ចាប់អ្នកកុហកដោយវិធី ៥ យ៉ាងនេះធានាថារកពាក្យដោះសាមិនឃើញតែម្ដង

2017-08-18 02:51:25
ចំនួនមតិ 0 | ចំនួនចែករំលែក 0

ការកុហកអាចកើតមាននៅគ្រប់ទីកន្លែង ហើយតិចឬច្រើនគ្មាននរណាចូលចិត្តវាទេ។ ដូច្នេះហើយការចេះសម្គាល់ការកុហកជារឿងសំខាន់ដើម្បីកុំឲ្យចាញ់បោកគេបាន។ ខាងក្រោមនេះគឺជាវិធី ៥ យ៉ាងក្នុងការចាប់មនុស្សកុហកយ៉ាងមានប្រសិទ្ធភាពមិនឲ្យដោះសាបានតែម្ដង៖

១. អ្នកកុហកតែងជៀសវាងនិយាយពីខ្លួនឯង

ជំនួសឲ្យការប្រឈមជាមួយបញ្ហា គេតែងលើកឡើងពីអ្នកដទៃណាម្នាក់ដែលបណ្ដាលឲ្យគេធ្វើបែបនេះ មិនមែនគេចង់ទេ។

២. តែងនិយាយបែបអវិជ្ជមានជានិច្ច

ឧទាហរណ៍ពេលទៅកម្មវិធីយឺត គេអាចនិយាយថាដោយសារមនុស្សមិនគោរពច្បាប់ចរាចរណ៍ធ្វើឲ្យផ្លូវស្ទះជាដើម។ គេធ្វើបែបនេះគឺដោយសារតែមិនចង់មានអារម្មណ៍ខុសចំពោះការកុហកខ្លួន។

៣. ចូលចិត្តពន្យល់ច្រើន

ប៉ុន្តែយើងអាចសម្គាល់បានថាការនិយាយរាយរ៉ាប់នោះគឺរបៀបហេតុផលសាមញ្ញៗទេ។ នោះក៏ដោយសារតែខួរក្បាលគេមិនអាចគិតដល់ការកុហកដែលមានភាពស្មុគស្មាញពេកឡើយ។

៤. និយាយបង្វែរដានឲ្យយើងស្ដាប់ច្រឡំ

គេនឹងលើករឿងខ្លះដែលមិនចាំបាច់មកពាក់ព័ន្ធគ្នាដើម្បីគេចពីការពិត និងធ្វើឲ្យយើងមិនចាប់អារម្មណ៍។

៥. ភ្នែក

វាមានប្រសិទ្ធភាពដល់ទៅ ៩៩% ឯណោះព្រោះមិនថាអ្នកកុហកពូកែប៉ុណ្ណាក៏មិនអាចលាក់បាំងបានដែរ។ ដោយសារការនិយាយមិនពិត អ្នកកុហកតែងមានអារម្មណ៍មិនស្រួល។ ដូចនេះ ភ្នែកនិងប្រស្រីភ្នែករបស់គេនឹងរីកធំមិនខាន៕