មនុស្សស្រីអាយុជិត៣០ឆ្នាំ និងភាពឯកាដែលគ្មានអ្នកណាយល់
- 2017-08-18 03:58:36
- ចំនួនមតិ 0 | ចំនួនចែករំលែក 0
មនុស្សស្រីអាយុជិត៣០ឆ្នាំ និងភាពឯកាដែលគ្មានអ្នកណាយល់
នារីអាយុ៣០ឆ្នាំ សំនួរដែលតែងជួបប្រទះជាងគេគឺ៖ "ពេលណាមានប្ដី?”។ មានពេលខ្លះមានគេសួរច្រើនពេក ក៏បែរជាខ្ជិលឆ្លើយបានត្រឹមតែញញឹម ហើយសួរខ្លួនឯងវិញថា៖ ហេតុអ្វីចាំបាច់យកប្ដី?
ជីវិតពេលបច្ចុប្បន្នមិនល្អឬ? មានការងារធ្វើល្អ មានលុយចាយ មានផ្ទះនៅ។ យូរម្ដងៗអាចដើរលេងបានទៀត។ ទោះគ្មានគ្រួសារមែន តែក៏មានសេរីភាពដែរ។
ពេលខ្លះឃើញមិត្តភ័ក្ដិមានប្ដី និងកូនពរពេញដៃ ក៏ស្រមៃចង់មាននឹងគេដែរ។ ពេលខ្លះទៀតអង្គុយស្ដាប់មិត្តភ័ក្ដិរៀបរាប់ពីទុក្ខលំបាកពេលមានគ្រួសារ ក៏ដូចជាគ្រួសារខាងប្ដីគេធ្វើបាបយ៉ាងម៉េចខ្លះ ក៏គិតវិញថា តាមការពិតនៅអត់គូដូចនេះហើយជាការត្រឹមត្រូវ។
ស្មានតែរស់នៅបែបនេះរហូតគឺល្អហើយនោះ តែក៏មានខ្លះមានចិត្តឯកាគួរឲ្យចម្លែក។ ល្ងាចពេលចេញពីធ្វើការខ្លះ ចង់ញ៉ាំបាយជាមួយអ្នកដែលយើងស្រលាញ់មែនទែន។ មានថ្ងៃខ្លះ ស្រាប់តែក្ដៅខ្លួនដូចភ្លើង ចង់បានណាស់ដៃមួយស្ទាបក្បាល ហើយនៅក្បែរមើលថែយើង។ តែមើលជុំវិញបន្ទប់ទៅ មានតែយើងម្នាក់ឲ្យគត់។
អារម្មណ៍ពេលខ្លះគិតថា ម្ដេចក៏បន្ទប់នេះទូលាយយ៉ាងនេះ គ្រែនេះម៉េចក៏ធំខ្លាំងម្ល៉េះ ទោះបីជាទិញខ្នើយច្រើនដល់នេះទៅហើយ។ ពេលឃើញគ្រួសារតូចរបស់គេថតរូបគ្រួសារ ចិត្តមានអារម្មណ៍ថាខ្លួនឯងរសាត់អណ្ដែតខ្លាំងណាស់។
មនុស្សស្រីអាយុ៣០តែងមានអារម្មណ៍បែបនេះ។ អារម្មណ៍ឯកាហើយតែងសួរខ្លួនឯងថា ជីវិតនេះនឹងរសាត់ទៅណា។ តែងតែលើកទឹកចិត្តខ្លួនឯងអារម្មណ៍ឯកានេះនឹងបាត់ទៅដោយខ្លួនឯង៕