ្វើការ គឺជារឿងដ៏ល្អ។ ប៉ុន្តែគួរតែដឹងពីដែនកំណត់នៃរាងកាយផង ដើម្បីកុំឲ្យខួរក្បាលជាប់គាំង និងក្លាយជាការរវើរវាយ។ បើគេងរហូតមមៃឃើញវិលវល់នឹងការងារ នោះបញ្ជាក់ថាខួរក្បាលអ្នកមានបញ្ហាហើយ។
៣.មិនបានស្រូបខ្យល់ឲ្យបានគ្រប់គ្រាន់
ព្រោះតែភាពមមាញឹក មនុស្សស្រីជាច្រើនភ្លេចចំណាយពេលក្នុងការដកដង្ហើមដែលមានភាពត្រឹមត្រូវ។ ការដកដង្ហើមត្រឹមត្រូវ គឺស្រូបខ្យល់ចូលសន្សឹមៗ និងវែងៗនៅចំពោះមុខធម្មជាតិ តែអ្នកខ្លះបែរជាគ្មានពេលធ្វើបែបនេះ ហើយជំនួសដោយការដកដង្ហើមខ្លីៗ។
៤.ហាត់ប្រាណដោយមិនកម្ដៅសាច់ដុំជាមុន
មនុស្សជាច្រើនបានមើលរំលងចំណុចនេះ ហើយចុងក្រោយនឹងមានបញ្ហាជាមិនខាន។ ការចាប់ផ្ដើមហាត់ប្រាណដោយមិនកម្ដៅសាច់ដុំជាមុន ងាយនឹងធ្វើឲ្យរបួសសរសៃ និងសាច់ដុំគ្រប់ពេលវេលា៕
ចុចអាន៖ទម្លាប់៦យ៉ាងពេលងូតទឹក ស្រីៗគួរបញ្ឈប់ បើមិនចង់ប៉ះពាល់សុខភាព