៥វិធីងាយៗជួយឲ្យ “កញ្ចឹងកខ្មៅ” ប្រែជា ស វិញដូចចិត្ត
- 2017-08-18 10:00:37
- ចំនួនមតិ 0 | ចំនួនចែករំលែក 0
៥វិធីងាយៗជួយឲ្យ “កញ្ចឹងកខ្មៅ” ប្រែជា ស វិញដូចចិត្ត
ប្រិយមិត្តនារីដែលកំពុងជួបប្រទះបញ្ហា “កញ្ចឹងកខ្មៅ” មិនចាំបាច់ព្រួយបារម្ភទៀតទេ ថ្ងៃនេះ Kanha នឹងបង្ហាញវិធីងាយៗចំនួន ៥ដែលអាចឲ្យអ្នកដោះស្រាយបញ្ហាមួយនេះបាន។
៥. ប្រើ Tonner ឬប្រេងអូលីវ
គ្រប់ពេលក្រោយពីងូតទឹក នារីៗជឿជាក់ឬអត់ថា ក របស់យើងស្អាត១០០%? សាកល្បងយកសំឡីបន្តក់ Toner ឬប្រេងអូលីវក៏បាន រួចហើយយកជូតកញ្ចឹងក និងមើលលទ្ធផលថាតើសំឡីមានពណ៌អ្វី។ បើមានពណ៌ខ្មៅស្រអាប់ នោះបង្ហាញថាអ្នកសម្អាតវាមិនបានល្អទេ ដូច្នេះបើមិនចង់មានបញ្ហាកខ្មៅ អ្នកអាចសម្អាតវាដោយវិធីនេះ។
៤. លាបក្រែមបម្រុងរាល់ថ្ងៃ
ស្បែក ក ក៏ត្រូវការការថែរក្សាមិនចាញ់ស្បែកមុខ និងស្បែកខ្លួនយើងដែរ។ អាចជ្រើសក្រែមលាបស្បែកណាដែលមានគ្រឿងផ្សំធ្វើឲ្យស (Whitening) មកលាបវារាល់ថ្ងៃ នោះវានឹងសឡើងៗឯកឯង។
៣. ជូតស្បែកដោយប្រើក្រូចឆ្មារ
វិធីមួយទៀតនេះ គឺវិធីធម្មជាតិសុទ្ធសាធ គឺគ្រាន់តែយកក្រូចឆ្មារច្របាច់យកទឹក រួចយកសំឡីជ្រលក់យកមកជូតបរិវេណក៏ ទុកចោល ១៥-២០នាទីសឹមលាងចេញ ដោយក្រូចឆ្មារមានជាតិអាស៊ីដដែលអាចជម្រុះកោសិកាស្បែកងាប់ចេញបាន។
២. ខាត់ស្បែកបែបធម្មជាតិ
ការខាត់ស្បែក (Scrub) បច្ចុប្បន្នមានរូបមន្តផ្សេងៗគ្នាជាច្រើន តែវិធីដែលយើងនឹងណែនាំនេះគឺជាវិធីធម្មជាតិ ដូចជា អំពិលទុំ អំបិលខាត់ស្បែក ឬប៉េងប៉ោះ+ស្ករ ដែលអ្នកអាចជ្រើសរើសយកណាមួយក៏បានក្នុងចំណោមនេះមកខាត់ថ្នមៗ ដើម្បីជម្រុះកោសិកាស្បែកងាប់ចោល។ ធ្វើបែបនេះតែពីរដងក្នុងមួយអាទិត្យជាប្រចាំនឹងអាចដឹងលទ្ធផល។
១. សាកល្បងសម្រកទម្ងន់
ការឡើងគីឡូហួសកម្រិតក៏ជាមូលហេតុធំដែលនាំឲ្យកញ្ចឹងកខ្មៅដែរ ដូច្នេះបើដឹងថាខ្លួនធាត់ ត្រូវព្យាយាមសម្រកទម្ងន់ដោយការគ្រប់គ្រងអាហារ និងហាត់ប្រាណ។ ដឹងថានេះជាវិធីដែលស្រីៗត្រូវថាំចិត្ត ប៉ុន្តែក៏ត្រូវយកឈ្នះចិត្តខ្លួនឯងឲ្យបានដើម្បីសម្រស់ និងសុខភាពខ្លួនឯង ៕